សញ្ញាវិជ្ជមាន​សម្រាប់ទឹក​ដីស្រុកល្វាឯម ក្រោយរដ្ឋាភិបាល​បង្ហាញទឹកប្រាក់​នៃការសាង់ស្ពាន​តភ្ជាប់ពី​ផ្លូវជាតិ​លេខ​១​

ភ្នំពេញ ៖ ទឹកដី​នៃស្រុកល្វាឯម​នឹង​កាន់តែមានភាពទាក់ទាញ​ និងអាចក្លាយទៅជា​ទីក្រុងមួយអ៊ូអរ​នៅពេលអនាគត​ ក្រោ​យ​រាជ​​រដ្ឋាភិបាល​បានសម្រេចសាងសង់ស្ពានឆ្លង​ទន្លេ​ពី​ផ្លូវជាតិលេខ​១​ទៅកាន់​ស្រុកល្វាឯម​ដោយផ្ទាល់នៅពេល​ឆាប់​ៗនេះ ខណៈតម្លៃ​នៃការ​ចំណាយលើការ​សាងសង់នេះ​ប្រមាណ២០០លានដុល្លារអាមេរិក ។

សម្ដេចអគ្គមហាសេនា​បតីតេជោ ហ៊ុន សែន នាយករដ្ឋមន្ត្រី​នៃព្រះរាជាណាចក្រកម្ពុជា​បានថ្លែង​ក្នុងពិធី​សំ​ណេះ​​​សំណាល​ជាមួយបងប្អូនខ្មែរ​រស់នៅបណ្ដា​ប្រទេសប៉ែកអឺរ៉ុបបានឱ្យដឹងថា ​​ស្ពាន​ឆ្លងទន្លេ​តភ្ជាប់ពីផ្លូវជាតិលេខ​១ទៅ​ស្រុ​ក​​ល្វាឯម​​នៃខេត្តកណ្ដាល ត្រូវបានសិក្សា​ចប់សព្វ​គ្រប់ហើយ និងរង់ចាំតែឱកាស​ល្អ​ក្នុងការ​បើកការដ្ឋាន​សា​ង​សង់​តែប៉ុណ្ណោះ ។

សម្ដេចតេជោ បានមានប្រសាសន៍ថា ​​ស្ពាន​នេះ​គឺសង់​ឡើង​ដើម្បីផ្តល់ភាពងាយស្រួល​ក្នុងកា​រធ្វើដំណើរ​ឡើ​ងទៅផ្លូវ​ល្បឿនលឿន​ភ្នំពេញ-បាវិត ដែល​គ្រោងបើកការដ្ឋានសាងសង់​នៅឆ្នាំក្រោយ​ ហើយស្ពាន​នេះ​ដំបូងឡើង​មានអ្នកឱ្យ​យោបល់​ថានឹងត្រូវបង់លុយ​សម្រាប់ឆ្លងកាត់ ប៉ុន្តែ​ដោយសារតែវា​មានសារ​សំខាន់ សម្រាប់ប្រជាពលរដ្ឋត្រូវ​ធ្វើ​ដំណើរ​ឆ្លងកាត់ជាប់ជាប្រចាំ​ក្នុងការប្រកបមុខរបរ និងអាជីវកម្មប្រចាំថ្ងៃ ​ដូច្នេះ​រាជរដ្ឋាភិបាលបានសម្រេច​បញ្ចេញថវិកា​២០០​លានដុល្លារដើម្បីសាង​សង់ដោយមិនបាច់​ឱ្យពលរដ្ឋ​បង់លុយនោះ ពោ​ល​គឺបង់នៅពេលដែលការធ្វើដំណើរត្រូវឡើងលើផ្លូវ​ល្បឿនលឿន​ភ្នំពេញ-​បាវិត​ប៉ុណ្ណោះ ។

អ្នកជំនាញនៃវិស័យ​អចលនទ្រព្យបានមើល​ឃើញថា ​តំបន់​មួយចំនួននៃស្រុកល្វាឯម​ នឹងកាន់តែមានភាព​ទាក់​ទាញ​ពីសំណាក់​វិនិយោគ​ និងអ្នក​អភិវឌ្ឍន៍ ដោយក្នុងនោះដែរ រាជរដ្ឋាភិបាលនឹង​សង់ស្ពាន​ឆ្លងទន្លេចំនួន២ ដោយភ្ជាប់រាជធានីភ្នំពេញទៅតំបន់អរិយក្សត្រ ចេញពីចំណុចផ្សារ​រាត្រីទៅកាន់តំបន់ជ្រោយចង្វារ ហើយតភ្ជាប់ពីជ្រោយចង្វារ​ទៅតំបន់​អរិយក្សត្រតែម្ដង ដើយពលរដ្ឋ​អាច​ធ្វើ​​ដំណើរបានយ៉ាងងាយស្រួលជាងមុនដោយមិនចាំបាច់​ឆ្លងសាឡាងទៀត​ឡើយ ។

លោក​ ប៉ូ អ៊ាវគង់ អគ្គ​នាយក​ក្រុមហ៊ុន​អចលនទ្រព្យ​ Advance បានមានប្រសាសន៍ថា​ ការសាងសង់​ស្ពាន​ឆ្លង​កាត់ទៅកាន់តំបន់ល្វាឯមក៏ដូចជា​ស្ពាន​ឆ្លងកាត់ទន្លេ​ពីភ្នំពេញទៅអរិយក្សត្រ​នឹង​ជួយ​ជំរុញឱ្យ​មានការអភិវឌ្ឍនៅតំបន់នោះ ហើយអ្វីដែល​ត្រូវអភិវឌ្ឍន៍មុនគេ​នោះគឺជា​ប្រភេទលំនៅឋាន ​ពីព្រោះថា​នៅតំបន់​នោះ​​ចំនួន​ប្រជាពលរដ្ឋ​មិនទាន់មានច្រើនទេ ​ហើយដីក៏នៅទំនេរ​ច្រើន ដូច្នេះដើម្បីឱ្យមានការអភិវឌ្ឍ​ខ្លាំង​ត្រូវឱ្យ​ពលរដ្ឋ​ទៅរស់​នៅ​តំបន់ជាមុនសិន ។​

លោកបន្តថា ៖

“សម្រាប់គម្រោង​សាងសង់ស្ពានឆ្លងទន្លេ​តភ្ជាប់ពីផ្លូវជាតិលេខ​១ទៅកាន់តំបន់​នៃស្រុកល្វាឯមនេះ​ដែរ​ ខ្ញុំ​មិន​រំពឹង​ថា​​សាងសង់នៅឆាប់ៗនេះទេ ពីព្រោះថា​ឆ្នាំក្រោយនេះ​រដ្ឋាភិបាល​បានចំណាយច្រើនទៅហើយ​លើ​គម្រោ​ង​​មួយចំនួន​ដែល​ជាក់លាក់​ ។ យ៉ាងណាក្ដីគម្រោង​សង់​ស្ពាន​ឆ្លងទន្លេពី​ភ្នំពេញទៅអរិយក្សត្រ​ក៏ជាការ​ជួយឱ្យ​ចរន្ត​នៃទីផ្សារអចលនទ្រព្យនៅល្វា​ឯម​ទទួលបាន​នូវឥទ្ធិពល​វិជ្ជមានមួយចំនួនផងដែរ ហើយគម្រោងនេះក៏ជា​គម្រោងជាក់​លាក់​ក្រោយពីមានកា​រចុះហត្ថលេខា​ជាមួយរដ្ឋាភិបាលកូរ៉េរួចរាល់”

សូមរំលឹកថា ​កន្លងមក​ប្រមុខ​រាជរដ្ឋាភិបាល​កម្ពុជា ​សម្ដេច​តេជោ ហ៊ុន សែន បានជំរុញឱ្យ​មន្ត្រី​ពាក់ព័ន្ធ សិក្សា​បង្កើតក្រុង​ល្វាឯម​ ទៅជា​ក្រុងថ្មីមួយទៀតរបស់​ខេត្ត​កណ្ដាល​ខណៈដែលមាន​អ្នកអភិវឌ្ឍន៍មួ​យចំ​នួ​នបានព្យាយាម​ចាប់​យ​ក​ឱ​កា​​ស​​​នេះក្នុងការស្វែងរក​ទីតាំងល្អៗ​ដើម្បីអភិវឌ្ឍ​ន៍​លើគម្រោង​របស់ខ្លួនដើម្បីទទួលបានចំណេញ ជាពិសេស​ពាក់ព័ន្ធនឹង​ដីធ្លី ​និងលំនៅឋាន ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា​-​សិង្ហបុរី ​ផ្តួចផ្តើម​ដាក់​ឱ្យ​ដំណើរការថ្នាល​ច្រក​របៀង​តម្លា​ភាព​ហិរញ្ញវត្ថុ​

ព្រឹត្តិការណ៍, សេដ្ឋកិច្ច

• 20/06/2024

កម្ពុជានិងសិង្ហបុរី បានដាក់ដំណើរការថ្នាលច្រករបៀងតម្លាភាពហិរញ្ញវត្ថុដែលគំនិតផ្តួចផ្តើមនេះជំរុញកំណើនពាណិជ្ជកម្ម និងសេវាកម្មហិរញ្ញវត្ថុពាក់ព័ន្ធ

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ