សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមកាសែតរ៉យទ័រដែលបានចេញផ្សាយកាលពីពាក់កណ្តាលខែកុម្ភៈកន្លងមកនេះថា រដ្ឋាភិបាលទីក្រុងម៉ានីល បានធ្វើការបញ្ជាទិញមីស៊ីលចំងាយខ្លី Short range missiles ក្នុងទំហំទឹកប្រាក់ប្រមាណជាង២០០លានដុល្លារបន្ថែមទៀតពីប្រទេសឥណ្ឌា។ វាគឺជាកិច្ចព្រមព្រៀងទិញលក់អាវុធរវាងរដ្ឋាភិបាលទាំងពីរក្នុងគ្រាដែលភាពតានតឹងនៅតែបន្តកើតមាននៅឡើយជាមួយនឹងប្រទេសចិន ខណៈដែលកិច្ចព្រមព្រៀងទី១ ធ្លាប់បានធ្វើឡើងកាលពីឆ្នាំ២០២២ម្តងហើយដោយការបញ្ជាទិញមីស៊ីលប្រភេទចំងាយមធ្យម mid-range BrahMos supersonic cruise missile ក្នុងទំហំទឹកប្រាក់ប្រមាណជាង៣៧៥លានដុល្លារ។
កុងត្រាថ្មីនេះ គឺជាមីស៊ីលដែលមានឈ្មោះថា Akash missile អាចបាញ់ចេញពីដីគោក surface to air missile ជាមួយនឹងសមត្ថភាពក្នុងការបាញ់បានចំងាយទៅដល់ ២៥គីឡូម៉ែត្រក្នុងកិច្ចការពារដែនអាកាសពីការវាយប្រហារដោយយន្តហោះចម្បាំង ឬមីស៊ីល។
ហ្វីលីពីន នៅតែបន្តមានជម្លោះជាមួយនឹងចិនជុំវិញបញ្ហាច្រកសមុទ្រនៅដែនសមុទ្រចិនខាងត្បូងអស់រយៈពេលជាច្រើនឆ្នាំមកហើយ ខណៈដែលបញ្ហាព្រំដែនរវាងចិន និងឥណ្ឌា ក៏នៅតែបន្តបញ្ហារកាំរកូសដែលអូសបន្លាយចាប់តាំងពីឆ្នាំ២០២០មកម្ល៉េះ ។
ក្រុមហ៊ុនអ្នកផលិត Akash missile របស់ឥណ្ឌា Bharat Dynamics Ltd, គឺជាក្រុមហ៊ុនដែលធ្លាប់ជាអ្នកចូលរួមក្នុងព្រឹត្តិការណ៍តាំងពិព័រណ៍វិស័យយោធា Asian Defense and Security ដែលធ្វើឡើងនៅក្នុងទីក្រុងម់ានីលកាលពីឆ្នាំកន្លងទៅ។ យ៉ាងណាក្តី ទាំងក្រុមហ៊ុន និងក្រសួងការពារជាតិឥណ្ឌាមិនបានធ្វើការឆ្លើយតបទៅនឹងសំណួរដែលពាក់ព័ន្ធទៅនឹងដំណឹងនេះឡើយ។
គួរឲ្យដឹងដែរថា ប្រទេសឥណ្ឌា គឺជាអ្នកនាំចូលអាវុធច្រើនជាងគេបំផុតលើពិភពលោក ប៉ុន្តែក៏កំពុងព្យាយាមក្នុងការបង្កើនការនាំចេញសព្វាវុធដែលខ្លួនផលិតបានក្នុងស្រុកផងដែរ ដើម្បីអាចឈានទៅសម្រេចក្នុងការអភិវឌ្ឍបច្ចេកវិទ្យាអាវុធថ្មី និងទំនើប ស្មើទៅនឹងកម្រិតដែលរដ្ឋាភិបាលក្រុងប៉េកាំងអាចធ្វើបាននៅពេលបច្ចប្បន្នុ៕
Account
Security
Favourite Content