មុខរបរបំប៉នក្ដាមថ្ម អាចបន្ថែមគុណភាព រសជាតិ និងតម្លៃលក់នៅលើទីផ្សារ

មែនទែនទៅ ក្ដាមថ្ម ជាប្រភេទក្ដាមដែលមានតម្លៃថ្លៃនៅក្នុងទីផ្សាររួចស្រេចទៅហើយ ប៉ុន្តែដោយឡែក សម្រាប់ការផ្គត់ផ្គង់ហាក់នៅមិនទាន់បំពេញតម្រូវការទីផ្សារបានពេញលេញនៅឡើយ ខណៈដែលប្រភពផ្គត់ផ្គង់ក្ដាមថ្មចម្បងបច្ចុប្បន្ននេះ គឺចេញពីប្រជានេសាទតាមបណ្ដាខេត្តជាប់សមុទ្រ។ យ៉ាងណាមិញ ក្ដាមថ្មដែលបានមកពីការនេសាទនៅតែមិនទាន់អាចលក់ក្នុងតម្លៃខ្ពស់បាន ក៏ព្រោះ​តែក្ដាមភាគច្រើនមិនទាន់មានសាច់ច្រើនដូចដែលគេត្រូវការ។ ដោយមើលឃើញពីបញ្ហានេះ យុវជនមួយរូបបានសាកល្បងរៀនពីបច្ចេកទេសក្នុងការបំប៉នក្ដាមថ្មបន្ថែមពីអ្វីដែលប្រជានេសាទរកបានតាមបែបប្រពៃណី។

ថ្វីត្បិតថាត្រូវប្រឈមនឹងបញ្ហាបច្ចេកទេសមួយចំនួន ប៉ុន្តែគិតមកដល់ពេលនេះ អាជីវកម្មបំប៉នក្ដាមថ្មគឺមានដំណើរការទៅយ៉ាងរលូន ជាមួយនឹងការទទួលបានលទ្ធផលគួរជាទីពេញចិត្ត។

បើតាមលោក ឧត្តម ទិត្យា ដែលជាម្ចាស់អាជីវកម្មបំប៉នក្ដាមថ្មភ្នំពេញ បានឱ្យដឹងថា ការបំប៉នឱ្យក្ដាមថ្មមានសាច់ពេញល្អ ត្រូវប្រើពេលប្រមាណ ១សប្ដាហ៍ ហើយក្នុងរយៈពេលនៃការបំប៉ននេះផងដែរ លោកបានរៀបចំដាក់ក្ដាមចូលក្នុងប្រអប់ ដោយឱ្យកូនត្រីជាចំណី និងមានប្រព័ន្ធទឹកប្រៃសិប្បនិម្មិតដូចទៅនឹងទឹកសមុទ្រដែរ។ និយាយជារួមគឺការបំប៉នធ្វើឡើងដោយប្រើប្រាស់បច្ចេកទេសដែលលោកបានរៀនសូត្រមកត្រឹម​ត្រូវ។

ម្ចាស់អាជីវកម្មវ័យក្មេងរូបនេះបានឱ្យដឹងទៀតថា៖

«ក្ដាមថ្មដែលយកពីសមុទ្រមកមានទំហំធំស្រាប់ ប៉ុន្តែមិនសូវមានសាច់ពេញទេ អីចឹងទៅទើបលក់មិនសូវបានថ្លៃ។ ពេលខ្ញុំយកមកបំប៉នគឺធ្វើយ៉ាងណាឱ្យក្ដាមទាំងនោះមានចំណីធម្មជាតិគ្រប់គ្រាន់ ត្រឹមតែ៤-៥ ថ្ងៃគឺមានសាច់ពេញហើយ»។

ដោយសារមានទីតាំងស្ថិតនៅទីក្រុងភ្នំពេញស្រាប់ផង ក្ដាមថ្មរបស់លោកមានការបញ្ជាទិញច្រើនពីបណ្ដាហាងធំៗ ភោជនីយដ្ឋាន និងអ្នកយកទៅលក់បន្ត។ រីឯតម្លៃវិញក្នុងមួយគីឡូក្រាម គឺចន្លោះពី ១៦ដុល្លារ ទៅ ២៥ដុល្លារ តាមប្រភេទ និងទំហំក្ដាម។

គួរកត់សម្គាល់ថា បច្ចប្បន្ននេះដែរ លោក ឧត្តម ទិត្យា មានកុងត្រាផ្គត់ផ្គង់ក្ដាមថ្មជាប្រចាំទៅកាន់ភោជនីដ្ឋាន ហើយក្រៅពីនោះក៏មានផ្គត់ផ្គង់ទៅកាន់ផ្សារទំនើបមួយចំនួនទៀត ដូចជា ផ្សារម៉ាក្រូជាដើម។ ចំណែកឯការលក់រាយ គឺលោកមិនសូវផ្ដោតសំខាន់នោះទេ។

សម្រាប់គម្រោងទៅថ្ងៃអនាគត លោកចង់សហការជាមួយសហគមន៍ក្នុងការផ្ដល់បច្ចេកទេសចិញ្ចឹមក្ដាមថ្មដល់ពួកគេ។ តាមរយៈបច្ចេកទេសដែលលោកគ្រោងនឹងផ្ដល់ជូនសហគមន៍នឹងធ្វើឱ្យពួកគេមានលទ្ធភាពផ្គត់ផ្គង់ក្ដាមដែលមានសាច់ស្រាប់ ហើយក៏មានន័យថា ពួកគេអាចលក់បន្តក្នុងតម្លៃខ្ពស់ផងដែរ។ ម្យ៉ាងទៀត កសិដ្ឋានរបស់លោកនាពេលបច្ចុប្បន្នក៏មិនទាន់បានផ្គត់ផ្គង់ក្ដាមគ្រប់តាមតម្រូវការទីផ្សារនៅឡើយ ពោលគឺលោកត្រូវពង្រីកការចិញ្ចឹម និងបំប៉នបន្ថែមទៀត៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

គម្រោងលើកកម្ពស់គុណភាពផ្លូវជាតិលេខ៤៨ ស្រែអំបិល-កោះកុង សម្រេចបាន ៥២.១២ %

ព្រឹត្តិការណ៍, អចលនទ្រព្យ

• 18/04/2024

បច្ចុប្បន្ននេះគម្រោងលើកកម្រិតគុណភាពផ្លូវជាតិលេខ៤៨(ស្រែអំបិល-កោះកុង)សម្រេចបានលទ្ធផល ៥២.១២% ហើយក្រសួងបានប្តេជ្ញាសម្រេចឱ្យបាន ៦០% នៅខែមិថុនា ។

World Bank ៖ បំណុល និងជម្លោះជាវិបត្តិសកលរយៈពេលខ្លី ប៉ុន្តែភាពក្រីក្រ ជាវិបត្តិធ្ងន់ធ្ងររយៈពេលវែង

ព្រឹត្តិការណ៍, សេដ្ឋកិច្ច

• 18/04/2024

វិបត្តិសកលទាំងអស់គឺមានការជាប់ទាក់ទងគ្នាយ៉ាងខ្លាំង រាប់ចាប់តាំងពីបញ្ហាបម្រែបម្រួលអាកាសធាតុ, បញ្ហាបំណុល, បញ្ហាវិបត្តិស្បៀងអាហារ ទៅដល់ការពន្លឿននៃការរៀបចំប្រព័ន្ធខ្យល់អាកាស

អាកាសយានដ្ឋានអន្តរជាតិខេត្តព្រះសីហនុ សម្តែងរបាំត្រុដិ និងឆៃយ៉ាំ ទទួលស្វាគមន៍ទេសចរ

ព្រឹត្តិការណ៍, សេដ្ឋកិច្ច

• 18/04/2024

អាកាសយានដ្ឋានអន្តរជាតិខេត្តព្រះសីហនុ បានរៀបចំការសម្តែងរបាំត្រុដិ និងឆៃយ៉ាំ ដើម្បីទទួលស្វាគមន៍ទេសចរបរទេសក្នុងឱកាសសង្រ្កាន្តឆ្នាំថ្មីប្រពៃណីជាតិ

រដ្ឋមន្ត្រីក្រសួង​រៀបចំដែន​ដី ជំរុញឱ្យ​រៀបចំ​ទីក្រុង​ដើម្បី​សុខុមាលភាពពលរដ្ឋ​

ព្រឹត្តិការណ៍, អចលនទ្រព្យ

• 18/04/2024

រដ្ឋមន្ត្រីក្រសួង​រៀបចំដែនដី នគរូបនីយកម្ម និងសំណង់​ បាន​ជំរុញឱ្យក្រសួង និងស្ថាប័ន​ពាក់ព័ន្ធ​រៀបចំទីក្រុង​ដោយផ្ដោត​លើ​សុខុមាលភាព​ពលរដ្ឋ​

Dytech Limited ជួយបង្កើនចំណូលសហគមន៍នៅប្រទេសហ្សំប៊ីពីការផលិតទឹកឃ្មុំ និងការពារជីវៈចម្រុះ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 18/04/2024

Dytech Limited បានធ្វើការជាមួយសហគមន៍នៅក្នុងតំបន់ដីសើមក្នុងការផលិតទឹកឃ្មុំ ដើម្បីឲ្យអ្នកភូមិចៀសឆ្ងាយពីការកាប់ដើមឈើ និងសកម្មភាពបរបាញ់ ដែលនាំឱ្យប៉ះពាល់ដល់ជីវៈចម្រុះ

អត្រាអតិផរណានៅកម្ពុជារំពឹងថានឹងបន្តក្នុងកម្រិតទាប និងមានស្ថិរភាព

ព្រឹត្តិការណ៍, ហិរញ្ញវត្ថុ

• 18/04/2024

អត្រាអតិផរណានៅកម្ពុជា ត្រូវបានព្យាករថានឹងបន្តថមថយនៅក្នុងរង្វង់ ២,០% នៅក្នុងរយៈពេល ២ ឆ្នាំខាងមុខ ស្របពេលកំណើនសេដ្ឋកិច្ចមានសម្ទុះវិជ្ជមានប្រសើរ

ត្រីមាស​ទី​១ ​ឆ្នាំ​២​០​២​៤​ កម្ពុជាទទួលបានចំណូលជិត ១០០លានដុល្លារពីការនាំចេញ​កង់​

ព្រឹត្តិការណ៍, សេដ្ឋកិច្ច

• 18/04/2024

របាយការណ៍អគ្គនាយកដ្ឋានគយនិងរដ្ឋាករបានឱ្យដឹងថាអំឡុងខែមករាដល់ខែមីនាកម្ពុជាបាននាំចេញកង់រួមទាំងកង់អគ្គិសនីដែលមានតម្លៃ ៩៦,៩ លានដុល្លារអាមេរិក

ទីផ្សារក្រមាខេត្តតាកែវ នៅតែមានប្រជាប្រិយភាព និងមានតម្រូវការទីផ្សារ

ជំនួញ, ព្រឹត្តិការណ៍

• 18/04/2024

បច្ចុប្បន្ន ទីផ្សារក្រមាក៏នៅតែមានដំណើរការ ព្រោះក្រៅពីការប្រើប្រាស់ ក្រមាក៏ជាអំណោយដ៏មានអត្ថន័យសម្រាប់ជូនដល់មនុស្សជាទីស្រឡាញ់ក្នុងឱកាសនានាផងដែរ។

ក្រុមហ៊ុនអ្នកឧកញ៉ា គិត ម៉េង ទិញក្បាលម៉ាស៊ីនរថភ្លើងល្បឿនលឿនចំនួន ១១គ្រឿងពីប្រទេសជប៉ុន

ព្រឹត្តិការណ៍, សេដ្ឋកិច្ច

• 18/04/2024

ក្រុមហ៊ុនរបស់អ្នកឧកញ៉ា គិត ម៉េង បានទិញក្បាលម៉ាស៊ីនរថភ្លើងល្បឿនលឿនចំនួន ១១គ្រឿង ពីប្រទេសជប៉ុន ដើម្បីអភិវឌ្ឍវិស័យរថភ្លើងនៅកម្ពុជា ។

ប្រជាពលរដ្ឋ​ខ្មែរ​​រីករាយ​នឹង​ពិធី​បុណ្យចូលឆ្នាំ​ថ្មី​ប្រពៃណី​ជាតិប្រកបដោយស្នាមញញឹម

ព្រឹត្តិការណ៍, សេដ្ឋកិច្ច

• 18/04/2024

ប្រជាពលរដ្ឋខ្មែរបានប្រារព្ធពិធីបុណ្យចូលឆ្នាំថ្មីប្រពៃណីជាតិក្នុងបរិយាកាសសាមគ្គីភាព រំភើប និងសប្បាយរីករាយ ជាមួយនឹងស្នាមញញឹម