សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងរយៈពេល៧ខែដើមឆ្នាំ២០២៥នេះ កម្ពុជាទទួលបានប្រភពទុនវិនិយោគមកពីប្រទេសចំនួន២ គឺប្រទេសចិន និងកម្ពុជាខ្លួនឯង ដោយគ្រាន់ប្រភពទុនវិនិយោគពីប្រទេសទាំងពីរនេះមានសរុបប្រមាណ ៥,៦ពាន់លានដុល្លារអាមេរិក ឬប្រមាណ ៨៣,៦៣ភាគរយនៃទុនវិនិយោគសរុបក្នុងរយៈពេល៧ខែ ។
បើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជាបានឱ្យដឹងថា គិតចាប់ពីខែមករា ដល់ដំណាច់ខែកក្កដា ឆ្នាំ២០២៥ គម្រោងវិនិយោគចំនួន ៤៤០គម្រោង ជាមួយដើមទុនប្រមាណ ៦,៧ពាន់លានដុល្លារអាម៉េរិកត្រូវបានក្រុមប្រឹក្សាអភិវឌ្ឍន៍កម្ពុជាអនុម័តជាផ្លូវការ ។ នៅក្នុងចំណោមប្រភពទុនវិនិយោគក្នុងរយៈពេល៧ខែកន្លងមកនេះឃើញថា ប្រភពទុនវិនិយោគពីប្រទេសចិនមានរហូតដល់៥៣,៦៦ភាគរយ ឬស្មើនឹងប្រមាណ ជិត ៣,៦ពាន់លានដុល្លារអាម៉េរិកទៅហើយ ។ ក្រៅពីនេះ ប្រភពទុនវិនិយោគរបស់វិនិយោគិនកម្ពុជាដែលបានបោះទុនវិនិយោគប្រមាណ ២៩,៩៧ភាគរយ ឬប្រមាណ ២ពាន់លានដុល្លារអាម៉េរិក ។
បើតាមរបាយការណ៍ដដែលបានបង្ហាញថា វិស័យដែលទទួលបានការចាប់អារម្មណ៍វិនិយោគច្រើនជាងគេក្នុងរយៈពេល៧ខែនេះ មានវិស័យឧស្សាហកម្ម ដែលមានទឹកប្រាក់រហូតដល់ ៤,៧ពាន់លានដុល្លារក្នុងចំណោមទុនសរុប ៦,៧ពាន់លានដុល្លារអាម៉េរិក បន្ទាប់មកវិស័យហេដ្ឋារចនាសម្ព័ន្ធ ដែលមានទឹកប្រាក់១,៥ពាន់លានដុល្លារអាម៉េរិក និង វិស័យទេសចរណ៍ ១៦៧លានដុល្លារអាម៉េរិក ។
ជាការកត់សម្គាល់ ក្នុងរយៈពេល៧ខែ ខេត្តកំពង់ស្ពឺ ទទួលបានគម្រោងវិនិយោគច្រើនជាងគេ ដែលមានចំនួនរហូតដល់ ១០៤គម្រោង បន្ទាប់មកខេត្តស្វាយរៀងមានចំនួន១០២គម្រោង ភ្នំពេញចំនួន ៥១គម្រោង តាកែវ ៤៤គម្រោង កោះកុងចំនួន៤១គម្រោង ។
ក្នុងរយៈពេលប៉ុន្មានឆ្នាំចុងក្រោយនេះ ចិនគឺជាប្រភពទុនវិនិយោគដ៏សំខាន់កម្ពុជា និងបានធ្វើឱ្យចិនក្លាយជាប្រទេសដែលមានវិនិយោគិនដាក់ទុនច្រើនជាងគេនៅកម្ពុជា ដោយក្នុងនោះយើងឃើញមានគម្រោងធំៗជាច្រើន ក្រោមការវិនិយោគ របស់វិនិយោគិនទាំងនៅភ្នំពេញ ក្រុងព្រះសីហនុ និងបណ្ដាខេត្តមួយចំនួនទៀត ។ សម្រាប់រាជធានីភ្នំពេញ អគារខ្ពស់ៗនៅតាមបណ្ដោយផ្លូវសំខាន់ៗ ជាគម្រោងវិនិយោគ និងស្ថិតក្រោមការគ្រប់គ្រងរបស់វិនិយោគិន និងមានប្រភពទុនពីប្រទេសចិន ។
រាជរដ្ឋាភិបាលកម្ពុជា នៅតែបន្តទាក់ទាញវិនិយោគិនចិនមកបណ្ដាក់ទុនវិនិយោគនៅកម្ពុជាបន្តទៀត ជាពិសេសជំរុញឱ្យមានការបង្កើតតំបន់សេដ្ឋកិច្ចពិសេសនៅកម្ពុជា ដើម្បីសម្រួលដល់ការវិនិយោគិនមកពីប្រទេស ពីព្រោះតំបន់សេដ្ឋកិច្ចពិសេសបានផ្ដល់ភាពងាយស្រួលជាច្រើនដល់វិនិយោគិន ដោយមិនចាំបាច់មានភាពស្មុគ្រស្មាញឡើយ ជាពិសេសគម្រោងវិនិយោគលើវិស័យឧស្សាហកម្ម ៕
Account
Security
Favourite Content