សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ សម្តេចតេជោ ហ៊ុន សែន បានមានប្រសាសន៍ឲ្យដឹងថា សម្ដេចចង់ការសាកល្បងចង់យកខេត្តមួយ ឬស្រុកមួយ ដើម្បីបញ្ឈប់ការពាក់ម៉ាស់ ខណៈដែលប្រទេសមួយចំនួនបានបញ្ឈប់ការពាក់ម៉ាស់នៅតាមទីធ្លាសាធារណៈរួចជាស្រេចទៅហើយនោះ។ យ៉ាងណាក៏ដោយ សម្តេចតេជោ បានណែនាំឱ្យប្រជាពលរដ្ឋបន្តពាក់ម៉ាស់សិន រង់ចាំដល់ពេលដែលរាជរដ្ឋាភិបាលប្រកាសថា ខេត្ត ឬស្រុកណា អាចឈប់ពាក់ម៉ាស់បានចាំនាំគ្នាអនុវត្ត។
នៅក្នុងឱកាសអញ្ជើញជាអធិបតីភាពដ៏ខ្ពង់ខ្ពស់សម្ពោធដាក់ឲ្យប្រើប្រាស់ជាផ្លូវការនូវហេដ្ឋារចនាសម្ព័ន្ធចំនួន៣៨ខ្សែនៅក្រុងសៀមរាប ព្រឹកថ្ងៃទី៤ ខែមេសា ឆ្នាំ២០២២ សម្ដេចតេជោ ហ៊ុន សែន បានមានប្រសាសន៍ថា ៖
“ខ្ញុំកំពុងគិតថា នៅពេលណាមួយនឹងអាចប្រើប្រាស់វិធីសាស្រ្តបញ្ឈប់ការប្រើម៉ាស់នៅក្នុងខេត្តណាមួយ ឬខេត្តពីរ ដើម្បីសាកល្បង ព្រោះម៉ាស់ជាការចំណាយដែរ។ អ៊ីចឹងពេលខ្លះយើងគួរតែសាកល្បង ឧបមាថា យើងយកខេត្តមួយ ឧទាហរណ៍ថា ព្រះវិហារ ដើរក្នុងខេត្តមិនចាំបាច់ពាក់ម៉ាស់ ប៉ុន្តែបើចេញពីខេត្តហ្នឹង ចូលមកទឹកដីខេត្តសៀមរាប ឬឧត្តរមានជ័យ គឺត្រូវតែពាក់ម៉ាស់ ប៉ុន្តែប្រសិនបើយើងលើកលែងទាំងឧត្តរមានជ័យទាំងព្រះវិហារ ពេលឆ្លងមកខេត្តឧត្តរមានជ័យមិនបាច់ពាក់ម៉ាស់ទេ អ្នកឧត្តរមានជ័យទៅព្រះវិហារក៏មិនបាច់ពាក់ម៉ាស់ដែរ ប៉ុន្តែបើឆ្លងទៅខេត្តសៀមរាបត្រូវតែពាក់ម៉ាស់”
សម្ដេចបានបន្តថា ៖
“ខ្ញុំចង់សាកល្បង ព្រោះប្រទេសមួយចំនួនបានលើកលែងបំរាមនៃការពាក់ម៉ាស់តាមទីធ្លាសាធារណៈរួចស្រេចទៅហើយក្នុងពេលដែលគេមានជំងឺយ៉ាងធ្ងន់។ ថ្ងៃនេះយើងមានអ្នកឆ្លងត្រឹមជាង៣០នាក់ ហើយភាគច្រើនគឺនៅទីក្រុងភ្នំពេញ និយាយយ៉ាងដូច្នេះកុំអាលដោះម៉ាស់អី ចាំដល់ខ្ញុំប្រកាស ខ្ញុំកំពុងតាមដានរៀងរាល់ពេលល្ងាចក្រោយម៉ោង៦តិច មានឆ្លងប៉ុន្មាន? នៅភ្នំពេញប៉ុន្មាន ខេត្តណាប៉ុន្មាន? អ៊ីចឹងយកត្រូវយកស្ថានភាពនោះ ដើម្បីយើងសាកល្បងនៅក្នុងខេត្តហ្នឹងគឺមិនចាំបាច់ពាក់ម៉ាស់ ឬអាចថា ស្រុកហ្នឹងមួយមិនចាំបាច់ពាក់ម៉ាស់ ប៉ុន្តែបើចូលស្រុកផ្សេងអាហ្នឹងត្រូវពាក់អាចចាប់ផ្តើមស្រុកពីទំហំតូច ឬអាចចាប់ផ្តើមដាក់ខេត្តមួយអ៊ីចឹងទៅ ឬក៏ដាក់ឧទាហរណ៍ រតនៈគិរី មណ្ឌលគីរី ស្ទឹងត្រែង ៣ខេត្តហ្នឹង មិនចាំបាច់ពាក់ម៉ាស់ ឬមួយខេត្តណាមុន កំពុងពិចារណាអំពីបញ្ហានេះ”
សូមបញ្ជាក់ផងដែរថា គិតត្រឹមថ្ងៃទី៣ ខែមេសា ឆ្នាំ២០២២ ការចាក់វ៉ាក់សាំងនៅទូទាំងប្រទេសកម្ពុជា សម្រេចបាន ៖
– អាយុ ១៨ឆ្នាំ ឡើងទៅ = ១០២.៦៩%
– អាយុ ១២-១៧ឆ្នាំ = ១០០.១៤%
– អាយុ ០៦-១១ឆ្នាំ = ១០៧.៧៧%
– អាយុ ០៥ឆ្នាំ = ១២៣.៨៨%
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជិះកង់ទស្សនាសមរាត្រីក្នុងតំបន់អង្គរ ៖ បទពិសោធន៍ថ្មីនៃការភ្ជាប់បេះដូងជាមួយបេតិកភណ្ឌវប្បធម៌ និងធម្មជាតិ
Top News, ព្រឹត្តិការណ៍, សេដ្ឋកិច្ច
• 21/09/2026
សៀមរាប ៖ ក្រសួងទេសចរណ៍ និងស្ថាប័នពាក់ព័ន្ធបានរៀបចំព្រឹត្តិការណ៍ជិះកង់ទស្សនាសមរាត្រីនៅតំបន់អង្គរ ក្នុងគោលបំណងជំរុញផលិតផលទេសចរណ៍កីឡា តាមរយៈការជិះកង់ឆ្លងកាត់តំបន់ព្រៃ និងតំបន់បេតិកភណ្ឌក្នុងតំបន់អង្គរ ព្រមទាំងជួយជំរុញចលនាទេសចរណ៍ក្នុងស្រុក ជាពិសេសការទាក់ទាញភ្ញៀវទេសចរមកកាន់ខេត្តសៀមរាបក្នុងរដូវកាលបៃតង។ ព្រឹត្តិការណ៍ជិះកង់ទស្សនាសមរាត្រីក្នុងតំបន់អង្គរនៅរដូវកាលបៃតង ក្រោមប្រធានបទ «កីឡាផ្សារភ្ជាប់នឹងទេសចរណ៍» បានទាក់ទាញអ្នកចូលរួមជាភ្ញៀវទេសចរជាតិ និងអន្តរជាតិប្រមាណ ១ ៣០០នាក់ ដោយធ្វើដំណើរតាមផ្លូវប្រមាណ ១២គីឡូម៉ែត្រ ឆ្លងកាត់តំបន់បេតិកភណ្ឌវប្បធម៌ និងធម្មជាតិនៃតំបន់អង្គរ។
សហគមន៍ព្រៃឈើត្រពាំងពិការ ផ្ដល់អត្ថប្រយោជន៍ដល់ពលរដ្ឋជាង ៤០០ គ្រួសារនៅរមាសហែក
ព្រឹត្តិការណ៍, អត្ថបទពាណិជ្ជកម្ម
• 20/09/2026
សហគមន៍ព្រៃឈើត្រពាំងពិការ ក្នុងឃុំអំពិល ស្រុករមាសហែក ខេត្តស្វាយរៀង កំពុងផ្ដល់អត្ថប្រយោជន៍ដល់ប្រជាពលរដ្ឋជាង ៤០០ គ្រួសារ តាមរយៈការប្រមូលអនុផលព្រៃឈើ និងការទាក់ទាញភ្ញៀវទេសចរ
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content