សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ របាយការណ៍របស់អគ្គនាយកដ្ឋានគយ និងរដ្ឋាករកម្ពុជាបានបង្ហាញថា រយៈពេល៩ខែ ឆ្នាំ២០២៣នេះ កម្ពុជាបាននាំចេញទំនិញទៅកាន់ទីផ្សារសហរដ្ឋអាមេរិក មានទឹកប្រាក់ចំនួន ៦ ៨៩៧លានដុល្លារ ធ្លាក់ចុះ ២.១ភាគរយ បើធៀបនឹងរយៈពេលដូចគ្នាឆ្នាំ២០២២ មានចំនួន ៧ ០៤៦លានដុល្លារ។
របាយការណ៍បានបញ្ជាក់ថា ចាប់ពីខែមករា ដល់ខែកញ្ញា ឆ្នាំ២០២៣នេះ ការដោះដូរទំនិញរបស់កម្ពុជាទៅកាន់ទីផ្សារសហរដ្ឋអាមេរិក មានទឹកប្រាក់ចំនួន ៧ ០៧៨លានដុល្លារ ក្នុងនោះកម្ពុជានាំចេញមានជាង ៦ ៨៩៧លានដុល្លារ ធ្លាក់ចុះ ២.១ភាគរយ ចំណែកការនាំចូលមានចំនួន ១៨១លានដុល្លារ ធ្លាក់ចុះ ២៧.៨ភាគរយ។
ចំពោះការកើនឡើងនៃការនាំចេញទំនិញរបស់កម្ពុជា ទៅកាន់ទីផ្សារសហរដ្ឋអាមេរិកនេះ បានបញ្ជាក់ពីភាពល្អប្រសើរនៃការដោះដូរទំនិញរវាងប្រទេសទាំងពីរ ហើយតាមរយៈតួលេខនាំចេញនេះ អាមេរិកបានក្លាយជាទីផ្សារនាំចេញ និងជាទីផ្សារសំខាន់ សម្រាប់ម្ពុជា។
ផលិតផលសំខាន់ៗរបស់ព្រះរាជាណាចក្រកម្ពុជា ដែលនាំចេញទៅអាមេរិកភាគច្រើនមានដូចជា គ្រាប់ធញ្ញជាតិ គ្រឿងសង្ហារឹម កៅស៊ូ មានសម្លៀកបំពាក់ សម្ភារសម្រាប់ការធ្វើដំណើរ (វ៉ាលី កាបូប) កង់ និងសម្ភារប្រើប្រាស់ មួយចំនួនទៀត។ ឧស្សាហកម្មកាត់ដេរ ស្បែកជើង និងទំនិញធ្វើដំណើរ គឺជាអ្នករកចំណូលពីការប្តូរប្រាក់បរទេសធំបំផុតសម្រាប់ប្រទេសកម្ពុជា។ វិស័យនេះមានរោងចក្រ និងសាខាប្រហែល ១,១៣៣ ដែលមានបុគ្គលិកប្រមាណ ៨៤០,០០០ នាក់ ដែលភាគច្រើនជាស្ត្រី។
ចំណែកកម្ពុជា នាំចូលពីអាមេរិកវិញ មានដូចជារថយន្ត គ្រឿងយន្ត គ្រឿងអលង្ការ គ្រឿងសំអាង សម្ភារអគ្គិសនី អេឡិចត្រូនិក និងសម្ភារប្រើប្រាស់មួយចំនួនទៀត។
សូមបញ្ជាក់ថា ទីផ្សារធំបំផុតរបស់កម្ពុជា គឺសហរដ្ឋអាមេរិក ចិន វៀតណាម ជប៉ុន ចិន អាល្លឺម៉ង់ កាណាដា និងចក្រភពអង់គ្លេស។ ក្រៅពីសហរដ្ឋអាមេរិក ប្រទេសដែលកម្ពុជានាំចេញច្រើនបន្ទាប់នោះគឺ ប្រទេសវៀតណាមនាំចេញជាង ២ពាន់លានដុល្លារ កើនឡើង ៣០.៧ភាគរយ, ប្រទេសចិនជាង ១ពាន់លានដុល្លារ កើនឡើង១៨ភាគរយ និងប្រទេសជប៉ុនជិត ៩០០លានដុល្លារ ធ្លាក់ចុះ ១.៣ភាគរយ។
សូមជម្រាបថា សម្តេចធិបតី បន្ទាប់ពីដំណើរទស្សនកិច្ចនៅទីក្រុងញូវយ៉ក និងជំនួបទ្វេភាគីនានា, ជាពិសេស នាជំនួបទ្វេភាគីជាមួយ លោកជំទាវ វ៉ិចតូរីយ៉ា នូលែន (Victoria Nuland) អនុរដ្ឋមន្ត្រីការបរទេសស្ដីទីសហរដ្ឋអាមេរិក និងបានថ្លែងអំណរគុណ រដ្ឋាភិបាលអាមេរិក ដែលបានផ្តល់ជូនឡើងវិញនូវជំនួយក្នុងទំហំទឹកប្រាក់ប្រមាណ ១៨ លានដុល្លារអាមេរិក តាមរយៈទីភ្នាក់ងារអាមេរិកសម្រាប់ការអភិវឌ្ឍអន្តរជាតិ (USAID) ដែលប្រាក់ជំនួយ នេះ នឹងត្រូវយកទៅប្រើប្រាស់នៅក្នុងវិស័យសំខាន់ៗ ដូចជា៖ ១- ការកែលម្អការផ្ដល់សេវាសុខាភិបាលទាំងក្នុងផ្នែករដ្ឋ និងផ្នែកឯកជន ២- ការការពារបរិស្ថានប្រកបដោយចិរភាព ៣- ការការពារ និងការប្រយុទ្ធនឹងជំងឺរបេង និង ៤- ការបណ្ដុះបណ្ដាលផ្នែកសហគ្រិនភាពដល់យុវជនកម្ពុជា ជាដើម។
ដោយឡែកក្នុងការប្តេជ្ញាចិត្តរួមគ្នាក្នុងការពង្រឹងកិច្ចសហប្រតិបត្តិការទេសចរណ៍បន្ថែមទៀត តាមរយៈការលើកកម្ពស់ការផ្លាស់ប្តូរវប្បធម៌ និងសេដ្ឋកិច្ច ការកសាងទំនាក់ទំនងរវាងប្រជាជន និងប្រជាជនឱ្យកាន់តែរឹងមាំ និងការបង្កើនទំនុកចិត្តនិងប្រយោជន៍ទៅវិញទៅមករវាងប្រទេសទាំងពីរ ដោយភាគីអាមេរិកបានសន្យាជួយផ្សព្វផ្សាយពីគោលដៅទេសចរណ៍ ដើម្បីទាក់ទាញភ្ញៀវទេសចរ វិនិយោគិនមកកាន់កម្ពុជា និងផ្តល់ការសង្ឃឹមថានឹងឃើញភ្ញៀវទេសចរកម្ពុជាកាន់តែច្រើនមកសហរដ្ឋអាមេរិក និងបន្តសម្រួលការធ្វើដំណើររវាងប្រទេសទាំងពីរ។
សូមបញ្ជាក់ថា ក្នុងឆ្នាំ២០២២ ទឹកប្រាក់ពាណិជ្ជកម្មអន្តរជាតិរបស់កម្ពុជា មានសរុបជាង ៥២,៤២ ពាន់លានដុល្លារ កើន ៩,២ ភាគរយធៀបនឹងឆ្នាំ ២០២១ ក្នុងនោះកម្ពុជានាំចេញជាង ២២,៤៨ ពាន់លានដុល្លារ កើនឡើង ១៦,៤ ភាគរយ និងនាំចូលមកវិញជិត ៣០ ពាន់លានដុល្លារ កើន ៤,៣ ភាគរយ។ នេះបើតាមអគ្គនាយកដ្ឋានគយ និងរដ្ឋាករកម្ពុជា៕
Account
Security
Favourite Content