ធុរកិច្ចបរិយាបន្ន VinaSamex ជួយប្រជាជនក្រីក្រនៅខេត្តភាគខាងជើងនៃប្រទេសវៀតណាម

បរទេស៖ យោងតាមប្រភពពី InclusiveBusiness.Net បានលើកឡើងថា គោលបំណងនៃអាជីវកម្មបរិយាបន្នគឺផ្តល់អត្ថប្រយោជន៍ដល់មនុស្សគ្រប់គ្នាដែលពាក់ព័ន្ធ ដូចជា អ្នកផ្គត់ផ្គង់ អ្នកចែកចាយ អ្នកលក់រាយ ឬសូម្បីតែអតិថិជន ក្នុងការបង្កើតខ្សែសង្វាក់តម្លៃដ៏មានប្រសិទ្ធភាព។ អាជីវកម្មបរិយាបន្នត្រូវការប្រើប្រាស់វិធីសាស្រ្តប្រកបដោយភាពច្នៃប្រឌិត ដើម្បីបំពេញតម្រូវការអតិថិជន ឬអ្នកពាក់ព័ន្ធដែលមានចំណូលទាប ខណៈពេលដែលកំពុងរកប្រាក់ចំណេញផងដែរ។

ក្រុមហ៊ុនគ្រឿងទេសវៀតណាម VinaSamex ត្រូវបានបង្កើតឡើងក្នុងឆ្នាំ២០១២ ដែលទទួលការផ្គត់ផ្គង់វត្ថុធាតុដើមដូចជា ផ្កាចន្ទន៍ ឈើអែម និងគ្រឿងទេសផ្សេងទៀតពីកសិករនៅក្នុងខេត្តភាគខាងជើងវៀតណាម ដូចជា Yen Bai និង Lang Son ។ VinaSamex ផលិតគ្រឿងទេសទាំងនោះជាផលិតផលសម្រេច និងនាំចេញពួកវាទៅកាន់ទីផ្សារធំៗដូចជា សហភាពអឺរ៉ុប សហរដ្ឋអាមេរិក និងជប៉ុន។ ក្រុមហ៊ុននេះផ្តោតលើផលិតផលដែលមានគុណភាពខ្ពស់ដែលសមស្របនឹងស្តង់ដារទីផ្សារអន្តរជាតិ ដោយមិនប្រើប្រាស់ជីគីមី ថ្នាំសំលាប់សត្វល្អិត និងថ្នាំសំលាប់ស្មៅ។ បន្ថែមពីនេះ វាអនុវត្តស្តង់ដារអន្តរជាតិខ្ពស់ដូចជា HACCP, Organic, និង Fair Trade ។

ទន្ទឹមនឹងនេះ VinaSamex បានអនុវត្តគំរូអាជីវកម្មបរិយាបន្ន ឬ Inclusive Businees។ កសិករ​ភាគ​ច្រើន​នៅ​តំបន់​ភ្នំ​ភាគ​ខាង​ជើង​នៃ​ប្រទេស​វៀត​ណាម​រស់នៅក្នុងភាព​ក្រីក្រ ហើយ​មិន​មាន​ប្រាក់​ចំណូល​ស្ថិរភាពនោះទេ។ តំបន់ទាំងនោះភាគច្រើនជាសហគមន៍ក្រីក្របំផុត និងពិបាកទៅដល់បំផុតក្នុងប្រទេសវៀតណាម ដោយភាគច្រើនគឺជាក្រុមជនជាតិភាគតិច។ ជាធម្មតា កសិករនៅទីនោះលក់ផលិតផលរបស់ពួកគេទៅឱ្យឈ្មួញកណ្តាលដែលនឹងលក់បន្តទៅកាន់ទីផ្សារប្រទេសចិនជាមួយនឹងការប្រែប្រួលតម្លៃ ឬ សម្ពាធតម្លៃផ្សេងៗ ដែលផ្តល់ប្រាក់ចំណេញតិចតួចប៉ុណ្ណោះសម្រាប់កសិករ។

ជាមួយគ្នានេះ ដើម្បីធានាបាននូវផលិតផលដែលមានគុណភាពខ្ពស់ VinaSamex បានប្រកាន់ខ្ជាប់នូវស្តង់ដារកម្រិតខ្ពស់ក្នុងអំឡុងពេលផលិត ការរក្សាទុក ការវេចខ្ចប់ និងការដឹកជញ្ជូន។ មិនត្រឹមតែប៉ុណ្ណោះ ក្រុមហ៊ុនផ្តល់ការបណ្តុះបណ្តាលដោយមិនគិតថ្លៃដល់កសិករដូចជា ការបណ្តុះបណ្តាលបច្ចេកទេសកសិកម្ម, ការប្រើឧបករណ៍ប្រមូលផល, គ្រឿងសម្ភារៈសម្រាប់ការរក្សាទុកផលិតផល, របៀបវេចខ្ចប់ដែលធានាសុវត្ថិភាព, គំរូផលិតកម្ម, ការធានាការត្រួតពិនិត្យគុណភាពឱ្យស្របតាមស្តង់ដារគុណភាពនៃវិញ្ញាបនប័ត្រអន្តរជាតិ និងប្តេជ្ញាចិត្ត ១០០ ភាគរយទិញពីផលិតផលពីកសិករទាំងនោះ។ មិនត្រឹមតែប៉ុណ្ណោះ Vinasamex ក៏ផ្តល់ជូនការបណ្តុះបណ្តាលស្របតាមស្តង់ដារវិញ្ញាបនប័ត្រអន្តរជាតិ ICT និងសមភាពយេនឌ័រទៅកាន់កសិករ និងកម្មករ ដែលមកពីសហគមន៍ជនជាតិភាគតិចថែមទៀតផង ដែលក្នុងនោះមាន ៩៥ ភាគរយជាស្ត្រី។

ទន្ទឹមនឹងនេះ VinaSamex  កំពុងធ្វើការដោយផ្ទាល់ជាមួយ ១ ៤០៩ គ្រួសារ ដែលប្រមាណជា ៦០ ភាគរយគឺជាគ្រួសារក្រីក្រ និងងាយរងគ្រោះ ហើយប្រហែល ៦០ ទៅ ៨០ ភាគរយនៃអ្នកដែលបានចូលរួមគឺជាស្ត្រី។ បន្ថែមពីនេះ ភាគច្រើននៃអ្នកទទួលផលចំណេញពីក្រុមហ៊ុន គឺមកពីក្រុមជនជាតិភាគតិច។ គួរឲ្យបញ្ជាក់ដែរថា កសិករដែលធ្វើការជាមួយ Vinasamex អាចរកចំណូលបានពី ៤ ទៅ​ ៥ លានដុងក្នុងមួយខែជាមធ្យម (៧ ដុល្លារក្នុងមួយថ្ងៃ) ដែលជាកម្រិតទាប។ យ៉ាងណាមិញ ក្រុមហ៊ុន​កំពុង​ចំណាយ​ប្រហែល ១០ ភាគរយច្រើន​ជាង​តម្លៃដែលកសិករ​ទទួល​បាន​ពី​ឈ្មួញ​កណ្តាល​ក្នុង​ទីផ្សារ​ក្នុង​ស្រុក។

Lisa Huyen គឺជាស្ថាបនិក Vinasamex បានលើកឡើងថា នៅពេលដែលគាត់ចាប់ផ្តើមអាជីកម្មនេះដំបូងបានជួបភាពប្រឈមនឹងបញ្ហាដ៏គួរឱ្យភ័យខ្លាចមួយចំនួន រួមមាន ការចូលទៅកាន់ទីផ្សារ និងការធានានូវការគាំទ្រផ្នែកហិរញ្ញវត្ថុពីធនាគារ។ មិនត្រឹមតែប៉ុណ្ណោះ ការ​បង្កើត​គំរូ​អាជីវកម្មបរិយាបន្នដែលមានលក្ខណៈ​រួមបញ្ចូល​ជុំវិញ​ផលិតផល​កសិកម្ម គឺ​ជា​បញ្ហា​ប្រឈម​មួយ ប៉ុន្តែ​អ្នក​អាច​ធ្វើ​វា​បាន​ប្រសិន​បើ​អ្នក​មាន​ក្ដី​ស្រឡាញ់ ភាព​អត់ធ្មត់ និង​បេសកកម្ម​ច្បាស់លាស់​គ្រប់គ្រាន់។ ចាប់តាំងពីពេលនោះមក ការតស៊ូរបស់គាត់ទាំងលើការងារ និងការវិនិយោគក្នុងធនធានមនុស្សមិនត្រឹមតែទទួលបានផលចំណេញផ្នែកហិរញ្ញវត្ថុប៉ុណ្ណោះទេ ប៉ុន្តែថែមទាំងផ្តល់ផលវិជ្ជមានដល់សង្គមសម្រាប់មនុស្សរាប់ពាន់នាក់ទៀតផង ខណៈដែលកាលពី​១០​ឆ្នាំ​មុន កសិករ​ទាំងនោះអាចរក​ប្រាក់​ចំណូល​ប្រចាំឆ្នាំ​ជា​មធ្យមបានត្រឹមតែ ​២៥០ ​ដុល្លារ​ប៉ុណ្ណោះក្នុង​មួយ​ហិកតា​ ប៉ុន្តែឥឡូវនេះ ពួកគេអាចរកបានជាមធ្យមប្រមាណ ៥ ០០០ ដុល្លារក្នុងមួយហិកតាក្នុងមួយឆ្នាំ ហើយ​អាច​ចំណាយ​សម្រាប់​កូន​ទៅ​សាលា ​និង​អាចទប់ទល់នឹងចំណាយផ្សេងៗទៀត៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្តេចធិបតី ៖ ការគ្រប់គ្រងធនធានទឹកបានកាន់តែល្អ អាចជួយដល់ការអភិវឌ្ឍសង្គម និងសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ទឹកគឺជាធនធានដ៏មានសារៈសំខាន់សម្រាប់ការអភិវឌ្ឍសង្គម និងសេដ្ឋកិច្ច ហើយការប្រើប្រាស់ធន​ធានទឹកប្រកបដោយប្រសិទ្ធភាព និងស័ក្ដិសិទ្ធិភាព គឺពិតជារបៀបវារៈសំខាន់ខ្លាំងបំផុត។

ស្លឹកទ្រាំង មានប្រយោជន៍ច្រើន និងធ្វើកាបូបបានស្អាតប្លែក និងប្រើបានយូរ

ជំនួញ, ព្រឹត្តិការណ៍

• 11/04/2024

ទ្រាំង ជាដំណាំមួយប្រភេទដែលមានអត្ថប្រយោជន៍ច្រើន សូម្បីស្លឹកក៏អាចយកទៅវិញកែច្នៃជាសម្ភារប្រើប្រាស់ ជាពិសេសធ្វើជាការបូបដ៏មានសោភ័ណភាពស្រស់ស្អាត។

វិស័យកម្មន្តសាល និងការងើបឡើងវិញ ជួយជំរុញកំណើនសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 11/04/2024

ADB ព្យាករថាសេដ្ឋកិច្ចកម្ពុជានឹងកើនឡើងក្នុងអត្រា ៥,៨% ក្នុងឆ្នាំ២០២៤និង៦,០%ក្នុងឆ្នាំ២០២៥ ដោយសារកំណើនក្នុងវិស័យកម្មន្តសាល និង វិស័យទេសចរណ៍ ។

ភាពរីកចម្រើននៃប្រព័ន្ធធនាគារនៅកម្ពុជាបង្ហាញយ៉ាងច្បាស់នូវជំនឿទុកចិត្តរបស់សាធារណជន និងវិនិយោគិនមកលើវិស័យនេះ

ព្រឹត្តិការណ៍, ហិរញ្ញវត្ថុ

• 11/04/2024

ក្នុងរយៈពេល ៣០ឆ្នាំនេះ ប្រព័ន្ធធនាគារនៅកម្ពុជារក្សាបានភាពរីកចម្រើឥតឈប់ឈរ ដោយបន្តរក្សាបាននូវភាពធន់ និងបោះជំហានទៅមុខជាលំដាប់ ក្នុងការរួមចំណែកជំរុញសកម្មភាពសេដ្ឋកិច្ច

តម្លៃប្រេងឡើងថ្លៃ ១​ ដុល្លារបន្ថែមក្នុងមួយបារ៉ែល បន្ទាប់ពីមានការវាយប្រហារនៅតំបន់ហ្គហ្សា

ព្រឹត្តិការណ៍, សេដ្ឋកិច្ច

• 11/04/2024

តម្លៃប្រេងឆៅម៉ាក Brent ឡើងថ្លៃ ១,២ ភាគរយ ឬ ៩០,៤៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,២ ភាគរយ ឬ ៨៦,២១ ដុល្លារក្នុងមួយបារ៉ែល

កម្ពុជា និងតំបន់ឈូងសមុទ្រពិសេស ចុះអនុស្សរណៈនៃការយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍និងតំបន់ឈូងសមុទ្រពិសេសចុះអនុស្សរណៈយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

តួកគីកំពុងមានជម្លោះពាណិជ្ជកម្មជាមួយនឹងអ៊ីស្រាអែល ទាក់ទងទៅនឹងសង្រ្គាមនៅតំបន់ហ្គាហ្សា

ព្រឹត្តិការណ៍, សេដ្ឋកិច្ច

• 11/04/2024

ទីក្រុងអង់ការ៉ាបានដាក់ការរឹតបន្តឹងលើពាណិជ្ជកម្មសម្រាប់ការនាំចេញផលិតផល ៥៤​ ប្រភេទទៅកាន់អ៊ីស្រាអែល ​បន្ទាប់​ពី​រដ្ឋាភិបាល​អ៊ីស្រាអែល​បដិសេធ​មិន​អនុញ្ញាត​ឲ្យ​ជំនួយ​តួកគី​ទម្លាក់​ចូល​ក្នុង​តំបន់​ហ្គាហ្សា

សម្ដេច​ធិបតី ៖ គម្រោង​ព្រែកជីកហ្វូណន​តេជោ​ ជីកថ្មីតែ​៧គីឡូម៉ែត្រ​ប៉ុណ្ណោះ

ព្រឹត្តិការណ៍, អចលនទ្រព្យ

• 11/04/2024

គម្រោងព្រែកជីកហ្វូណនតេជោ​​ គ្រោង​នឹង​បើក​ការដ្ឋាន​នៅ​ពាក់​កណ្ដាល​ឆ្នាំ ២០២៤​នេះ ហើយគម្រោងនេះ មានប្រវែង​ប្រមាណ១៨០គ.ម ប៉ុន្តែជីក​ថ្មីតែ៧គ.មប៉ុណ្ណោះ

សម្តេចធិបតី ៖ តម្លៃទីផ្សារកសិផលប្រែប្រួលមិនទៀងទាត់ ខណៈរាជរដ្ឋាភិបាលប្រឹងប្រែងរក្សាលំនឹងទីផ្សារ​

ព្រឹត្តិការណ៍, សេដ្ឋកិច្ច

• 11/04/2024

សម្តេចធិបតីបានគូសបញ្ជាក់ថា វិស័យកសិកម្មនៅតែដើរតួនាទីយ៉ាងសំខាន់ក្នុងសេដ្ឋកិច្ចកម្ពុជា ហេតុនេះហើយរាជរដ្ឋាភិបាលនៅតែបន្តយកចិត្តទុកដាក់ជំរុញ និងលើកកម្ពស់

ចង្ក្រានបរិស្ថាន ៖ ជួយពលរដ្ឋជាច្រើនគ្រួសារឱ្យសន្សំសំចៃថវិកាបានច្រើនជាងមុន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 11/04/2024

តាមរយៈចង្ក្រាននេះ គេអាចប្រើអុសតិចជាងមុន អាចតម្លើង ឬបន្ថយកម្ដៅបាន និងអាចកាត់បន្ថយផ្សែងរហូតទៅដល់ ៩៥% ដែលជាការគិតគូដល់សុខមាលភាពអ្នកប្រើប្រាស់