សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា ក្រុមហ៊ុនអាកាសចរណ៍អូស្ត្រាលី Qantas បានប្រកាសបិទក្រុមហ៊ុនអាកាសចរណ៍ជាបុត្រសម្ព័ន្ធរបស់ខ្លួន Jetstar Asia ដែលមានមូលដ្ឋាននៅសឹង្ហបុរី នាចុងខែកក្កដាខាងមុខនេះ ដោយសារតម្លៃនៃការផ្គត់ផ្គង់ឡើងថ្លៃ តម្លៃអាកាសយានដ្ឋានឡើងថ្លៃ និងការប្រកួតប្រជែងកាន់តែខ្លាំងក្នុងចំណោមក្រុមហ៊ុនអាកាសចរណ៍តម្លៃទាប។
Jetstar Asia ដែលភាគច្រើនមានជើងហោះហើយនៅប៉ែកអាស៊ី នឹងឈប់ដំណើរការហោះហើរនៅត្រឹមថ្ងៃទី ៣១ ខែកក្កដា ខាងមុខនេះ។ ក្រុមហ៊ុនមេ Qantas Group បានបញ្ជាក់ថា អតិថិជន Jetstar Asia ដែលបានកក់ជើងហោះហើរនឹងត្រូវលុបចោលជាមួយនឹងការសងប្រាក់វិញពេញលេញ ហើយពួកគេនឹងស្វែងរកក្រុមហ៊ុនអាកាសចរណ៍ផ្សេងទៀតជូនអតិថិជនតាមដែលអាចធ្វើទៅបាន។
អ្នកនាំពាក្យរបស់ Jetstar Asia បានលើកឡើងថា បុគ្គលិកជាង ៥០០ នាក់នឹងត្រូវបញ្ឈប់ពីការងារដោយសារការបិទក្រុមហ៊ុន ប៉ុន្តែពួកគេនឹងទទួលបានអត្ថប្រយោជន៍ដែលមិនធ្លាប់មាន ខណៈដែល Qantas នឹងស្វែងរកឱកាសការងារជូនពួកគេតាមរយៈក្រុមហ៊ុនអាកាសចរណ៍ផ្សេងទៀតនៅក្នុងតំបន់។ ទន្ទឹមនឹងនេះ សហជីពកម្មករនិយោជិតសិង្ហបុរី (SMMWU) កំពុងធ្វើការយ៉ាងជិតស្និទ្ធជាមួយអ្នកគ្រប់គ្រងរបស់ Jetstar Asia ដើម្បីចរចាសម្រាប់បុគ្គលិកដែលត្រូវបញ្ឈប់ ដើម្បីពួកគេទទួលបានសំណងសមរម្យ។
ក្រុមហ៊ុនមេ Qantas បានលើកឡើងថា ផ្លូវហោះហើរក្នុងតំបន់អាស៊ីចំនួន ១៦ នឹងរងផលប៉ះពាល់ដោយសារការបិទ Jetstar Asia។ បច្ចុប្បន្ននេះ ក្រុមហ៊ុនអាកាសចរណ៍មួយនេះកំពុងដំណើរការជើងហោះហើររវាងប្រទេសសិង្ហបុរី និងគោលដៅនៅក្នុងប្រទេសម៉ាឡេស៊ី ឥណ្ឌូនេស៊ី ថៃ ហ្វីលីពីន ចិន ស្រីលង្កា ជប៉ុន និងអូស្ត្រាលី។ យ៉ាងណាមិញ ប្រតិបត្តិការក្នុងស្រុក និងអន្តរជាតិរបស់ Jetstar Airways នៅក្នុងប្រទេសអូស្ត្រាលី និងនូវែលសេឡង់ និង Jetstar Japan នៅដំណើរការធម្មតា។
គួរបញ្ជាក់ដែរថា ក្រុមហ៊ុនមេ Qantas បានបើកដំណើរការក្រុមហ៊ុនអាកាសចរណ៍ Jetstar Asia ជាងពីរទសវត្សរ៍ហើយ ក្នុងគោលបំណងទាញយកប្រយោជន៍ពីការកើនឡើងនៃតម្រូវការធ្វើដំណើរតាមយន្តហោះតម្លៃទាបនៅក្នុងតំបន់អាស៊ី។ យ៉ាងណាមិញ Jetstar Asia បន្តរងឥទ្ធិពលអវិជ្ជមានដោយសារថ្លៃដើមផ្គត់ផ្គង់ឡើងថ្លៃរហូតដល់ ២០០%, ថ្លៃសេវាអាកាសយានដ្ឋានឡើងថ្លៃ, និងការកើនឡើងនៃការប្រកួតប្រជែងពីក្រុមហ៊ុនអាកាសចរណ៍តម្លៃទាបក្នុងតំបន់។ ជាមួយគ្នានេះ មានការព្យាករណ៍ថា ការបិទ Jetstar Asia នឹងត្រូវចំណាយជាង ១១៣ លានដុល្លារ ខណៈដែល Qantas អាចនឹងត្រូវចំណាយដើមទុន ៣២៥ លានដុល្លារក្នុងការវិនិយោគលើផែនការថ្មី៕
Account
Security
Favourite Content