សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី Money Control បានរាយការណ៍ថា ជម្លោះនៅមជ្ឈិមបូព៌ាអាចជំរុញឲ្យមានវិបត្តិសេដ្ឋកិច្ចសកលកាន់តែខ្លាំងឡើង ដោយសារមហន្តរាយមនុស្សធម៌បន្ថែមពីលើបញ្ហាប្រឈម និងអស្ថិរភាពសេដ្ឋកិច្ចពិភពលោកដែលកំពុងកើតឡើង។
ទាក់ទងនឹងសេដ្ឋកិច្ចពិភពលោក លោក Larry Fink នាយកប្រតិបត្តិនៃក្រុមហ៊ុនទ្រព្យសកម្ម BlackRock បាននិយាយថា ការរួមបញ្ចូលគ្នារវាងអំពើឃោរឃៅរបស់ក្រុមហាម៉ាស ការវាយប្រហាររបស់អ៊ីស្រាអែលលើតំបន់ហ្គាហ្សា និងជម្លោះរុស្ស៊ី-អ៊ុយក្រែនកាលពីឆ្នាំមុន បានជំរុញពិភពលោកឆ្ពោះទៅអនាគតថ្មីមួយទៀតស្ទើរតែទាំងស្រុង។ លើសពីនេះ ហានិភ័យភូមិសាស្ត្រនយោបាយ គឺជាបញ្ហាដ៏ធ្ងន់ធ្ងរបំផុតក្នុងការកែប្រែជីវិតរបស់មនុស្សទាំងអស់ ខណៈដែលការភ័យខ្លាចកំពុងកើនឡើងទូទាំងពិភពលោក និងមានសង្ឃឹមតិច។ ការកើនឡើងនៃភាពភ័យខ្លាចបណ្តាលឲ្យធ្លាក់ចុះអត្រានៃអ្នកប្រើប្រាស់ និងចំណាយកាន់តែច្រើនដោយសារការឡើងថ្លៃ។ ដូច្នេះហើយ ការភ័យខ្លាចបង្កឱ្យមានការធ្លាក់ចុះសេដ្ឋកិច្ចក្នុងរយៈពេលវែង ហើយប្រសិនបើការភ័យខ្លាចនៅតែបន្តកើនឡើង នោះការប៉ាន់ប្រមាណលើវិបត្តិសេដ្ឋកិច្ចនៅអឺរ៉ុប និងសហរដ្ឋអាមេរិកក៏នឹងកើនឡើងដូចគ្នា។
លោក Jamie Dimon ប្រធានធនាគារដ៏ធំបំផុតរបស់អាមេរិក JP Morgan ក៏បានលើកឡើងដែរថា ការរួមបញ្ចូលគ្នានៃសង្រ្គាមអ៊ីស្រាអែល-ក្រុមហាម៉ាស និងសង្រ្គាមរុស្ស៊ី-អ៊ុយក្រែនគឺគួរឱ្យខ្លាច និងមិនអាចទាយទុកជាមុនបាន។ អ្វីដែលកំពុងកើតឡើងនៅផ្នែកភូមិសាស្ត្រនយោបាយនៅពេលនេះ គឺជារឿងសំខាន់បំផុតសម្រាប់ពិភពលោក សេរីភាព ប្រជាធិបតេយ្យ អាហារ ថាមពល និងអន្តោប្រវេសន៍នៅពេលអនាគត។ កាលពីខែមុន លោក Dimon បានព្រមានថា វាគឺជាពេលវេលាដ៏គ្រោះថ្នាក់បំផុតដែលពិភពលោកបានឃើញក្នុងប៉ុន្មានទសវត្សរ៍ ដោយសារជម្លោះកាន់តែកើនឡើងអាចមានផលប៉ះពាល់យ៉ាងទូលំទូលាយលើតម្លៃថាមពល ថ្លៃម្ហូបអាហារ ពាណិជ្ជកម្មអន្តរជាតិ និងទំនាក់ទំនងការទូត។
មិនត្រឹមតែប៉ុណ្ណោះ ហេតុផលមួយក្នុងចំណោមហេតុផលនៃជម្លោះរវាងអ៊ីស្រាអែល និងក្រុមហាម៉ាសត្រូវបានគេមើលឃើញថា គឺជាការគំរាមកំហែងសេដ្ឋកិច្ចសកល ដោយសារពិភពលោកពឺងផ្អែកខ្លាំងលើប្រេងក្នុងតំបន់នោះដែលមានចំណែកមួយភាគបីនៃទីផ្សារ។ ដូច្នោះហើយ សេដ្ឋវិទូកំពុងភ័យខ្លាចថាការកើនឡើងនៃតម្លៃប្រេងអាចបង្កឱ្យមានវិបត្តិសេដ្ឋកិច្ចសកល។
ស្របពេលនេះដែរ អស្ថិរភាពសេដ្ឋកិច្ចសកលកំពុងប៉ះពាល់ដល់ចក្រភពអង់គ្លេសរួចហើយ។ កាលពីសប្តាហ៍មុន ធនាគារកណ្តាលអង់គ្លេសបាននិយាយថា កំណើន GDP ត្រូវបានគេរំពឹងថានឹងកើនឡើង ០,១ ភាគរយប៉ុណ្ណោះនៅក្នុងត្រីមាសទីបួន ដែលខ្សោយជាងការព្យាករណ៍ពីមុន។ យ៉ាងណាមិញ ចក្រភពអង់គ្លេសនៅតែអាចជៀសពីការធ្លាក់ចុះនៃសេដ្ឋកិច្ចនៅឆ្នាំនេះបាន ប៉ុន្តែស្ថានភាពសេដ្ឋកិច្ចនៅតែមានបញ្ហាប្រឈម ដោយសារការចំណាយលើការរស់នៅឡើងថ្លៃ៕
Account
Security
Favourite Content