My Dream Home ធរុកិច្ចបរិយាបន្នបង្កើតឡើងដើម្បីបំពេញក្តីសុបិនពលរដ្ឋដែលមានជីវភាពខ្វះខាតអាចសាងសង់ផ្ទះផ្ទាល់ខ្លួន

ភ្នំពេញ ៖ ផ្ទះ គឺជាវត្ថុដ៏ចាំបាច់សម្រាប់មនុស្សគ្រប់គ្នាក្នុងការថែរក្សាការពារសន្តិសុខផង និងជារបាំងដ៏កក់ក្តៅគ្រប់ពេលវេលា គ្រប់ស្ថានភាពអាកាសធាតុផង ហើយវាកាន់តែចាំបាច់ ជាពិសេសម្រាប់អ្នកដែលទើបចាប់ផ្តើមមានគ្រួសារ។

ទោះបីជាយ៉ាងណាក្តី តម្លៃអចលនទ្រព្យទាំងដីធ្លី និងគ្រឿងសំណង់នៅតែបន្តកើនឡើងទោះបីជាត្រូវបានថមថយបន្តិចក្តីក្នុងអំឡុងពេលកូវីដ ដែលវាបានធ្វើឲ្យពលរដ្ឋកម្ពុជាមួយចំនួននៅតែមិនទាន់មានលទ្ធភាពក្នុងការសាងសង់ ឬទិញលំនៅដ្ឋានសម្រាប់ខ្លួនឯងនៅឡើយ ហើយនេះគឺជាមូលហេតុសំខាន់ដែលបុរសម្នាក់ដែលមានឈ្មោះថា ហាវ គង់ងីបានសម្រេចចិត្តបើកដំណើរអាជីវកម្មកើតថ្មីតាមបែបធរុកិច្ចបរិយាបន្នមួយកាលពីអំឡុងពេលនៃវិបត្តិរាតត្បាតដោយសង្ឃឹមថាអាចជួយដល់ពលរដ្ឋមានជីវភាពមិនសូវធូរធានិងខ្វះខាតខ្លាំងនៅតែអាចបំពេញក្តីស្រម៉ៃសាងសង់លំនៅដ្ឋានមួយសម្រាប់ខ្លួនឯងបាន។

អាជីវកម្មបរិយាបន្នដែលមានឈ្មោះថា My Dream Home ជាអ្នកជំនាញផលិតឥដ្ឋបរិស្ថាន ឬ Eco-brick ដែលមានតម្លៃទាបងាយស្រួលប្រើប្រាស់ និងពុំចាំបាច់មានជំនាញក្នុងការងារជាជាងសំណង់ក៏អាចសាងសង់ផ្ទះបានដោយខ្លួនឯងបានដែរ ហើយចំណេញទាំងពេលវេលា និងប្រាក់កាសបានយ់ាងច្រើនទៀតផង ជាពិសេសសម្រាប់ពលរដ្ឋដែលមានជីវភាពខ្សត់ខ្សោយខ្លាំង។

លោក ហាវ គង់ងី ធ្លាប់បាននិយាយថា ៖

«My Dream Home គឺជាអាជីវកម្មបរិយាបន្នដែលបានបង្កើតឡើងដើម្បីដោះស្រាយបញ្ហាកង្វះខាតផ្ទះសំបែងនៅកម្ពុជា។ យើងបានអភិវឌ្ឍ និងផលិតបានជាឥដ្ឋបរិស្ថានមួយប្រភេទដែលមានលក្ខណៈងាយស្រួលសាងសង់កាត់បន្ថយទាំងកម្លាំងពលកម្ម និងសំភារៈសាងសង់ផង។ ឥដ្ឋនេះមានភាពរឹងម៉ាំជាងឥដ្ឋធម្មតាដល់ទៅ៣ដង ហើយការប្រើប្រាស់ខ្សាច់ ស៊ីម៉ង់ត៍ គឺមានចំនួនតិចជាងការសាងសង់ធម្មតាដល់ទៅ ៥ ដង និងមិនត្រូវការយកទៅដុតដូចឥដ្ឋធម្មតានោះទេ»។

លោកបន្តថា ៖

«អ្នកមិនមានជំនាញក៏អាចរៀបសង់ជាផ្ទះដោយខ្លួនឯងបានដែរតាមរយៈការបណ្តុះបណ្តាលជាង និងម្ចាស់ផ្ទះដោយឥតគិតថ្លៃពីក្រុមហ៊ុន ហើយកន្លងមក My Dream Home បានចូលរួមដល់កិច្ចការងារសង្គមដូចជាបញ្ចុះតម្លៃចាប់ពី ២៥ ទៅ ៥០ ភាគរយ ដល់ពលរដ្ឋទាំងឡាយណាដែលមានបណ្ណក្រីក្រ ក៏ដូចជាពលរដ្ឋដែលស្ម័គ្រចិត្តផ្លាស់ប្តូរទីលំនៅដ្ឋានទៅរស់នៅទីក្រុងរុនតាឯកផងដែរ។ ទោះបីជាយ៉ាងណាក្តី ក្រុមហ៊ុននៅតែអាចរក្សាបាននូវផលចំណេញពីដំណើរការផលិត និងលក់ ហើយបានជួយផ្តល់ការងារដល់ពលរដ្ឋក្រីក្រជាច្រើនផ្សេងទៀតក្នុងពេលដំណាលគ្នាផងដែរ»។

នៅក្នុងបទសំភាសន៍កាលពីពេលកន្លងទៅនេះ លោក គង់ ងី តែងតែបានដាក់ការប្តេជ្ញាចិត្តថា My Dream Home នឹងអាចជួយដល់ពលរដ្ឋកម្ពុជាឲ្យទទួលបាននូវលទ្ធភាពក្នុងការរស់នៅក្នុងលំនៅដ្ឋានមួយដោយខ្លួនឯង និងមានតម្លៃសមរម្យយ៉ាងហោចណាស់១០ម៉ឺនខ្នងនាពេលអនាគត ដោយលោកជឿជាក់ថា ផ្ទះភាគច្រើនដែលអាចសាងសង់បានជាមួយនឹងឥដ្ឋបរិស្ថានរបស់ My Dream Home អាចនឹងចំណាយត្រឹមតែជិត ១០ ០០០ដុល្លារប៉ុណ្ណោះ ខណៈដែលផ្ទះលក់នៅលើទីផ្សារអាចមានយ៉ាងហោចណាស់តម្លៃដល់ទៅ៤ម៉ឺនដុល្លារ។

គួរឲ្យដឹងដែរថា ធុរកិច្ចបរិយាប័ន្ន គឺជាអាជីវកម្មឈរលើគោលការណ៍ធុរកិច្ចបរិយាបន្ន ដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។ បន្ទាត់អាជីវកម្មបរិយាបន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើននូវស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

តម្លៃប្រេងឡើងថ្លៃ បង្កឱ្យមានការព្រួយបារម្ភលើការផ្គត់ផ្គង់ប្រេងនៅមជ្ឈិមបូព៌ា

ព្រឹត្តិការណ៍, សេដ្ឋកិច្ច

• 19/04/2024

តម្លៃប្រេងឆៅម៉ាក Brent ឡើងថ្លៃ ៨៨,៥ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃដល់ ៨៣,៤៨ ដុល្លារក្នុងមួយបារ៉ែល

ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 19/04/2024

អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។

កម្ពុជានាំចេញគ្រាប់ស្វាយចន្ទីឆៅទៅវៀតណាមជាង៤២ម៉ឺនតោន គិតជាទឹកប្រាក់ជាង៥៤០លានដុល្លារក្នុងត្រីមាសទី១ ឆ្នាំ២០២៤

ព្រឹត្តិការណ៍, សេដ្ឋកិច្ច

• 19/04/2024

កម្ពុជានាំចេញគ្រាប់ស្វាយចន្ទីឆៅទៅប្រទេសវៀតណាមបានជាង៤២ម៉ឺនតោន ហើយគិតជាទឹកប្រាក់បានជាង​៥៤០ លានដុល្លារអាម៉េរិកក្នុងរយៈពេល ៣ខែ ឆ្នាំ២០២៤ ។

អាជីវកម្មលក់សម្ភារៈតុបតែងល្អបែបខ្មែរមួយកន្លែងនៅរាជធានីភ្នំពេញ អាចលក់មួកស្លឹកត្នោតបានរហូតដល់ ៣ម៉ឺនមួកក្នុងឱកាសបុណ្យចូលឆ្នាំខ្មែរ

ជំនួញ, ព្រឹត្តិការណ៍

• 19/04/2024

អាជីវកម្មលក់សម្ភារៈតុបតែងល្អបែបខ្មែរមួយកន្លែងនៅរាជធានីភ្នំពេញ អាចលក់មួកស្លឹកត្នោតបានរហូតដល់ ៣ម៉ឺនមួកក្នុងឱកាសបុណ្យចូលឆ្នាំខ្មែរ

e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 19/04/2024

e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល

សមិទ្ធផល​ទេសចរណ៍ថ្មី​ៗក្នុងទឹក​ដី​ខេត្តកំពត នឹង​ជំរុញ​ទីផ្សារ​ដីធ្លី​ក្នុងខេត្តមួយនេះ​មានសម្ទុះ​មួយកម្រិត​​ទៀត​

ព្រឹត្តិការណ៍, អចលនទ្រព្យ

• 19/04/2024

ការ​បង្កើត​សមិទ្ធផល​ថ្មីៗក្នុងទឹកដី​តំបន់ទេសចរណ៍ មិនត្រឹមតែជួយទាក់ទាញទេសចរ​ប៉ុណ្ណោះទេ តែវា​នឹងទាក់ទាញ​វិនិយោគិន​ចូលទៅតំបន់នោះ​ថែមទៀត​ផងដែរ

ក្នុងត្រីមាសទី១ កម្ពុជាសម្រេចទំហំពាណិជ្ជកម្មជាមួយប្រទេសអាសិបបានជាង ៨៣៦៤លានដុល្លារ​

ព្រឹត្តិការណ៍, សេដ្ឋកិច្ច

• 19/04/2024

ក្នុងត្រីមាសទី១ ឆ្នាំ២០២៤ ទំហំពាណិជ្ជកម្មកម្ពុជាជាមួយបណ្តាប្រទេសដៃគូចំនួន១៤ នៃកិច្ចព្រមព្រៀងសេដ្ឋកិច្ចគ្រប់ជ្រុងជ្រោយតំបន់អាសិប (RECP) សម្រេចបាន៨៣៦៤លានដុល្លារ​

ការប្រើប្រាស់កម្ចីជាមួយគោលដៅច្បាស់លាស់នឹងជួយលើកកម្ពស់ជីវភាពក្រុមគ្រួសារ

ព្រឹត្តិការណ៍, ហិរញ្ញវត្ថុ

• 19/04/2024

ការប្រើប្រាស់កម្ចីពីគ្រឹះស្ថានហិរញ្ញវត្ថុ ដែលមានគោលដៅច្បាស់លាស់ អាចជួយពង្រីកអាជីវកម្ម និងលើកកម្ពស់ជីវភាពក្រុមគ្រួសារប្រជាពលរដ្ឋឱ្យកាន់តែប្រសើរឡើង

Angkor Wildlife & Aquarium អភិរក្សសត្វកម្រ និងផ្តល់ការងារជូនប្រជាពលរដ្ឋ

ព្រឹត្តិការណ៍, សេដ្ឋកិច្ច

• 19/04/2024

ឧទ្យានកម្សាន្ត Angkor Wildlife & Aquarium ក្នុងខេត្តសៀមរាប បានជួយថែរក្សា និង អភិរក្សសត្វទឹកសាប ទឹកប្រៃ និងសត្វព្រៃ ដែលសុទ្ធតែជាប្រភេទសត្វកម្រ