ឆ្នាំ២០២៤ សេដ្ឋកិច្ចកម្ពុជា រំពឹងដោយសុទិដ្ឋិនិយមថា នឹងបន្តងើបឡើងក្នុងរង្វង់ ៦,៤%

ភ្នំពេញ ៖ សេដ្ឋកិច្ចកម្ពុជានៅឆ្នាំ២០២៤ ត្រូវបានរំពឹងដោយសុទិដ្ឋិនិយមថា នឹងបន្តងើបឡើងបន្ថែមទៀតក្នុងរង្វង់ ៦,៤% ដែលគាំទ្រជាចម្បងដោយការកើនឡើងនៃវិស័យទេសចរណ៍ និងវិស័យកម្មន្តសាល។ នេះបើយោងតាមរបាយការណ៍វឌ្ឍនភាពម៉ាក្រូសេដ្ឋកិច្ច និងវិស័យធនាគារឆ្នាំ២០២៣ និងទស្សនៈវិស័យឆ្នាំ២០២៤ ថ្ងៃទី២៩ ខែមករា ឆ្នាំ២០២៤។

សម្រាប់ឆ្នាំ២០២៤នេះ សេដ្ឋកិច្ច​ប្រទេស​កម្ពុជា​ត្រូវបាន​ព្យាករ​ដោយ​សុទិដ្ឋិនិយម​ថា នឹង​កើនឡើង​ក្នុង​រង្វង់៦,៤​ភាគរយ។​ នេះបើតាមការការ​ថ្លែង​របស់​លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា ធ្វើឡើង​ក្នុង​កម្មវិធី​បិទ​អង្គសន្និបាត​ប្រចាំឆ្នាំ​២០២៣ កាលពី​​សប្តាហ៍កន្លងទៅ ។

លោកជំទាវបណ្ឌិត ជា សិរី បានបញ្ជាក់ថា ចំពោះ​ទស្សនវិស័យ​ឆ្នាំ​២០២៤ គឺ​សេដ្ឋកិច្ចពិភពលោក​នៅតែ​បន្ត​ប្រឈម​ទៅនឹង​ភាពមិនច្បាស់លាស់​ច្រើន ភាព​តានតឹង​ភូមិសាស្ត្រ​នយោបាយ និង​ហានិភ័យ​នៃ​ការបែងចែក​ភូមិ​សា​ស្ត្រ​នយោបាយ​ជាដើម។​

​​លោកជំទាវបណ្ឌិត ជា សិរី បាន​ថ្លែងថា ​៖

«​ទោះបី​ប្រឈម​នឹង​បញ្ហា​ទាំងនេះ ក៏​សេដ្ឋកិច្ចកម្ពុជា​ត្រូវបាន​ព្យាករ​ដោយ​សុទិដ្ឋិនិយម​ថា​ នឹង​កើនឡើង​ក្នុង​រង្វង់ ៦,៤​ ភាគរយ​នៅក្នុង​ឆ្នាំ​ ២០២៤ ដែល​រួមចំណែក​ជា​ចម្បង​ដោយ​ការបន្ត​កើនឡើង​នៃ​វិស័យ​សេវាកម្ម ពិសេស​វិស័យ​ទេសចរណ៍ និង​ការ​ងើបឡើង​នៃ​វិស័យ​កម្មន្តសាល ស្របពេល​វិស័យ​កសិកម្ម សំណង់ និង​អចលនទ្រព្យ​មាន​កំណើន​ទាប​»​។​

របាយការណ៍បានបង្ហាញថា តាមរយៈការអនុវត្តច្បាប់វិនិយោគថ្មី វិស័យកម្មន្តសាលត្រូវ ដោយបានរំពឹងថានឹង សម្រេចបានកំណើនល្អជាងឆ្នាំ២០២៣ ជាពិសេស ផលិតផលកម្មន្តសាលមិនមែនកាត់ដេរ ហើយវិស័យកាត់ដេររំពឹងថានឹងងើបឡើងជាលំដាប់។  វិស័យទេសចរណ៍ត្រូវបានរំពឹងថានឹងងើបឡើងដោយសារភាពប្រសើរឡើងនៃ ស្ថានភាពទេសចរណ៍ក្នុងតំបន់ ព្រមទាំងការបន្តអភិវឌ្ឍន៍ និងកែលម្អហេដ្ឋារចនាសម្ព័ន្ធដែលនឹងគាំទ្រដល់វិស័យនេះ។

វិស័យកសិកម្មត្រូវបានព្យាករណ៍ថា នឹងមានកំណើនខ្ពស់ជាងឆ្នាំ២០២៣បន្តិច ដោយទទួលបានអត្ថប្រយោជន៍ពីការបន្តធ្វើពិពិធកម្មទីផ្សារ​ ទៅកាន់ប្រទេសជាសមាជិកនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) និងកិច្ចព្រមព្រៀងពាណិជ្ជកម្មសេរីទ្វេភាគីនានា គួបផ្សំនឹងគោលនយោបាយគាំទ្ររបស់រាជរដ្ឋាភិបាលក្នុងការលើកស្ទួយផលិតកម្ម និងទីផ្សារ។

វិស័យសំណង់ និងអចលនទ្រព្យ ដែលបានទទួលរងឥទ្ធិពលពីវិបត្តិកន្លងមក ត្រូវបានព្យាករណ៍ថានឹងបន្តមានកំណើនទាប ដែលនឹងបន្តទទួលបានការគាំទ្រពីគម្រោងអភិវឌ្ឍន៍ ហេដ្ឋារចនាសម្ព័ន្ធសាធារណៈ គួបផ្សំនឹងការងើបឡើងវិញសន្សឹមៗនៃតម្រូវការក្នុងស្រុក ដែលផ្តោតលើលំនៅឋានដែលមានតម្លៃសមរម្យ ក្នុងពេលដែលតម្រូវការសំណង់ប្រណិតដែលបម្រើដល់អនិវាសនជន ត្រូវបានរំពឹងថានឹងបន្តមានភាពទន់ខ្សោយ។

លោកជំទាវបណ្ឌិត ជា សិរី បានគូសបញ្ជាក់ថា ធនាគារជាតិ​នៃ​កម្ពុជា ​នឹង​បន្ត​អនុវត្ត​នយោបាយ​រូបិយវត្ថុប្រកប​ដោយ​ភាព​ប្រុងប្រយ័ត្ន ដើម្បី​គាំទ្រ​គោលនយោបាយ​របស់​រដ្ឋា​ភិ​បាល ក្នុងការ​ពង្រឹង​សម្ទុះ​កំណើន និង​រក្សា​ស្ថិរភាព​ម៉ាក្រូសេដ្ឋកិច្ច ពង្រឹង​ការអភិវឌ្ឍ​ប្រព័ន្ធ​ធនាគារ លើក​កម្ពស់​ប្រសិទ្ធភាព សុវត្ថិភាព និង​សមាហរណកម្មនៃ​ប្រព័ន្ធ​ទូទាត់ ព្រម​ទាំង​ដាក់ចេញ​​វិធាន​ការគាំទ្រ​ចាំបាច់​នានាប្រកបដោយ​ភាព​បុ​រេ​សកម្ម ស្របតាម​ស្ថានភាព​សេដ្ឋ​កិច្ច និង​គោលនយោបាយ​របស់​រាជ​រដ្ឋាភិបាល​។

ជារួម ប្រព័ន្ធធនាគារកម្ពុជាបន្តមានភាពរឹងមាំ និងសម្រេចបានលទ្ធផលល្អ ព្រមទាំងបានរួមចំណែកយ៉ាងសំខាន់ដល់ការរក្សាស្ថិរភាពម៉ាក្រូសេដ្ឋកិច្ច និងគាំទ្រកំណើនសេដ្ឋកិច្ច ខណៈដែលអតិផរណាបានថយចុះមកដល់កម្រិតទាប បើធៀបនឹងអត្រាខ្ពស់ក្នុងឆ្នាំ២០២២។ អត្រាប្តូរប្រាក់រៀល​ ធៀបនឹងដុល្លារអាមេរិក បន្តមានស្ថិរភាពល្អប្រ​សើរ រីឯទុនបម្រុងអន្តរជាតិមានកម្រិតខ្ពស់គ្រប់គ្រាន់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រមួនឃ្មុំ ជាទិន្នផលទទួលបានពីទឹក និងសម្បុកឃ្មុំ កំពុងមានទីផ្សារល្អ ផ្តល់គុណប្រយោជន៍ច្រើន  

ជំនួញ, ព្រឹត្តិការណ៍

• 15/07/2024

ការចិញ្ចឹមឃ្មុំ ជាអាជីវកម្មមួយដែលអាចទាញយកបានផលច្រើនមុខ ដោយក្រៅពីទទួលបានទិន្នផលជាទឹកឃ្មុំ គេក៏អាចប្រមូលបាននូវលំអងឃ្មុំ និងចម្រាញ់ធ្វើជាក្រមួនឃ្មុំផងដែរ

គម្រោងអភិវឌ្ឍន៍ផ្លូវ​ចំនួន​៣ខ្សែ​រំពឹង​បញ្ចប់​ការដ្ឋាននៅក្នុងឆ្នាំ២០២៤

ព្រឹត្តិការណ៍, អចលនទ្រព្យ

• 15/07/2024

គម្រោងអភិវឌ្ឍន៍​ផ្លូវជាតិសំខាន់ៗចំនួន​៣ខ្សែ រំពឹងថា​នឹង​បញ្ចប់ការ​សាងសង់នៅក្នុងឆ្នាំ ២០២៤​នេះ ហើយនឹង​សម្រួលដល់​ការធ្វើដំណើររបស់ពលរដ្ឋ​​

សេដ្ឋកិច្ចថៃបែរជាមានសម្ពាធខ្លាំងដោយសាររោងចក្រចិន និងការនាំចូលទំនិញធូរថ្លៃរបស់ចិន

ព្រឹត្តិការណ៍, សេដ្ឋកិច្ច

• 15/07/2024

សេដ្ឋកិច្ចថៃ កំពុងទទួលរងសំពាធ បន្ទាប់ពីមានបើកដំណើរការរោងចក្រផលិតរថយន្តអគ្គិសនី និងការនាំចូលទំនិញធូរថ្លៃរបស់ចិន

ក្រុមហ៊ុន SUN WAH សម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ព្រឹត្តិការណ៍, សេដ្ឋកិច្ច

• 15/07/2024

ក្រុមហ៊ុន SUN WAH Cambodia បានសម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ផ្លូវជាតិលេខ៧១C ប្រវែងជាង១១៤គីឡូម៉ែត្រ ភ្ជាប់ខេត្តត្បូងឃ្មុំ​ – ខេត្តកំពង់ចាម​សាងសង់រួចរាល់១០០%

ព្រឹត្តិការណ៍, អចលនទ្រព្យ

• 15/07/2024

ផ្លូវជាតិលេខ៧១C ប្រវែងជាង១១៤គីឡូម៉ែត្រ តភ្ជាប់ខេត្តត្បូងឃ្មុំ​ និង ខេត្តកំពង់ចាម​ សាងសង់រួចរាល់១០០%ហើយនៅសល់តែការងារគូសគំនូសចរាចរណ៍ប៉ុណ្ណោះ

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ព្រឹត្តិការណ៍, ហិរញ្ញវត្ថុ

• 15/07/2024

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ការនាំចេញរបស់ចិនកើនឡើងក្នុងល្បឿនលឿន ៨,៦ ភាគរយ លើសពីការរំពឹងទុក

ព្រឹត្តិការណ៍, សេដ្ឋកិច្ច

• 15/07/2024

Financial Times បានលើកឡើងថា ការនាំចេញរបស់ប្រទេសចិនកើនឡើងក្នុងល្បឿនយ៉ាងលឿនបំផុតក្នុងរយៈពេលជាងមួយឆ្នាំចុងក្រោយនេះ បើទោះបីជាមានភាពតានតឹងកើនឡើងជាមួយអឺរ៉ុប និងសហរដ្ឋអាមេរិកក៏ដោយ

ជប៉ុន គ្រោងវិនិយោគ២៣ពាន់លានដុល្លារសង់ផ្លូវក្រោមដីជាង៥០០គីឡូម៉ែត្រសម្រាប់តែការដឹកជញ្ជូនទំនិញដោយស្វ័យប្រវត្តិ

ព្រឹត្តិការណ៍, អាជីវកម្មថ្មី និងនវានុវត្ត

• 15/07/2024

ជប៉ុន គ្រោងវិនិយោគ ២៣ពាន់លានដុល្លារ សម្រាប់ការសាងសង់ផ្លូវក្រោមដីមានប្រវែងជាង៥០០គីឡូម៉ែត្រ សម្រាប់តែការដឹកជញ្ជូនទំនិញដោយស្វ័យប្រវត្តិ

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល