សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ការនាំចេញទំនិញសរុបរបស់ឥណ្ឌាបានកើនឡើង ១៩% ក្នុងខែវិច្ឆិកា កន្លងទៅនេះ បន្ទាប់ពីបន្ទន់ជំហរពាណិជ្ជកម្មរបស់ខ្លួនជាមួយនឹងសហរដ្ឋអាម៉េរិកពាក់ព័ន្ធទៅនឹងអត្រាពន្ធគយ នេះបើយោងតាមការរាយការណ៍ពី CNBC។
កាលពីខែវិច្ឆិកា ឆ្នាំ២០២៥កន្លងទៅនេះ ការនាំចេញទំនិញសរុបរបស់ឥណ្ឌាបានឈានដល់ ៣៨,១៣ ពាន់លានដុល្លារ កើនឡើង ១៩% បើធៀបនឹងរយៈពេលដូចគ្នាកាលពីឆ្នាំមុន។ មិនត្រឹមតែប៉ុណ្ណោះ ឱនភាពពាណិជ្ជកម្មទំនិញរបស់ឥណ្ឌាដែលធ្លាប់ឈានដល់កម្រិតខ្ពស់បំផុតប្រហែល ៤១,៧ ពាន់លានដុល្លារក្នុងខែតុលា បានធ្លាក់ចុះមកនៅត្រឹម ២៤,៥ ពាន់លានដុល្លារក្នុងខែវិច្ឆិកា។ ការនាំចេញរបស់ឥណ្ឌាទៅកាន់អាម៉េរិកបានកើនឡើង ២២,៦% ឬ ៦,៩៨ ពាន់លានដុល្លារនៅក្នុងខែវិច្ឆិកា។ ការនាំចេញទំនិញ និងសេវាកម្មសរុបរបស់ឥណ្ឌាសម្រាប់ខែវិច្ឆិកា បានកើនឡើង ១៥,៥២% ស្មើនឹង ៧៣,៩៩ ពាន់លានដុល្លារ ដែលភាគច្រើនគឺជា គ្រឿងអេឡិចត្រូនិច ត្បូង និងគ្រឿងអលង្ការ ទំនិញវិស្វកម្ម និង វាយនភណ្ឌដែលផលិតរួច។
លោក Rajeev Juneja ប្រធានស្ថាប័នឧស្សាហកម្មឥណ្ឌា PHDCCI បានលើកឡើងថា បើទោះបីជាមានបញ្ហាប្រឈមជាសាកលក៏ដោយ ប៉ុន្តែកំណើននៃការនាំចេញរបស់ឥណ្ឌាមានភាពវិជ្ជមានជាមួយនឹងដៃគូពាណិជ្ជកម្មសំខាន់ៗចំនួន ១៤ ក្នុងចំណោមដៃគូ ២០ របស់ខ្លួន ដែលបង្ហាញពីការកើនឡើងនៃភាពចម្រុះ និងភាពធន់របស់ខ្លួនជាមួយនឹងពាណិជ្ជកម្មខាងក្រៅ។
កាលពីខែសីហា អាម៉េរិក បានដាក់ពន្ធបន្ថែម ២៥% លើការនាំចូលពីឥណ្ឌា ដែលធ្វើឲ្យអត្រាពន្ធសរុបកើនឡើងដល់ទៅ ៥០% ដែលជាអត្រាខ្ពស់បំផុត។ ជាលទ្ធផល ការនាំចេញរបស់ឥណ្ឌាទៅអាម៉េរិកបានធ្លាក់ចុះ ៨,៦% នៅក្នុងខែតុលា និង ១១,៩%% នៅក្នុងខែកញ្ញា។ គួរឲ្យបញ្ជាក់ដែរថា ការចរចាពាណិជ្ជកម្មរវាងអាម៉េរិក និងឥណ្ឌា បានដំណើរការអស់ជាច្រើនខែមកហើយ ប៉ុន្តែកិច្ចព្រមព្រៀងមួយគឺមានភាពមិនច្បាស់លាស់ និងមិនចុះសម្រុងគ្នា។ ក្រោយមក ភាគីទាំងពីរបានបន្ទន់ជំហររបស់ខ្លួន ដោយប្រធានាធិបតីអាម៉េរិក លោក Donald Trump បង្ហាញពីសញ្ញាកាត់បន្ថយពន្ធលើឥណ្ឌា ខណៈដែលទីក្រុងញូវដែលីបានបង្កើនការទិញប្រេង និងឧស្ម័នពីអាម៉េរិកវិញ ដើម្បីកាត់បន្ថយអតិរេកពាណិជ្ជកម្មរបស់ខ្លួនជាមួយនឹងទីក្រុងវ៉ាស៊ីនតោន៕
Account
Security
Favourite Content