សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តំបន់នៅតាមបណ្ដោយផ្លូវជាតិសំខាន់ៗជុំវិញរាជធានីភ្នំពេញ បានក្លាយជាតំបន់ដែលមានសក្ដានុពលក្នុងការអភិវឌ្ឍ ដោយក្នុងនោះក៏មានការបែងចែកទៅតាមតំបន់នីមួយៗផងដែរ ហើយតំបន់ប៉ែកខាងកើតរាជធានីភ្នំពេញ ដែលមានតាមបណ្ដោយផ្លូវជាតិលេខ១ និងតំបន់ប៉ែកខាងជើងរាជធានីភ្នំពេញ តំបន់តាមបណ្ដោយផ្លូវជាតិលេខ៦ បាន និងកំពុងក្លាយជាតំបន់ដែលមានការអភិវឌ្ឍលំនៅឋានតម្លៃខ្ពស់ដ៏គួរឱ្យទាក់ទាញផងដែរ។
លោក ប៉ូ អ៊ាវគង់ អគ្គនាយកក្រុមហ៊ុន Advance បានមានប្រសាសន៍ថា ការអភិវឌ្ឍនៅតាមផ្លូវជាតិសំខាន់ៗជុំវិញរាជធានីភ្នំពេញ បាននិងកំពុងបង្ហាញពីសក្ដានុពលខុសៗគ្នា ដោយក្នុងនោះផ្លូវជាតិលេខ៣ និងលេខ៤ជាតំបន់ដែលទាក់ទាញទៅលើឧស្សាហកម្ម និងកសិឧស្សាហកម្មបែបទំនើប ដោយសារជាទីតាំងដែលមានភាពងាយស្រួលក្នុងការដឹកជញ្ជូនទំនិញទៅកាន់កំពុងផែទឹកជ្រៅ និងទៅកាន់ច្រកព្រំដែនកម្ពុជាថៃ ដើម្បីបន្តទៅប្រទេសទី៣ផងដែរ ។
លោកបន្តថា ៖
“សម្រាប់តំបន់ផ្លូវជាតិលេខ១ និងលេខ៦ បច្ចុប្បន្ននេះ យើងឃើញថា មានគម្រោងអភិវឌ្ឍន៍លំនៅឋានជាច្រើនបាន និងកំពុងបណ្ដាក់ទុនវិនិយោគ បង្កើតគម្រោងថ្មីៗ ដែលមានតម្លៃខ្ពស់ៗផងដែរ ហើយយើងក៏ឃើញថា ក្រុមហ៊ុនអភិវឌ្ឍន៍លំនៅឋានល្បីៗ ដូចជា ប៉េងហួត អ័រគីដេវីឡា និងបុរីធំៗជាច្រើនទៀត កំពុងសាងសង់សម្រាប់ផ្គត់ផ្គង់ជូនអតិថិជន។ នៅពេលមានក្រុមហ៊ុនអភិវឌ្ឍន៍លំនៅឋានល្បីៗចូលទៅកាន់តំបន់ណាមួយ អ្នកមានជីវភាពខ្ពស់ក៏ចាប់អារម្មណ៍ និងចង់ទិញផ្ទះស្នាក់នៅក្នុងតំបន់ទាំងនោះដែរ ដែលធ្វើឱ្យតំបន់នោះកាន់តែទាក់ទាញការវិនិយោគលំនៅឋានតម្លៃខ្ពស់កាន់តែច្រើន”
លោក Eric Chong អ្នកគ្រប់គ្រងបុរីមកពីប្រទេសសិង្ហបុរីមួយរូបដែលមានទីតាំងវិនិយោគនៅតាមបណ្ដោយផ្លូវជាតិលេខ៦ គឺបុរីណាឌី បាននិយាយថា កត្តាដែលជំរុញឱ្យក្រុមហ៊ុនរបស់ខ្លួនបោះទីតាំងវិនិយោគនៅតាមបណ្ដោយផ្លូវជាតិលេខ៦ ពីព្រោះតែខ្លួនបានឃើញពីសក្ដានុពលតំបន់នោះមានភាពទាក់ទាញ ហើយគម្រោងធំៗមួយចំនួនរបស់រដ្ឋក៏មានទីតាំងនៅតំបន់ជិតនឹងផ្លូវជាតិលេខ៦ផងដែរ។ ក្រៅពីនេះនៅមានគម្រោងទីក្រុងរណបជ្រោយចង្វារដែលមានទីតាំងជាប់នឹងផ្លូវជាតិលេខ៦ និងកំពុងអភិវឌ្ឍន៍គួរឱ្យកត់សម្គាល់ នៅមានគម្រោងលំនៅដ្ឋានបែបទំនើបភូមិកីឡាស្ថិតជាប់ពហុកីឡដ្ឋានមរតកតេជោ រួមជាមួយនឹងគម្រោងអភិវឌ្ឍន៍ធំៗជាច្រើនទៀង។
លោកឧកញ៉ា ចេង ខេង អគ្គនាយកក្រុមហ៊ុនអចលនទ្រព្យ CPL ក៏បានលើកឡើងថា ការអភិវឌ្ឍនៅជុំវិញរាជធានីភ្នំពេញសុទ្ធតែមានសក្ដានុពលដូចគ្នា ប៉ុន្តែមានការបែងចែកទៅតាមតំបន់នីមួយៗ ដូចជានៅតំបន់ប៉ែកខាងជើង មានគម្រោងធំៗជាច្រើន ដែលអាចជំរុញឱ្យមានការអភិវឌ្ឍលំនៅឋានច្រើន និងអាចក្លាយជាតំបន់ពាណិជ្ជកម្មនៅពេលខាងមុខ។ លោកឧកញ៉ាបញ្ជាក់ថា ដោយសារតែមានគម្រោងជាច្រើនបានបង្ហាញខ្លួនជាបន្តបន្ទាប់ និងមានតម្រូវការប្រើប្រាស់ដីកាន់តែច្រើនបានធ្វើឲ្យអត្រានៃកំណើនតម្លៃដីធ្លីនៅប៉ែកខាងជើងនេះហាក់ទទួលបានតួលេខខ្ពស់បើធៀបនឹងតំបន់ផ្សេងៗទៀតជុំវិញរាជធានីភ្នំពេញ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ពិតជាពិសេស! អតិថិជនរបស់ បុរី ហុង ឡេង យី អាចស្នើកម្ចីគេហដ្ឋានពីធនាគារ ជីប ម៉ុង រយៈពេលវែង ការប្រាក់ទាប និងអាចស្នើកម្ចីរហូតដល់៨០%
វិបត្តិអចលនទ្រព្យចិននៅមិនទាន់ធូរស្រាល បើទោះបីជាមានផែនការជួយសង្គ្រោះក៏ដោយ
Account
Security
Favourite Content