សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីនៃកម្ពុជា បានអញ្ជើញចុះជួបសំណេះសំណាលជាមួយកម្មករជិត២ម៉ឺននាក់ នៅតំបន់ព្រៃស្ពឺ រាជធានីភ្នំពេញ។ ក្នុងឱកាសចុះ ជួបសំណេះសំណាលនេះផងដែរ រាជរដ្ឋាភិបាលថ្មីបានប្រកាសនូវគោលនយោបាយអាទិភាពចំនួន ៦ចំណុច ដែលត្រូវអនុវត្ត។
គោលនយោបាយទាំង៦ចំណុចនេះគឺសំដៅជំរុញសេដ្ឋកិច្ចជាតិឱ្យកាន់តែល្អប្រសើរ ជាពិសេសការបង្កើនសមត្ថិភាព និងសុខភាពរបស់ប្រជាជន។ គោលនយោបាយទាំងនោះរួមមាន៖
១. ពង្រីកសេវាថែទាំសុខភាពឱ្យបានជូនប្រជាពលរដ្ឋគោលដៅ៩លាននាក់ ឆ្ពោះទៅរកការគ្របដណ្ដប់សុខភាពជាសកល។ ដែលការពង្រីកសេវាថែទាំសុខភាពនឹងធ្វើឡើងតាមរយៈយន្ដការពីរគឺ
សមធម៌សុខាភិបាលជួយដល់ការថែទាំសុខភាពជូនគ្រួសារងាយរងគ្រោះ និងហានិភ័យចំនួន ៥០ម៉ឺនគ្រួសារ ដែលមានសមាជិក១លាន ៨សែននាក់ និងទី២គឺគោលនយោបាយពង្រីកប.ស.ស ដល់អ្នកនៅក្នុងបន្ទុករបស់និយោជិក តាមរយៈគោលការណ៍ស្ម័គ្រចិត្ត ក្នុងគោលដៅ៣លាននាក់។
២. បណ្ដុះបណ្ដាលជំនាញដល់ប្រជាពលរដ្ឋមកពីគ្រួសារក្រីក្រ ក្នុងគោលដៅ១លាន៥សែននាក់ ក្នុងនោះរាជរដ្ឋាភិបាលក៏នឹងដាក់បញ្ចូលជំនាញដូនតាផងដែរ ដើម្បីជាការចូលរួមអភិរក្សវប្បធម៌ ខ្មែរ។
៣. ការពង្រីកការគ្របដណ្ដប់នៃកម្មវិធីជាតិជួយសង្គម និងក្របខ័ណ្ឌគាំពាសង្គម លើប្រជាពលរដ្ឋ ប្រមាណ ៤លាន ៥សែននាក់។
៤.ពង្រីកក្របខ័ណ្ឌគាំពាសង្គម ដើម្បីឆ្លើយតបនឹងគ្រោះអាសន្ន សម្រាប់ទ្រទ្រង់ផ្ដល់ការគាំពាជូនប្រ ជាជនមានលក្ខណៈជាប្រព័ន្ធ។
៥. ការយកចិត្តទុកដាក់លើប្រជាពលរដ្ឋនៅក្នុងសេដ្ឋកិច្ចក្រៅប្រព័ន្ធដូចជា ម៉ូតូកង់បី កម្មករសំណង់ អាជីវករលក់ ដូរតាមផ្សារតូចៗ ដើម្បីឱ្យពួកគេទទួលបានការគាំពារសុខភាព។ ត្រង់ចំណុចនេះ រដ្ឋាភិបាលបានសម្រួលឱ្យបុគ្គលធ្វើការក្នុងសេដ្ឋកិច្ចក្រៅប្រព័ន្ធអាចទិញសេវាកម្ម ប.ស.ស ដោយបង់វិភាគទានត្រឹមតែ ១៥៦០០រៀលក្នុងមួយខែ។ គិតមកដល់ពេលនេះគឺមានជាង៣ម៉ឺននាក់ហើយដែលបានចុះឈ្មោះ។
៦. ដាក់ចេញនូវកញ្ចប់ថវិកាជាក់លាក់សម្រាប់ជួយវិស័យកសិកម្ម ដោយរដ្ឋាភិបាលបានត្រៀមថវិកា ចំនួន ១០០លានដុល្លារដើម្បីអន្តរាគមន៍កសិកម្ម ដូចជាស្រូវ បន្លែ អង្ករផ្សេងៗ។ ក្នុងនោះក៏មានផងដែរនូវគោលនយោបាយដាក់ពង្រាយមន្ត្រីកសិកម្មទៅតាមឃុំដើម្បីចាំជួយប្រជា ពលរដ្ឋតាមតំបន់មូលដ្ឋាន។ ត្រង់ចំណុចនេះដែរ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានសង្កត់ធ្ងន់ថា ក្រសួងកសិកម្មត្រូវតែមានការប្រុងប្រយ័ត្នក្នុងការជ្រើសរើសមន្ត្រីកសិកម្ម ដោយធ្វើយ៉ាងណាធានាថាពួកគេសុទ្ធតែជាអ្នកមានចំណេះដឹងមូលដ្ឋានផ្នែកកសិកម្ម៕
Account
Security
Favourite Content