សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្ទឹងត្រែង ៖ ស្ថិតនៅចម្ងាយប្រមាណ ៤០ គីឡូម៉ែត្រពីក្រុងស្ទឹងត្រែង សហគមន៍ភ្នំជម្រកសត្វ គឺជាគោលដៅទេសចរណ៍មួយក្នុងតំបន់ដែលមានប្រជាប្រិយភាពសម្រាប់ទេសចរក្នុងស្រុក និងក្រៅស្រុក ជាមួយនឹងទិសដៅកំសាន្ដខុសៗគ្នា ក្រោយការចូលរួមអភិរក្ស និងបានអភិវឌ្ឍន៍ពីសំណាក់ប្រជាពលរដ្ឋក្នុងតំបន់ និងមន្ត្រីឧទ្យានុរក្ស។
បើតាមទិន្នន័យរបស់អង្គការកម្មវិធីផ្លាស់ប្ដូរបទពិសោធន៍ព្រៃឈើ (NTFP-EP) ក្នុងឆ្នាំ ២០២០ សហគមន៍អេកូទេសចរណ៍ភ្នំជម្រកសត្វនេះ ទទួលបានភ្ញៀវទេសចរជាង ៦ពាន់នាក់ ដែលគិតជាចំណូលបានប្រមាណជិត ២ពាន់ដុល្លារអាមេរិក។ ក្នុងនោះ បានចូលរួមដល់ការអភិរក្សប្រមាណជាង ៣០០ ដុល្លារផងដែរ។
ការចូលរួមមួយនេះគឺពិតជាមានសារៈសំខាន់ណាស់សម្រាប់សេដ្ឋកិច្ចតំបន់ទាំងមូល ក៏ដូចជាចំណែកមួយក្នុងការជំរុញសក្ដានុពលខេត្តភាគឦសានមួយនេះឱ្យកាន់តែរីកមុខមាត់ក្នុងចំណោមខេត្តទេសចរណ៍ផ្សេងទៀតផងដែរ។
លោក ញាន ផន ប្រធានសហគមន៍អេកូទេសចរណ៍ភ្នំជម្រកសត្វបានមានប្រសាសន៍ថា កាលពីពេលដែលលោករៀបចំដំបូងក្នុងឆ្នាំ ២០១៤ គឺមានប្រជាជនប្រមាណជាង ៣០០គ្រួសារ ដែលបានចូលរួមក្នុងការជួយសហគមន៍មួយនេះឱ្យរីកលូតលាស់ ហើយមកទល់ពេលនេះ ក៏មានអ្នកចំណូលស្រុកថ្មីបន្ថែមមកជួយលើកាងារសហគមន៍ឱ្យកាន់តែរីកចម្រើនមួយកម្រិតទៀត។
លើសពីនេះទៅទៀត សហគមន៍ក៏ទទួលបានការគាំទ្រពីអង្គការកម្មវិធីផ្លាស់ប្ដូរបទពិសោធន៍ព្រៃឈើ ( NTFP-EP) ដោយមានការសហការជាមួយក្រសួងបរិស្ថាន និងក្រសួងទេសចរណ៍ ដើម្បីការពារ និងអភិរក្សតំបន់អេកូទេសចរណ៍ទាំងនេះ។ គួរបញ្ជាក់ថា សហគមន៍អេកូទេសចរណ៍ភ្នំជម្រកសត្វគឺជាតំបន់អេកូទេសចរណ៍ដ៏មានសក្កានុពលមួយក្នុងចំណោមតំបន់៤ផ្សេងទៀត នៅតាមដងទន្លេមេគង្គលើក្នុងខេត្តស្ទឹងត្រែង និងខេត្តក្រចេះ។ សហគមន៍អេកូទេសចរណ៍មួយនេះផងដែរ ចែកចេញជាតំបន់ផ្សេងៗទៀតដូចជា ល្អាងប្រចៀវ ដែលជាទីជម្រករបស់សត្វប្រចៀវ ផ្លូវភ្ជាប់និស្ស័យដែលមានថ្មដុះចេញជាស្ពានសម្រាប់ឆ្លងជ្រលងថ្ម សមុទ្រឈើដែលជាទីខ្ពស់អាចមើលឃើញទេសភាពនៃព្រៃសហគមន៍ទាំងស្រុងបានយ៉ាងដាច់កន្ទុយភ្នែក និងតំបន់ផ្សេងមួយទៀត៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
គ្រឹះស្ថានមីក្រូហិរញ្ញវត្ថុ អម្រឹត រៀបចំកម្មវិធីអបអរសាទរ និងផ្តល់ប្រាក់រង្វាន់លើកទឹកចិត្តជូនកូនៗរបស់អតិថិជនដែលបានប្រើប្រាស់ “គណនីក្មេងឆ្លាត”
ព្រឹត្តិការណ៍, អត្ថបទពាណិជ្ជកម្ម
• 06/12/2024
នេះគឺជាឆ្នាំទី៤ ដែលអម្រឹតបានបង្កើត “គណនីក្មេងឆ្លាត” ជាមួយនឹងគោលបំណងចូលរួមបំពេញក្តីស្រមៃរបស់អតិថិជនដែលជាមាតាបិតាក្នុងការរៀបចំគម្រោងអនាគតការសិក្សារបស់កូនៗនៅថ្នាក់មហាវិទ្យាល័យរយៈពេល៤ឆ្នាំ
ប្រតិភូរដ្ឋាភិបាល និងពាណិជ្ជករឡាវ មកទស្សនកិច្ចសិក្សាស្វែងយល់ប្រព័ន្ធសុខាភិបាលឌីជីថលនៅកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 06/12/2024
បច្ចេកវិទ្យាសុខាភិបាលឌីជីថល មានគុណប្រយោជន៍ខ្ពស់ បង្កើតភាពងាយស្រួលដល់គ្រូពេទ្យ និងអ្នកជំងឺ ដែលអាចចងក្រងឯកសារ និងប្រវត្ដិរបស់អ្នកជំងឺដោយប្រព័ន្ធឌីជីថល
ស្វែងយល់ពីការយកកម្រៃសេវាលើការផ្ទៀងផ្ទាត់ទិន្នន័យអត្តសញ្ញាណបុគ្គល តាមរយៈថ្នាលផ្លាស់ប្តូរទិន្នន័យកម្ពុជា(CamDX)
ព្រឹត្តិការណ៍, អាជីវកម្មថ្មី និងនវានុវត្ត
• 06/12/2024
ប្រព័ន្ធឌីជីថលរបស់វិស័យឯកជនតាមថ្នាល CamDX សំដៅធ្វើឲ្យប្រសើរនូវការផ្តល់សេវាសាធារណៈរបស់រដ្ឋ និងបង្កើនប្រសិទ្ធភាពនៃប្រតិបត្តិការអាជីវកម្មរបស់វិស័យឯកជន តាមទម្រង់ឌីជីថល ស្របតាមមុំទី ៥ នៃយុទ្ធសាស្ត្របញ្ជកោណ-ដំណាក់ទី ១ របស់រាជរដ្ឋាភិបាល
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content