សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានជំរុញឱ្យវិនិយោគិនកម្ពុជា និងទាក់ទាញវិនិយោគិនបរទេសចូលមកបណ្ដាក់ទុនវិនិយោគលើឧស្សាហកម្ម, រោងចក្រ, សហគ្រាស កែច្នៃវត្ថុធាតុដើមដែលមានក្នុងស្រុកដើម្បីនាំចេញទៅកាន់ទីផ្សារអន្តរជាតិ ។
ថ្លែនៅក្នុងពិធីប្រគល់សញ្ញាបត្រជូននិស្សិតវិទ្យាស្ថានជាតិបណ្ដុះបណ្ដាលបច្ចេកទេស (NTTI) នៅព្រឹកថ្ងៃទី២៧ ខែកុម្ភ ឆ្នាំ ២០២៣ នៅមជ្ឈមណ្ឌលសន្និបាតនិងពិព័រណ៍អន្តរជាតិជ្រោយចង្វារសម្ដេចតេជោ ហ៊ុន សែន បានមានប្រសាសន៍ថាកម្ពុជាមានធនធានច្រើនណាស់ដែលមិនទាន់បានកែច្នៃ និងនាំចេញវត្ថុធាតុដើមទាំងនោះទៅប្រទេសជិតខាងដើម្បីកែច្នៃ ។
សម្ដេចបន្តថាជាការកត់សម្គាល់កម្ពុជាបាននាំចេញស្វាយចន្ទីមិនទាន់ទៅកាន់ប្រទេសវៀតណាម និងប្រទេសផ្សេងទៀតដើម្បីកែច្នៃ ខណៈការកែច្នៃគ្រាប់ស្វាយចន្ទី នៅក្នុងប្រទេសកម្ពុជាមានតិចតួចនៅឡើយ និងមិនទាន់ឆ្លើយតបនឹងតម្រូវការលើទីផ្សារកម្ពុជាបាននៅឡើយ។ យើងអាចមើលពីផលិតផលស្វាយចន្ទីកែច្នៃស្រុកតាមរយៈការដាក់តាំងបង្ហាញក្នុងពិព័រណ៍នានាក្នុងប្រទេស និងមានការនាំចេញទៅកាន់ប្រទេសក្រៅមួយចំនួន ។ក្រៅពីស្វាយចន្ទីក៏មានផលិតផលផ្សេងទៀត ដែលនាំចេញមុនពេលកែច្នៃ ក្នុងនោះក្នុងមួយឆ្នាំៗកម្ពុជានាំចេញកៅស៊ូមិនទាន់កែច្នៃក៏ច្រើន នាំចេញស្រូវក៏ច្រើន ដំឡូងមីជាដើម ដែលផលិតផលទាំងនេះសុទ្ធតែអាចកែច្នៃក្នុងស្រុកបាន។
សម្ដេចតេជោបន្ថែមថា ការកែច្នៃវត្ថុធាតុដើមទាំងនោះ គឺបានជួយបង្កើតឱកាសការងារច្រើនដល់ប្រជាពលរដ្ឋដែលអាចបំពេញការងារនៅក្នុងសហគ្រាស ឬរោងចក្រទាំងនោះ ជាពិសេសនោះគឺបុគ្គលិកបច្ចេកទេស ដែលបញ្ចប់ការសិក្សានៅថ្ងៃនេះជាដើម ។
យ៉ាងណាក្ដីជំនាញ បច្ចេកទេសនៅក្នុងប្រទេសកម្ពុជាកំពុងមានតម្រូវការខ្ពស់ ពីព្រោះកម្ពុជាទទួលបានការវិនិយោគឧស្សាហកម្មពីខាងក្រៅប្រទេសជាច្រើន។ នៅពេលបុគ្គលិកបច្ចេកទេសរបស់កម្ពុជាចូលបម្រើការនៅតាមសហគ្រាសនិងរោងចក្រនានាក្នុងប្រទេសកម្ពុជា ពួកគេក៏បានទៅទទួលបណ្ដុះបណ្ដាលជំនាញនៅក្រៅប្រទេសបន្ថែមទៀត ជាក់ស្ដែងក្រុមហ៊ុន Minebea របស់ជប៉ុនមួយបានពង្រីកការវិនិយោគនៅក្នុងប្រទេសកម្ពុជាកាន់តែធំ និងបានបញ្ជូនបុគ្គលិកបច្ចេកទេសកម្ពុជាទៅសិក្សាបន្ថែមនៅប្រទេសថៃដើម្បីឱ្យជំនាញកាន់តែខ្លាំង ៕
Account
Security
Favourite Content