ពិព័រណ៍​ពាណិជ្ជកម្មកម្ពុជានៅក្នុង​ទីក្រុង​ឡុង​ប៊ិច ជា​វេទិកាផ្គូរផ្គង​ធុរកិច្ច ដើម្បី​ពង្រីក​ពាណិជ្ជកម្ម និង​ការ​វិនិយោគ​

ភ្នំពេញ ៖ ក្នុងគោលបំណងបង្ហាញ​ផលិតផល​​​ និងពង្រីក​ទំហំពាណិជ្ជកម្មរបស់​​កម្ពុជា​នៅលើ​ទឹកដី​សហរដ្ឋអាមេរិក​ ពិព័រណ៍​ពាណិជ្ជកម្ម និងផលិតផលកម្ពុជា គ្រោងនឹងរៀបចំឡើងក្នុង​ទីក្រុង​ឡុង​ប៊ិច រដ្ឋ​កាលីហ្វ័រ​នីញ៉ា សហរដ្ឋអាមេរិក នៅ​ថ្ងៃទី​ ៩ ខែវិច្ឆិកា ឆ្នាំ២០២៣ខាងមុខ​នេះ។

យោងតាមស្ថាន​អគ្គ​កុងស៊ុលប្រចាំ​ទីក្រុង​ឡុង​ប៊ិច ​វេទិកា​នេះនឹង​ចាប់ផ្តើម​ពី​ម៉ោង​ ១០​ ព្រឹក​ដល់​ម៉ោង ៣ ​រសៀល​នៅ​ព្រលានយន្តហោះ Holiday Inn Long Beach Airport​។

អ្នកឧកញ៉ា លឹម ហេង អនុប្រធាន​សភាពាណិជ្ជកម្ម​កម្ពុជាបានឱ្យដឹងថា ពិព័រណ៍​នេះ​មានគោលបំណងបង្ហាញ​ផលិតផល​ដែល​ផលិត​នៅ​កម្ពុជា ជាពិសេស​វា​មិន​ត្រឹមតែ​បង្ហាញ​ផលិតផល​កសិកម្ម​ដល់​ប្រជាជន​កម្ពុជា​ដែល​កំពុង​រស់នៅ​ទីនោះ​ប៉ុណ្ណោះ​ទេ ប៉ុន្តែ​ក៏​បង្ហាញ​ដល់​ប្រជាជន​អាស៊ី និង​អាមេរិក​ផ្សេងទៀត​ផងដែរ​។​

​អ្នកឧកញ៉ាបានឱ្យដឹងទៀតថា កម្ពុជា​នឹង​បើក​ការិយាល័យ​តំណាង​សភា​ពាណិជ្ជ​កម្ម​កម្ពុជា​នៅ​ទីក្រុង​ឡុង​ប៊ិច នៅ​ថ្ងៃទី​៨ ខែវិច្ឆិកា មុនពេល​បើក​ការតាំងពិព័រណ៍​ពាណិជ្ជកម្ម​ ហើយ​ក៏​នឹងមាន​រៀបចំ​វេទិកា​ផ្គូរផ្គង​ពាណិជ្ជកម្ម​នៅ​ថ្ងៃទី​ ១០ ខែវិច្ឆិកា និង​ដំណើរ​ទស្សនកិច្ច​នៅ​កំពង់ផែ​នៅទីនេះ​ផងដែរ​​។​

​អ្នកឧកញ៉ា​បានលើកឡើងថា ​៖

«​ពិព័រណ៍​នេះ​មាន​គោលបំណង​ជំរុញ និង​ផ្សព្វផ្សាយ​ពី​ផលិតផល​របស់​យើង​ទៅកាន់​ទីផ្សារ​សហរដ្ឋអាមេរិក​ឱ្យ​កាន់តែ​ទូលំទូលាយ ជាពិសេស​ផលិតផល​កសិកម្ម​។ យើង​សង្ឃឹមថា បន្ទាប់ពី​ពិព័រណ៍​នេះ​នឹងមាន​អ្នកទិញ​កាន់តែច្រើន​មកពី​អាស៊ី ដែល​តែងតែ​នាំចូល​ផលិតផល​ពី​ប្រទេស​ថៃ និង​វៀតណាម ពួកគេ​ក៏​នឹង​ងាក​មក​នាំ​​ចូល​ពី​ប្រទេស​យើង​ផងដែរ​»

​លោក ហួត គឹម​ឆា អគ្គ​កុង​ស៊ុ​ល​កម្ពុជា​ប្រចាំ​ទីក្រុង​ឡុង​ប៊ិច បានឱ្យដឹងថា ពិព័រណ៍​ពាណិជ្ជ​កម្មនេះ គឺជា​មធ្យោបាយ​មួយ​សម្រាប់​ទំនិញ​កម្ពុជា ទៅ​ទីផ្សារ​អ្នកប្រើប្រាស់​របស់​អាមេរិក និង​បង្កើត​ទំនាក់ទំនង​ផ្ទាល់​ជាមួយ​វិ​និ​​យោគិន​ក្នុងប្រទេស​ទាំង​ ២​។​អ្នកចូលរួម​នឹងមាន​ឱកាស​ស្វែងយល់ និង​ពិសោធ​លើ​ផលិតផល​ម្ហូបអាហារ​ខ្មែរ​ប្លែកៗ ដូចជា អង្ករ ម្រេច និង​គ្រាប់ស្វាយចន្ទី​។​សមាជិក​គណៈប្រតិភូ​ក៏​អាចមាន​បំណង​ចង់​និ​យាយ​អំពី​ចក្ខុវិស័យ​នៃ​ការវិនិយោគ​នៅក្នុង​ទីផ្សារ​អាមេរិក​ផងដែរ​។​

​យោងតាម​អគ្គនាយកដ្ឋាន​គយ និង​រដ្ឋាករ​កម្ពុជា ពាណិជ្ជកម្ម​ទំនិញ​កម្ពុជា និង​អាមេរិក ចាប់ពី​ខែមករា​-​ខែកញ្ញា ឆ្នាំ​ ២០២៣ មាន​ទឹកប្រាក់​សរុប ៧,០៨ ​ពាន់​លាន​ដុល្លារ ធ្លាក់ចុះ ៣​ ភាគរយ​បើ​ធៀប​រយៈពេល ៩ ​ខែ​ឆ្នាំ​ ២០២២ ដោយ​ទំនិញ​កម្ពុជា​នាំទៅ​អាមេរិក មានតម្លៃ ៦,៩​ ពាន់​លាន​ដុល្លារ ថយចុះ ២,១​ ភាគរយ និង​ទំនិញ​អាមេរិក​នាំមក​កម្ពុជា ១៨១,០២ ​លាន​ដុល្លារ ថយ​ចុះ​ ២៧,៨ ​ភាគរយ​៕ ដោយ ៖ ញ៉ែម សុផល


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ

ការិយាល័យជួល ​ទំហំ​ជិត​២០ម៉ឺន​ម៉ែត្រការ៉េ​បន្ថែមទៀត រំពឹងចាក់​បញ្ចូល​ក្នុងទីផ្សារ​​​ក្នុងឆ្នាំ២០២៤​នេះ

ព្រឹត្តិការណ៍, អចលនទ្រព្យ

• 24/07/2024

កំណើននៃ​តម្រូវការ​និងការ​ផ្គត់ផ្គង់ការិយាល័យ​ក្នុង​រាជធានីភ្នំពេញ បានកើន​ឡើងជា​បន្តបន្ទាប់​​ក្រោយ​វិបត្តិកូវីដ​១៩ ដោយ​សហគ្រិន​ឬម្ចាស់​ក្រុមហ៊ុន​ជាច្រើន​ បាន​ផ្លាស់....

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុតកំពុងឈរឈ្មោះជាបេក្ខភាពប្រធានាធិបតី

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុត ប្រែពីអាជីពមេធាវីក្លាយជាបេក្ខភាពប្រធានាធិបតី

NBC ៖ ទុនបម្រុងអន្តរជាតិរបស់កម្ពុជាមានការប្រែប្រួលតិចតួចក្នុងឆមាសទី១ ឆ្នាំ២០២៤

ព្រឹត្តិការណ៍, ហិរញ្ញវត្ថុ

• 24/07/2024

គិតត្រឹមឆមាសទី១ ឆ្នាំ២០២៤ កម្ពុជាមានទុនបម្រុងអន្តរជាតិ ២០ ប៊ីលានដុល្លារអាមេរិក

យុវជនចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

សិក្ខាកាមចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍លើជំនាញការិយាល័យជួរមុខ

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ក្រសួងរៀបចំដែនដីកំណត់ចក្ខុវិស័យលើការងារអាទិភាពចំនួន៣ ដើម្បីសម្រេចយុទ្ធសាស្ត្របញ្ចកោណ

ព្រឹត្តិការណ៍, អចលនទ្រព្យ

• 24/07/2024

យុទ្ធសាស្ត្របញ្ចកោណដំណាក់កាលទី១ នៅត្រង់បញ្ចកោណ​ទី៤ មុំទី៤ បានលើកឡើងអំពីការពង្រឹងលើការការគ្រប់គ្រង ធ្វើទំនើបកម្មនគរូបនីយកម្ម

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម