សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
តូក្យូ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានទទួលជួបពិភាក្សាការងារជាមួយនឹងមេដឹកនាំនៃប្រទេសវៀតណាម ដើម្បីពង្រឹងកិច្ចសហប្រតិបត្តិការរវាងប្រទេសទាំង២ ជាពិសេសពង្រីកទំហំពាណិជ្ជកម្មឱ្យកាន់តែមានភាពល្អប្រសើរ។
សម្តេចតេជោ ហ៊ុន សែន នាព្រឹកថ្ងៃទី២៧ ខែកញ្ញា ឆ្នាំ២០២២ ក្នុងឱកាសចូលរួមក្នុងពិធីបុណ្យសពថ្នាក់ជាតិ របស់ឯកឧត្តម អាបេ ស៊ិនហ្សូ អតីតនាយករដ្ឋមន្រ្តីជប៉ុន បានទទួលជួបជាមួយឯកឧត្តម ង្វៀន សួនហ្វុក ប្រធានរដ្ឋ នៃសាធារណរដ្ឋសង្គមនិយមវៀត ដើម្បីពិភាក្សាការងារសំខាន់ៗមួយចំនួន ជាពិសេសកិច្ចសហប្រតិបត្តិការរវាងប្រទេសទាំង២ឱ្យកាន់តែមានភាពរឹងមាំ។
នៅក្នុងឱកាសជាមួយគ្នានេះ សម្តេចតេជោក៏បានថ្លែងពីលទ្ធផលផ្លែផ្កានៃការធ្វើកិច្ចការជាច្រើនជាមួយឯកឧត្តមនាយករដ្ឋមន្រ្តីវៀតណាមថ្មី លើការពង្រឹង និងពង្រីកទំនាក់ទំនងទ្វេភាគី ពហុភាគី តំបន់ និងអន្តរជាតិ ដែលមានការយកចិត្តទុកដាក់ដូចគ្នា។
ឯកឧត្តម ង្វៀន សួនហ្វុក ប្រធានរដ្ឋវៀតណាម បានសម្ដែងនូវភាពរីករាយដោយបានជួបសម្តេចតេជោ ហ៊ុន សែន សាជាថ្មីម្តងទៀត នៅលើទឹកដីនៃប្រទេសជប៉ុន។
ឯកឧត្តម បានមានប្រសាសន៍បង្ហាញនូវការកោតសរសើរ និងវាយតម្លៃខ្ពស់ ចំពោះបញ្ញាញាណនៃការដឹកនាំរបស់សម្តេចតេជោ ដែលបានស្តារ និងអភិវឌ្ឍប្រទេសកម្ពុជាមានការរីកចំរើនលើគ្រប់វិស័យ ជាពិសេស ការរួមគ្នាដោះស្រាយលើការងារធំៗជាច្រើន ដែលបម្រើឧត្តមប្រយោជន៍នៃប្រទេស និងប្រជាជនទាំងពីរកម្ពុជា-វៀតណាម ជំរុញកំណើនពាណិជ្ជកម្មឲ្យកើនឡើងខ្ពស់នាពេលបច្ចុប្បន្ន។
ជាមួយគ្នានេះ មេដឹកនាំប្រទេសទាំងពីរក៏បានឯកភាពគ្នាក្នុងការបន្តដោះស្រាយការងារមួយចំនួនដែលនៅសេសសល់លើបញ្ហាបោះបង្គោលព្រំដែននៃប្រទេសទាំងពីរឲ្យកាន់ឆាប់រហ័ស។
យោងតាមនាយកដ្ឋានគយ និងរដ្ឋាករកម្ពុជាបានឱ្យដឹងថា ការនាំចេញរបស់វៀតណាមបានកើនឡើង ៣២% បើធៀបទៅឆ្នាំមុនដល់ ៤.១ ពាន់លានដុល្លារ ខណៈដែលប្រទេសនេះបានប្រែក្លាយឱនភាពកាលពីឆ្នាំមុនទៅជាអតិរេក ។ ក្នុងរយៈពេល ៨ ខែនៃឆ្នាំ២០២២ ពាណិជ្ជកម្មរវាងវៀតណាម និងកម្ពុជាបានកើនឡើងដល់ ៧,៧ ពាន់លានដុល្លារ ។
កម្ពុជាជាដៃគូពាណិជ្ជកម្មធំទីបីរបស់វៀតណាម នៅអាស៊ីអាគ្នេយ៍បន្ទាប់ពីប្រទេសថៃ និងសិង្ហបុរី។ ទំនិញនាំចូលច្រើនជាងគេគឺដែក និងដែកសរសៃដែលមានចំនួន ១៧% នៃចំនួនសរុប បន្ទាប់មកគឺសម្លៀកបំពាក់ និងប្រេងឥន្ធនៈ។ ការនាំចូលរបស់វៀតណាមពីកម្ពុជាបានកើនឡើងបន្តិចបន្តួច រហូតដល់៣,៦ពាន់លានដុល្លារ រួមមានទំនិញសំខាន់ៗដូចជាកៅស៊ូ និងស្វាយចន្ទី។ ជាលទ្ធផល ឱនភាពកាលពីឆ្នាំមុនចំនួន ០.៤ ពាន់លានដុល្លារបានប្រែទៅជាអតិរេកចំនួន ០.៥ ពាន់លានដុល្លារ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
អំឡុងបុណ្យចូលឆ្នាំខ្មែរ ជាកង្វល់នៃកំណើនគ្រោះថ្នាក់ចរាចរណ៍
Uncategorized, ព្រឹត្តិការណ៍, សេដ្ឋកិច្ច
• 09/04/2026
ជាទូទៅ ក្នុងអំឡុងពិធីថ្ងៃបុណ្យជាតិធំៗនៅប្រទេសកម្ពុជា ដូចជាបុណ្យចូលឆ្នាំថ្មីប្រពៃណីជាតិខ្មែរជាដើម ករណីគ្រោះថ្នាក់ចរាចរណ៍តែងតែមានសន្ទុះកើនឡើងច្រើន បើធៀបនឹងថ្ងៃធម្មតា
មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤
ព្រឹត្តិការណ៍, អាជីវកម្មថ្មី និងនវានុវត្ត
• 08/04/2026
មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content