សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅម៉ាឡេស៊ី ជារៀងរាល់ឆ្នាំមានពលរដ្ឋចំណាកស្រុករាប់ពាន់នាក់ដែលបានចុះឈ្មោះស្វែងរកទីជម្រក ជាក់ស្តែងគិតត្រឹមឆ្នាំ២០១៩ប៉ុណ្ណោះ ពលរដ្ឋអន្តោប្រវេសទាំងនោះមានចំនួនប្រហែលជាជិត១៨ម៉ឺននាក់។
ទោះបីជាយ៉ាងណាក្តី ម៉ាឡេស៊ីមិនស្ថិតនៅក្នុងប្រទេសហត្ថលេខីនៃក្រុមប្រទេសនៅអង្គការសហប្រជាជាតិឆ្នាំ១៩៥១ ដើម្បីផ្តល់ឳកាសការងារស្របច្បាប់ និងការអប់រំគាំទ្រពេញលេញសម្រាប់ជនចំណាកស្រុកនោះឡើយ ដោយហេតុនេះហើយបានធ្វើឲ្យក្រុមគ្រួសារពួកគេទទួលរងនូវបញ្ហាវិបត្តិហិរញ្ញវត្ថុធ្ងន់ធ្ងរ សូម្បីតែអាហារ និងការអប់រំក្តី។
ដោយមើលឃើញនូវបញ្ហាទាំងនេះ អាជីវកម្មដែលមានឈ្មោះថា Picha Eats ត្រូវបានបង្កើតឡើងកាលពីឆ្នាំ២០១៣ដើម្បីជួយគាំទ្រ និងផ្តោតសំខាន់ផ្តល់ឳកាសការងារ និងប្រាក់ចំណូលជូនជនចំណាកស្រុកទាំងនោះ។ អាជីវកម្មផ្តល់សេវាកម្មម្ហូបអាហាររបស់ Picha Eats មកទល់បច្ចុប្បន្នបានជួយលើកកំពស់ជីវភាពពលរដ្ឋចំណាកស្រុកដែលមានជីវភាពក្រីក្រអាចទទួលបានប្រាក់ខែសមរម្យ អាចដោះស្រាយបញ្ហាហិរញ្ញវត្ថុប្រចាំថ្ងៃ និងទទួលបានការរស់នៅសមរម្យជាងមុន។
គំរូអាជីវកម្មរបស់ Picha Eats គឺមានលក្ខណៈចំណេញនៅគ្រប់ភាគី ឬ Win-Win ដោយក្នុងនោះក្រុមចុងភៅសុទ្ធតែជាក្រុមជនចំណាកស្រុកដែលមានប្រភពមកពីបណ្តាប្រទេសជាច្រើន ហើយសេវាកម្មម្ហូបអាហារដែលផ្តល់ជូនអតិថិជនមានរសជាតិដូចទៅនឹងម្ហូបដែលស្ថិតនៅតាមប្រទេសទាំងនោះ ប៉ុន្តែមានតម្លៃសមរម្យដែលជាធម្មតាសេវាកម្មតម្លៃនេះនឹងពិបាកស្វែងរកនៅភោជនីយដ្ឋានផ្សេងៗ។
មិនត្រឹមតែបានផ្តល់កម្រៃជូនបុគ្គលិកដែលជាជនចំណាកស្រុកនោះទេ ប្រាក់កម្រៃទាំងនោះក៏បានជួយទៅដល់ក្រុមគ្រួសាររបស់ពួកគេនៅប្រទេសកំណើតដែលកំពុងជួបវិបត្តិផងដែរ។ Picha Eats ក៏ផ្តល់ការបណ្តុះបណ្តាលបន្ថែមទៅលើវិជ្ជាជិវៈដែលធ្វើយ់ាងណាឲ្យពួកគេទទួលបានជំនាញពិតប្រាកដ និងអាចផ្លាស់ប្តូរជីវិតរបស់ពួកគេក្នុងការរស់នៅក្នុងប្រទេសម៉ាឡេស៊ី។
បច្ចុប្បន្ន ចុងភៅធំៗរបស់ Picha Eats មានចម្រុះជាតិសាសន៍ចាប់រាប់តាំងពីប៉ាឡេស្ទីន ស៊ីរី ប៉ាគីស្ថាន អាហ្គានីស្ថាន មីយ៉ាន់ម៉ា អ៊ិរ៉ង់ និងអ៊ីរ៉ាក់ជាដើម។
គួរឲ្យដឹងដែរថា ធុរកិច្ចបរិយាប័ន្ន គឺជាអាជីវកម្មឈរលើគោលការណ៍ធុរកិច្ច សំដៅទៅលើអង្គភាពទាំងឡាយណាដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។ បន្ទាត់អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើននូវស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕
Account
Security
Favourite Content