សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី Vietnam Plus បានលើកឡើងថា រំហូរការវិនិយោគផ្ទាល់ពីបរទេស (FDI) ចូលក្នុងប្រទេសវៀតណាមបានកើនឡើងយ៉ាងគំហុកនៅដើមឆ្នាំ២០២៥ ដែលជំរុញឱ្យមានក្តីសង្ឃឹមសម្រាប់ប្រមុខរដ្ឋាភិបាល ក៏ដូចជាប្រជាពលរដ្ឋអាចទទួលបានចំណូលបន្ថែមពីលើអ្វីដែលស្រាប់កាលពីឆ្នាំចាស់។
យោងតាមទិន្នន័យដែលចេញផ្សាយដោយទីភ្នាក់ងារវិនិយោគបរទេសកាលពីពេលកន្លងទៅ ស្ថិតនៅក្រោមក្រសួងផែនការ និងវិនិយោគវៀតណាម បានឲ្យដឹងថា ការវិនិយោគបរទេស (FDI) ជាង ៤,៣៣ ពាន់លានដុល្លារអាម៉េរិកត្រូវបានចុះបញ្ជីនៅក្នុងប្រទេសវៀតណាមកាលពីអំឡុងខែមករា កើនឡើង ៤៨,៦ ភាគរយបើធៀបនឹងរយៈពេលដូចគ្នាកាលពីឆ្នាំមុន។ តួរលេខនេះគឺជាទំហំមួយដ៏ច្រើនមិនធ្លាប់មាននោះឡើយសម្រាប់ប្រទេសវៀតណាមដែលជាទូទៅក្នុងមួយខែអាចទទួលបានទុនវិនិយោគត្រឹមប្រមាណចន្លោះពី ២ ទៅ ៣ពាន់លានដុល្លារតែប៉ុណ្ណោះ។ ជាមួយការទទួលបានកំណើនទុន FDI នាពេលនេះ គេកត់សម្គាល់ថា នៅក្នុងខែមករាមានការកើនឡើងយ៉ាងខ្លាំងនៃដើមទុន និងការវិនិយោគបន្ថែមតាមរយៈការរួមចំណែកមូលធន និងការទិញភាគហ៊ុន។ ជាលទ្ធផល ការវិនិយោគសរុបក្នុងខែមករាបានឈានដល់ ២,៧៣ ពាន់លានដុល្លារ កើនឡើងពី ៥០៩,៦ ភាគរយបើធៀបនឹងរយៈពេលដូចគ្នាកាលពីឆ្នាំមុន។ នេះមានន័យថា វិនិយោគិនបានបន្ថែមលុយវិនិយោគច្រើនជាង ៥ ដងនៃចំនួនដែលពួកគេបានធ្វើកាលពីខែមករាឆ្នាំមុន។ មិនត្រឹមតែប៉ុណ្ណោះ ការទិញភាគហ៊ុនក្នុងខែមករាមានចំនួន ៣២២,៩ លានដុល្លារ ដែលកើនឡើងពី ៧០,៤ ភាគរយ បើធៀបនឹងរយៈពេលដូចគ្នាកាលពីឆ្នាំមុន។ ការកើនឡើងយ៉ាងខ្លាំងទាំងនេះបង្ហាញពីការកើនឡើងនៃទំនុកចិត្តវិនិយោគិន និងសកម្មភាពទីផ្សារ។
យ៉ាងណាក៏ដោយ បើទោះបីជាថ្ងៃឈប់សម្រាកក្ដី ប៉ុន្តែសម្រាប់អ្នកវិនិយោគបរទេសនៅតែមានសកម្មក្នុងផលិតកម្ម និងមិនផ្អាកប្រតិបត្តិការនោះទេ។ នេះមានន័យថា ក្នុងកំឡុងពេលថ្ងៃឈប់សម្រាក វិនិយោគិនបរទេសបានបន្តវិនិយោគមានតម្លៃសរុបប្រហែល ១,៥ ពាន់លានដុល្លារអាមេរិក ដោយកើនឡើង ២ ភាគរយបើធៀបនឹងរយៈពេលដូចគ្នាកាលពីឆ្នាំមុន។ តួលេខទាំងនេះបានបញ្ជាក់បន្ថែមថា ការទាក់ទាញវិនិយោគបរទេស (FDI) របស់វៀតណាមបានចាប់ផ្ដើមដើរដោយរលូនក្នុងឆ្នាំ២០២៥។ គួរឲ្យបញ្ជាក់ដែរថា ក្នុងឆ្នាំ២០២៤ វៀតណាមបានទាក់ទាញការវិនិយោគបរទេស (FDI) ជាសរុបមានតម្លៃចំនួន ៣៨,២៣ ពាន់លានដុល្លារអាម៉េរិក៕
Account
Security
Favourite Content