សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កម្ពុជានឹងទទួលយកការផ្គត់ផ្គង់ថាពលតម្លៃទាបពីប្រទេសឡាវមកបង្កើនសក្ដានុពលវិនិយោគបន្ថែមនៅកម្ពុជា បន្ទាប់ពីប្រមុខថ្នាក់ដឹកនាំកំពូលនៃប្រទេសទាំង២បានជួបពិភាក្សាស៊ីជម្រៅក្នុងឱកាស ដែលលោកនាយករដ្ឋមន្ត្រីនៃប្រទេសឡាវមកធ្វើទស្សនៈកិច្ចនៅកម្ពុជា។
តាមរយៈដំណើរទស្សនៈកិច្ចរបស់នាយករដ្ឋមន្ត្រីឡាវ គឺលោកបណ្ឌិត ផនខាំ វីផាវ៉ាន់ មកកាន់កម្ពុជាកាលពីថ្ងៃទី២៩-៣០ ខែវិច្ឆិកា ឆ្នាំ២០២១ កិច្ចពិភាក្សាជាច្រើនត្រូវបានសម្រេចប្រកបទៅដោយផ្លែផ្កាយ៉ាងរលូន។
លោកបណ្ឌិត គី សេរីវឌ្ឍន៍ នាយកនៃមជ្ឈមណ្ឌលសិក្សាចិន និងជាអ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជាបានសាទរននូវការបង្កើនទំនាក់ទំនងរវាងភាគីទាំងពីរនេះ។ ទោះជាយ៉ាងណា លោកថា បើគិតពីទំនាក់ទំនងវិនិយោគរវាងឡាវ និងកម្ពុជា ហាក់មិនមានសកម្មភាពអ្វីធំដុំនោះទេ ពោលគឺពីកម្ពុជាទៅឡាវ អាចមានសកម្មភាពវិនិយោគតិចតួច ហើយបើមើលពីវិនិយោគិនជាជនជាតិឡាវមកកម្ពុជាក៏មិនសូវមាននោះដែរ។
លោកបណ្ឌិតបានបញ្ជាក់ថា ៖
«កម្ពុជាសព្វថ្ងៃបាននាំចូលអគ្គិសនីពីប្រទសឡាវ តាមរយៈរោងចក្រវារីអគ្គរបស់ឡាវ។ ប្រការនេះ គឺយើងអាចមានប្រភពអគ្គិសនីដែលមានថ្លៃដើមទាប ដែលយើងអាចបំពេញនូវសេចក្ដីត្រូវការ និងការប្រើប្រាស់សម្រាប់ការវិវត្តន៍សេដ្ឋកិច្ចនៅកម្ពុជា។ ដោយឡែកពាក់ព័ន្ធទៅនឹងការវិនិយោគ និងអភិវឌ្ឍន៍ក្នុងវិស័យឯកជន ជាពិសេសវិស័យអចលនទ្រព្យ តម្លៃដីធ្លីនៅប្រទេសឡាវគឺនៅមានតម្លៃទាប និងមាននៅសល់ដីទូលំទូលាយច្រើន ដូច្នេះ ការវិនិយោគនៅប្រទសឡាវក៏អាចនឹងធ្វើបានដោយការបង្ហូរវិនិយោគិនពីប្រទេសកម្ពុជាទៅកាន់ប្រទេសជិតខាងមួយនេះ»
យ៉ាងណាក៏ដោយ ថ្វីត្បិតតែ ឡាវ ជាប្រទេសតូច និងនៅមិនទាន់មានការអភិវឌ្ឍន៍ខ្លាំងធៀបទៅនឹងប្រទេសក្នុងតំបន់នៅឡើយ ប៉ុន្តែសម្រាប់សេដ្ឋកិច្ចស្នូលរបស់ប្រទេសមួយនេះគឺពឹងផ្អែកលើប្រាក់ចំណូលដែលបានមកពីការលក់ថាមពលវារីអគ្គិសនី ហើយមហិច្ឆតារបស់ប្រទេសនេះ គឺសង្ឃឹមក្លាយជាអ្នកនាំចេញថាមពលអគ្គិសនីប្រមាណជា ២០ ០០០ មេហ្គាវ៉ាត់ទៅកាន់ប្រទេសជិតខាងត្រឹមឆ្នាំ២០៣០។
គួររំលឹកផងដែរថា នៅក្នុងជំនួបផ្លូវការរវាងសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងលោកបណ្ឌិត ផនខាំ វីផាវ៉ាន់ នាយករដ្ឋមន្ត្រីប្រទេសឡាវដែលបានធ្វើឡើងកាលពីថ្ងៃទី២៩-៣០ ខែវិច្ឆិកា កន្លងទៅនេះ ភាគីកម្ពុជាបានផ្តល់ប្រាក់ជំនួយចំនួន ១៣លានដុល្លារអាមេរិកទៅឲ្យភាគីឡាវ ព្រមទាំងបានប្រកាសផ្តល់ជំនួយវ៉ាក់សាំងស៊ីណូវ៉ាក់ចំនួន៥០ម៉ឺនដូស និងរថយន្តពីរគ្រឿងថែមទៀតជូនប្រទេសឡាវដើម្បីប្រយុទ្ធប្រឆាំងនឹងកូវីដ១៩ផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ម្ហូបឌីមសាំ ប៉ះជាមួយគ្រឿងទេសកំពត បង្កើតរសជាតិឆ្ងាញ់ ប្លែក និងច្នៃប្រឌិត
ព្រឹត្តិការណ៍, អត្ថបទពាណិជ្ជកម្ម
• 03/04/2026
ដើម្បីអបអរសាទរ និងលើកកម្ពស់រសជាតិអាហារបែប "Glocal" (ការរួមបញ្ចូលគ្នារវាងរសជាតិសកល និងរសជាតិក្នុងស្រុក) កាលពីល្ងាចថ្ងៃទី២ ខែមេសា ឆ្នាំ២០២៦ ភោជនីយដ្ឋាន Yi Sang ដែលទើបនឹងសម្ពោធថ្មីៗស្ថិតនៅក្នុងអាកាសយានដ្ឋានអន្តរជាតិតេជោ
អ៊ីរ៉ង់ បានបាញ់ទម្លាក់ F-35 របស់អាម៉េរិកយ៉ាងជោគជ័យ ក្រោយការចែករំលែកទិចនិកបាញ់ពីសំណាក់អ្នកជំនាញចិន
ព្រឹត្តិការណ៍, អាជីវកម្មថ្មី និងនវានុវត្ត
• 03/04/2026
វិស្វករជនជាតិចិនម្នាក់បានធ្វើឱ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម បន្ទាប់ពីបានបង្ហោះវីដេអូបង្រៀនលម្អិតអំពីរបៀបបាញ់ទម្លាក់យន្តហោះចម្បាំងបំបាំងកាយទំនើបបំផុត F-35 របស់សហរដ្ឋអាម៉េរិក។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content