សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា តម្លៃប្រេងបានឡើងថ្លៃបន្ថែមលើសពី ១ ភាគរយ ខណៈដែលអ្នកវិនិយោគបានរំពឹងថា ការផ្គត់ផ្គង់កាន់តែតឹងតែង ដោយសារក្រុមប្រទេសផលិតប្រេង OPEC អាចនឹងបន្តកាត់បន្ថយផលិតកម្មរបស់ពួកគេ។
ស្របពេលដែលតម្លៃប្រេងឆៅម៉ាក Brent បានឡើងថ្លៃ ១,៤ ភាគរយ ឬ ៨៧,៣០ ដុល្លារក្នុងមួយបារ៉ែលនោះ តម្លៃប្រេងឆៅម៉ាក West Texas Intermediate (WTI) ក៏បានឡើងថ្លៃ ១,៦ ភាគរយ ឬ ៨២,៦៣ ដុល្លារក្នុងមួយបារ៉ែល។
កាលពីសប្តាហ៍មុន ការកើនឡើងនៃការនាំចូលសម្រាប់ស្តុកប្រេងឆៅ និងប្រេងសាំងរបស់សហរដ្ឋអាម៉េរិក និងតម្រូវការប្រេងសាំងខ្សោយបានប៉ះពាល់ដល់តម្លៃប្រេង។ យ៉ាងណាមិញ អ្នកវិភាគបានសង្កេតឃើញថា ការកើនឡើងនៃស្តុកប្រេងឆៅគឺតិចជាងការរំពឹងទុករបស់វិទ្យាស្ថានប្រេងអាមេរិកដែលបានព្យាករណ៍។
អ្នកវិភាគ SEB លោក Bjarne Schieldrop រំពឹងថា ស្តុកប្រេងរបស់សហរដ្ឋអាម៉េរិកនឹងកើនឡើងតិចជាងពេលធម្មតា ខណៈដែលទីផ្សារប្រេងពិភពលោកកំពុងមានឱនភាពបន្តិច ហើយវាទំនងជានឹងផ្តល់ការគាំទ្រដល់តម្លៃប្រេងឆៅ Brent ។ កាលពីសប្តាហ៍មុន អត្រាប្រើប្រាស់រោងចក្រចម្រាញ់ប្រេងរបស់សហរដ្ឋអាម៉េរិកបានកើនឡើង ០,៩ ភាគរយ គ៏បានគាំទ្រដល់តម្លៃផងដែរ។ មិនត្រឹមតែប៉ុណ្ណោះ សេដ្ឋកិច្ចរបស់សហរដ្ឋអាមេរិកកើនឡើងលឿនជាងការព្យាករណ៍កាលពីត្រីមាសទីបួន ខណៈដែលផលិតផលក្នុងស្រុកសរុបបានកើនឡើងក្នុងអត្រាប្រចាំឆ្នាំ ៣,៤ ភាគរយកើនឡើងពីល្បឿន ៣,២ ភាគរយ។
កាលពីថ្ងៃពុធកន្លងទៅនេះ មន្ត្រីជាន់ខ្ពស់របស់ធនាគារកណ្តាលអាម៉េរិកបាននិយាយថា ទិន្នន័យអតិផរណាអាចពន្យារពេលកាត់បន្ថយគោលដៅអត្រាការប្រាក់រយៈពេលខ្លីរបស់ខ្លួន។ យ៉ាងណាមិញ គេនៅតែរំពឹងថា ធនាគារកណ្តាលអាម៉េរិកនឹងកាត់បន្ថយអត្រាការប្រាក់ ដោយសារអត្រាការប្រាក់ទាបជាធម្មតាគាំទ្រដល់តម្រូវការប្រេង។ ទន្ទឹមនឹងនេះ វិនិយោគិនកំពុងរង់ចាំមើលកិច្ចប្រជុំនៃគណៈកម្មាធិការរដ្ឋមន្ត្រីត្រួតពិនិត្យរួមនៃក្រុមប្រទេសផលិតប្រេង (OPEC) ខណៈដែលកើនឡើងហានិភ័យភូមិសាស្ត្រនយោបាយបានរំខានការផ្គត់ផ្គង់ ប៉ុន្តែ OPEC+ ទំនងជាមិនធ្វើការផ្លាស់ប្តូរគោលនយោបាយកាត់បន្ថយទិន្នផលប្រេងរបស់ពួកគេនោះទេ៕
Account
Security
Favourite Content