សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងទៅតាមប្រភពពី Investing បានបង្ហាញថា តម្លៃប្រេងបានឡើងថ្លៃបន្តិច ដោយសារការផ្គត់ផ្គង់ត្រូវបានរឹតបន្តឹង និងភាពមិនច្បាស់លាស់នៃតម្រូវការ ខណៈដែលមនុស្សកំពុងចាប់អារម្មណ៍លើកិច្ចប្រជុំរបស់ធនាគារកណ្តាលអាមេរិក Federal Reserve នៅសប្តាហ៍ក្រោយនេះ។
ទីផ្សារតម្លៃប្រេង Brent ឡើងថ្លៃ ០,៩ ភាគរយ ឬ ៨០,៣៦ ដុល្លារក្នុងមួយបារ៉ែល ខណៈដែលទីផ្សារតម្លៃប្រេងប្រេងឆៅ West Texas Intermediate (WTI) ឡើងថ្លៃ ០,៩ ភាគរយ ឬ ៧៦,៣៦ ដុល្លារក្នុងមួយបារ៉ែល។ ស្របពេលនេះដែរ គេរំពឹងថាតម្លៃប្រេងឆៅនឹងធ្លាក់ចុះនៅពែលខាងមុខ ដោយសារប្រទេសចិនបានជំរុញវិធានថ្មីក្នុងការកែលម្អតម្រូវការប្រេងឥន្ធនៈក្នុងនាមជាប្រទេសនាំចូលប្រេងដ៏ធំបំផុតរបស់ពិភពលោក។ ក្នុងរយៈពេល ១០ សប្តាហ៍កន្លងមកនេះ តម្លៃប្រេងស្ទើរតែជិតដល់កម្រិតខ្ពស់ដោយសារការផ្គត់ផ្គង់សកលកាន់តែតានតឹង ប៉ុន្តែគេរំពឹងថា កិច្ចប្រជុំរបស់ Fed នាពេលខាងមុខនឹងអាចរកដំណោះស្រាយទប់ស្កាត់ការឡើងថ្លៃតម្លៃប្រេង ជាពិសេសនៅប្រាក់ដុល្លារកំពុងបានស្ទុះងើបឡើងវិញបន្តិចហើយ។
លើសពីនេះ ចិននឹងដាក់ចេញនូវវិធានការបន្ថែមទៀត ដើម្បីជំរុញការស្ទុះងើបសេដ្ឋកិច្ចយឺតក្នុងគោលបំណងលើកកម្ពស់ការចំណាយក្នុងស្រុក ជាពិសេសនៅក្នុងវិស័យរថយន្ត និងតម្រូវការអ្នកប្រើប្រាស់។ ទីក្រុងប៉េកាំងបានប្តេជ្ញាថានឹងបង្កើនការប្រើប្រាស់ក្នុងស្រុកដើម្បីរក្សានិរន្តរភាពនៃការស្ទុះងើបឡើងវិញនៃសេដ្ឋកិច្ចនៅឆ្នាំនេះ ខណៈដែលតម្រូវការប្រេងចម្រាញ់នៅតែខ្លាំង។ ប្រសិនបើការប្រើប្រាស់ប្រេងឥន្ធនៈនៅចិនដែលធ្លាក់ចុះ នោះវាគឺជារឿងព្រួយបារម្ភសម្រាប់ទីផ្សារប្រេង។ ចំពោះខាងផ្នែកផ្គត់ផ្គង់វិញ ការផលិតធ្លាក់ចុះនៅអារ៉ាប៊ីសាអូឌីត និងរុស្ស៊ីបានចង្អុលបង្ហាញពីទីផ្សារប្រេងកាន់តែតឹងតែងនៅក្នុងឆមាសទីពីរនេះ។
ទន្ទឹមនឹងនេះ អ្នកវិនិយោគរំពឹងថា ធនាគារកណ្តាលនឹងអាចរក្សាអត្រាការប្រាក់ត្រឹម ៥,៥ ភាគរយរហូតដល់ចុងឆ្នាំ ដោយសារអតិផរណារបស់សហរដ្ឋអាមេរិកចុះខ្សោយជាងការរំពឹងទុក ដែលធ្វើឱ្យមានការកើនឡើងយ៉ាងខ្លាំងនៃតម្លៃប្រេងនៅដើមខែកក្កដានេះ។ ដូច្នោះហើយ ធនាគារកណ្តាលអាចជំរុញឱ្យមានការកើនឡើងបន្ថែមទៀតនៅក្នុងទីផ្សារប្រេងឆៅ ប៉ុន្តែអត្រាការប្រាក់របស់សហរដ្ឋអាមេរិកអាចប៉ះពាល់ដល់លក្ខខណ្ឌសេដ្ឋកិច្ចពិភពលោកឲ្យកាន់តែអាក្រក់នៅក្នុងឆមាសទីពីរ ដែលអាចធ្វើឱ្យប៉ះពាល់ដល់តម្រូវការប្រេង៕
Account
Security
Favourite Content