គិតត្រឹមត្រីមាសទី៣ ឆ្នាំ២០២៣ វិស័យមីក្រូហិរញ្ញវត្ថុនៅតែរក្សាបានស្ថិរភាពល្អ

សៀមរាប ៖ ថ្ងៃទី២៤ ខែវិច្ឆិកានេះ សមាគមមីក្រូហិរញ្ញវត្ថុបានប្រារព្ធសន្និសីទមីក្រូហិរញ្ញវត្ថុប្រចាំឆ្នាំ២០២៣ ដោយក្នុងនោះ លោក សុខ វឿន ប្រធានក្រុមប្រឹក្សាភិបាលនៃសមាគមមីក្រូហិរញ្ញវត្ថុកម្ពុជាបានថ្លែងអំពីស្ថិរភាពនៃវិស័យមួយនេះត្រឹមរយៈពេលត្រីមាសទី៣ នៃឆ្នាំ២០២៣នេះ។

តាមរយៈសន្និសីទនេះ លោក សុខ វឿន បានឱ្យដឹងយ៉ាងដូច្នេះថា វិស័យមីក្រូហិរញ្ញវត្ថុនៅកម្ពុជា នៅតែបន្តរក្សាបាននូវស្ថិរភាពរបស់ខ្លួន តាមរយៈការផ្តល់នូវសេវាកម្ម​ជាមួយស្មារតីទទួលខុសត្រូវខ្ពស់ និងកិច្ចការពារអតិថិជន។ 

លោកបន្តសង្កត់ធ្ងន់ថា៖

«គិតត្រឹមត្រីមាសទី៣ ឆ្នាំ២០២៣ នេះ វិស័យមីក្រូហិរញ្ញវត្ថុមានសមតុល្យ​ឥណទានសរុបជាង ៥ពាន់លានដុល្លារសហរដ្ឋអាមេរិក និងមាន​អតិថិជនឥណទានសរុប ជាង១,៥លាននាក់»។

ក្នុងនោះ សមតុល្យប្រាក់បញ្ញើនៅតាមគ្រឹះស្ថានមីក្រូហិរញ្ញវត្ថុទទួលប្រាក់បញ្ញើ មានជាង២ពាន់​លានដុល្លារ​សហរដ្ឋអាមេរិក និងមានអតិថិជនដាក់ប្រាក់បញ្ញើសរុប ជិត២លាននាក់។ ចំណែកការិយាល័យ​ប្រតិបត្តិ មានសរុបជាង៩០០ការិយាល័យ និងមានបុគ្គលិកដែលកំពុង​បម្រើការងារ​ក្នុងវិស័យជាង​២ម៉ឺននាក់ ដែលទិន្នន័យនេះមិនរាប់បញ្ចូលធនាគារដែលជា​សមាជិករបស់សមាគមនោះទេ។ 

បើទោះបីជាសមាគមមីក្រូហិរញ្ញវត្ថុអាចរក្សាបាននូវស្ថិរភាពរបស់ខ្លួនក៏ពិតមែន ប៉ុន្តែកន្លងមកនេះ សមាគមក៏ជួបប្រទះនឹងបញ្ហាជាច្រើនផងដែរ។

តាមរយៈការកត់សម្គាល់ឃើញបញ្ហាប្រឈមកន្លងមកនេះ ឯកឧត្តម គិត សុវណ្ណរិទ្ធ​ អគ្គនាយក​ត្រួតពិនិត្យធនាគារជាតិនៃកម្ពុជា បានសំណូមពរឱ្យសមាគមមានការសាមគ្គីគ្នាក្នុងការការពារ​កេរ្តិ៍ឈ្មោះវិស័យមីក្រូហិរញ្ញវត្ថុកម្ពុជា ដោយមិនប្រកាន់តែបញ្ហានោះបង្កឡើងដោយគ្រឹះស្ថានណា​មួយឡើយ។

ជាមួយគ្នានេះដែរ ឯកឧត្តមក៏បានលើកទឹកចិត្តដល់គ្រឹះស្ថានទាំងអស់ឱ្យផ្ដល់សេវាជូនអតិថិជនប្រកបដោយទំនួលខុសត្រូវ ដោយប្រកាន់យកនូវអភិក្រមរបស់ខ្លួន។ ក្នុងនោះគ្រឹះស្ថានត្រូវផ្ដល់ឥណទានប្រកបដោយការទទួលខុសត្រូវ និងជំរុញកំណើនឥណទានដែលមានគុណភាព និងតម្លាភាព។

ចំណុចដែលសំខាន់បំផុតគឺគ្រឹះស្ថានផ្ដល់កម្ចីត្រូវគិតគូរទៅលើការបញ្ជ្រាបចំណេះដឹងដល់អតិថិជន ដើម្បីជាការជំរុញឱ្យអតិថិជនមានការទទួលខុសត្រូវផងដែរ។ មិនត្រឹមតែប៉ុណ្ណោះ រាល់ការដោះ​ស្រាយ​​ពាក្យបណ្ដឹងផ្សេងៗ ឯកឧត្តមលើកទឹកចិត្តឱ្យភាគីគ្រឹះស្ថានប្រើប្រាស់វិធីសាស្ត្រឈ្នះៗ។

គួរបញ្ជាក់ថា សន្និសីទមីក្រូហិរញ្ញវត្ថុប្រចាំឆ្នាំ២០២៣ នេះ ធ្វើឡើងក្រោមប្រធានបទ បរិយាបន្ន ហិរញ្ញវត្ថុប្រកបដោយទំនួលខុសត្រូវ ភាពធន់ និងនិរន្តរភាពវិស័យហិរញ្ញវត្ថុនៅកម្ពុជា។

សន្និសីទនេះផងដែរ មានការចូលរួមគាំទ្រពីអ្នកពាក់ព័ន្ធដូចជា ធនាគារជាតិនៃកម្ពុជា ក្រសួង​សេដ្ឋកិច្ច និងហិរញ្ញវត្ថុ ក្រុមហ៊ុនក្រេឌីតប្យួរ៉ូ (ខេមបូឌា) ខូអិលធីឌី​ ធនាគារវីង អង្គការ ADA គ្រឹះស្ថានមីក្រូហិរញ្ញវត្ថុ​អិលអូអិលស៊ី គ្រឹះស្ថានមីក្រូហិរញ្ញវត្ថុអម្រឹត ធនាគារ ខេប៊ីប្រាសាក់ ក្រុមហ៊ុនមរកត ក្រុមហ៊ុនវីសា ធនាគារ អ៊ូរី ក្រុមហ៊ុន​ធានា​រ៉ាប់រង ហ្វតតេ ក្រុមហ៊ុន V-CONNECT ក្រុមហ៊ុនហាយហ្វាយព្រីនធីង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ