យល់ដឹងពីហេតុផលដែលស្វីសក្លាយជាប្រទេសអ្នកមាន និងសុវត្ថិភាពបំផុតមួយរបស់ពិភពលោក

បរទេស ៖ យោងតាមប្រភពពី Expatica បានលើកឡើងថា ស្វីស ត្រូវបានគេស្គាល់ថា ជាប្រទេសអ្នកមានមួយរបស់ពិភពលោកដែលមានភាពរីកចម្រើនខ្លាំងខាងវិស័យធនាគារ និងប្រព័ន្ធពន្ធ ប៉ុន្តែឫសគល់នៃទ្រព្យសម្បត្តិដ៏មហាសាលរបស់ប្រទេសមួយនេះគឺបានមកពីការច្នៃប្រឌិតជាប្រវត្តិសាស្ត្ររបស់ខ្លួន។

ស្វីស មានភាពល្បីល្បាញថាជាប្រទេសអ្នកមាន ដោយសារតម្លៃរស់នៅ និងមានគុណភាពជីវិតខ្ពស់។ ទិន្នន័យពីធនាគារជាតិស្វីសបានបង្ហាញថា អ្នករស់នៅស្វីសមានទ្រព្យសម្បត្តិជាមធ្យម ៤៦០ ០០០ ហ្វ្រង់ស្វីស (៥៤ ១៥០ ដុល្លារអាម៉េរិក) ដោយក្នុងរយៈពេល ២​ទសវត្សរ៍​ចុង​ក្រោយ​នេះ ទ្រព្យសម្បត្តិសម្រាប់មនុស្សពេញវ័យនៅស្វីសបានកើនឡើង ៥៣ ភាគរយនាចន្លោះឆ្នាំ២០០០ និង ២០១៩។

យោងតាមរបាយការណ៍ពី Credit Suisse បានឲ្យដឹងថា ស្វីសមានមហាសេដ្ឋីប្រមាណ ៨ សែននាក់ ក្នុងចំណោមប្រជាជនជិត ៩ លាននាក់។ មិនត្រឹមតែប៉ុណ្ណោះ ស្វីស មានភាពទាក់ទាញចំពោះជនបរទេសដែលមានទ្រព្យសម្បត្តិ ដោយសារប្រាក់ចំណូលខ្ពស់ សេដ្ឋកិច្ចមានស្ថិរភាព និងអត្រាពន្ធអំណោយផល។ លើសពីនេះ ប្រជាជនស្វីសជាង ២៥​ ភាគរយមានដើមកំណើតមកពីបរទេស ហើយប្រហែលពាក់កណ្តាលនៃមហាសេដ្ឋីរបស់ប្រទេសនេះក៏មកពីបរទេសផងដែរ។

យ៉ាងណាក៏ដោយ បើទោះបីជាស្វីសមិនសូវមានធនធានធម្មជាតិច្រើន ប៉ុន្តែប្រទេសនេះបាននាំមុខគេក្នុងវិស័យឧស្សាហកម្មដែលចាប់ផ្តើមរីកដុះដាលយ៉ាងខ្លាំងនៅចុងសតវត្សរ៍ទី ១៩ និងដើមសតវត្សរ៍ទី ២0 ។ ប្រសិនបើគិតពីការច្នៃប្រឌិតដ៏ល្អបំផុតរបស់ប្រទេសស្វីស មនុស្សជាច្រើនប្រហែលនឹកឃើញដល់សូកូឡា និងនាឡិកា ប៉ុន្តែប្រទេសនេះមានប្រវត្តិសាស្ត្រនៃការច្នៃប្រឌិតយូរអង្វែងណាស់មកហើយ។ ស្វីសមានភាពល្បីល្បាញខាងទីផ្សារនាំចេញដ៏រឹងមាំលើផលិតផលច្រើនមុខ រួមមាន ឱសថ ត្បូង សារធាតុគីមី និងគ្រឿងម៉ាស៊ីន។ កត្តាសំខាន់មួយទៀត គឺ ស្វីស យកចិត្តទុកដាក់លើឧស្សាហកម្មរបស់ខ្លួនជាខ្លាំង ដោយពាណិជ្ជកម្មសេរីបានធ្វើឱ្យប្រទេសផ្តោតលើការបង្កើតរបស់ក្នុងស្រុកជាជាងការទិញទំនិញថោកពីប្រទេសផ្សេងទៀត។ នេះជាមូលហេតុមួយដែលធ្វើឲ្យផលិតផលរបស់ ស្វីស មានតម្លៃថ្លៃជាងប្រទេសផ្សេងៗទៀតនៅទ្វីបអឺរ៉ុប។

មិនត្រឹមតែប៉ុណ្ណោះ វិស័យហិរញ្ញវត្ថុ ធនាគារគឺជាកត្តាជំរុញដ៏សំខាន់ដល់សេដ្ឋកិច្ចស្វីស ដោយសារប្រព័ន្ធពន្ធដែលអំណោយផលរបស់ខ្លួនបានទាក់ទាញក្រុមហ៊ុន និងអ្នកមានជាច្រើន។ ពួកគេមកបង្កើនទ្រព្យសម្បត្តិយ៉ាងច្រើននៅស្វីស ដែលជំរុញឲ្យប្រទេសនេះក្លាយជាមជ្ឈមណ្ឌលហិរញ្ញវត្ថុដ៏ធំបំផុតមួយរបស់ពិភពលោក។ ប្រព័ន្ធពន្ធដាស្វីមានលក្ខណៈអំណោយផលនៅលើឆាកអន្តរជាតិតាំងពីយូរយារណាស់មកហើយ ដោយតំបន់នីមួយៗមានភាពប្រកួតប្រជែងក្នុងការផ្តល់ជូននូវពន្ធលើប្រាក់ចំណូល និងអត្រាពន្ធសាជីវកម្មដ៏ទាក់ទាញបំផុត។ ជាលទ្ធផល ស្ទើរតែពាក់កណ្តាលនៃប្រាក់នៅក្នុងគណនីធនាគារស្វីសមានប្រភពមកពីក្រៅប្រទេស ដោយសារប្រព័ន្ធពន្ធមានភាពអំណោយផល។ បន្ថែមពីនេះ មរតកគឺជាកត្តាដ៏សំខាន់នៅក្នុងទ្រព្យសម្បត្តិរបស់ប្រទេសស្វីស ដោយសារអ្នកមានទ្រព្យសម្បត្តិជាច្រើននៅក្នុងប្រទេសបានទទួលមរតកពីអាជីវកម្មគ្រួសារបន្តច្រើនជំនាន់។ បើប្រៀបធៀបទៅនឹងប្រទេសមួយចំនួនទៀតនៅអឺរ៉ុប ស្វីស មានប្រព័ន្ធអនុគ្រោះពន្ធមរតក ដែលធ្វើឱ្យមានងាយស្រួលសម្រាប់អ្នកមានបំផុតក្នុងការថែរក្សា និងផ្ទេរទ្រព្យសម្បត្តិរបស់ពួកគេ។ យ៉ាងណាមិញ បន្ទាប់ពីមានការរិះគន់ពីសហភាពអឺរ៉ុបពាក់ព័ន្ធនឹងប្រព័ន្ធពន្ធ រដ្ឋាភិបាលស្វីសបានលុបចោលការអនុគ្រោះដែលផ្តល់ដល់ក្រុមហ៊ុនពហុជាតិ និងបានដាក់ច្បាប់តឹងរ៉ឹងជាងមុនលើជនបរទេសក្នុងារបើកគណនីធនាគារនៅស្វីស។

មួយវិញទៀត ស្ថិរភាពគឺជាគន្លឹះនៃភាពជោគជ័យរយៈពេលវែងរបស់ស្វីស ដោយសារការអនុវត្តគោលការណ៍អព្យាក្រឹត្យ គឺជាគោលការណ៍ដ៏ចម្បងមួយនៃគោលនយោបាយការបរទេសរបស់ស្វីស ដែលមិនត្រូវបានពាក់ព័ន្ធនឹងជម្លោះប្រដាប់អាវុធ ឬជម្លោះនយោបាយជាមួយបណ្តាប្រទេសផ្សេងឡើយ។ ក្នុងកំឡុងសង្គ្រាមលោកលើកទី១ និងសង្គ្រាមលោកលើកទី២ ស្វីស បានរក្សាអព្យាក្រឹតភាពរបស់ខ្លួន ហើយមិនត្រូវបានឈ្លានពានពីប្រទេសជិតខាងឡើយ ក៏ដោយសារតែសណ្ឋានដី និងភាគច្រើនជាភ្នំផងដែរ។ បន្ថែមពីនេះ ​ស្វីស ​បាន​កសាងប្រព័ន្ធ​ការពារ​ដ៏​មានរឹងមាំ។ ស្វីសមិនបានទទួលរងនូវការបំផ្លិចបំផ្លាញផ្នែកសេដ្ឋកិច្ចមួយចំនួនដែលប្រទេសជិតខាងអឺរ៉ុបជាច្រើនធ្លាប់ជួបនោះទេ។ លើសពីនេះ ប្រព័ន្ធ​ប្រជាធិបតេយ្យ​ដែល​មាន​ស្ថិរភាព និង​ក្រមសីលធម៌​ការងារ​ប្រកប​ដោយ​ប្រសិទ្ធភាព​បាន​ជួយ​ប្រទេស​ក្នុង​ការ​ដោះស្រាយ​បញ្ហា​នយោបាយ និង​សេដ្ឋកិច្ច។ ដូច្នោះហើយ វិនិយោគិន និងជនបរទេសដែលជាអ្នកមានៗបានមើលឃើញថា ប្រទេសនេះជាកន្លែងសុវត្ថិភាពសម្រាប់រក្សាទុក និងចំណាយប្រាក់។

គួរបញ្ជាក់ដែរថា​ ស្វីស មិនមែនជារដ្ឋសមាជិកនៃសហភាពអឺរ៉ុប (EU) នោះទេ ប៉ុន្តែត្រូវបានផ្សារភ្ជាប់ជាមួយនឹងសហភាពតាមរយៈសន្ធិសញ្ញាទ្វេភាគីជាបន្តបន្ទាប់ ដែលក្នុងនោះប្រទេសស្វីសបានអនុម័តបទប្បញ្ញត្តិផ្សេងៗនៃច្បាប់សហភាពអឺរ៉ុបដើម្បីចូលរួមក្នុងទីផ្សារតែមួយរបស់សហភាព។

យ៉ាងណាមិញ ស្វីស ត្រូវបានចោទប្រកាន់ជាយូរមកហើយពីការទទួលបានអត្ថប្រយោជន៍អព្យាក្រឹតភាពរបស់ខ្លួននៅក្នុងសង្គ្រាមលោកលើកទី២ ដោយអនុញ្ញាតឱ្យពួកណាស៊ីផ្ញើមាសក្នុងចំនួនដ៏ច្រើនចូលទៅក្នុងគណនីធនាគារស្វីស។ ក្នុងឆ្នាំ១៩៩៦ ធនាគារជាតិស្វីសទទួលស្គាល់ថា ខ្លួនទទួលបានប្រាក់ចំណេញប្រហែល ២០ លានហ្វ្រង់ (២៣,៦ លានដុល្លារ) ពីកិច្ចសហប្រតិបត្តិការក្នុងសម័យសង្រ្គាមរបស់ខ្លួនជាមួយធនាគារកណ្តាលអាល្លឺម៉ង់។ នៅក្នុងឆ្នាំ១៩៩៧ ការស៊ើបអង្កេតដោយគណៈកម្មការ Bergier បានរកឃើញថា ៧៦ ភាគរយនៃប្រតិបត្តិការមាសរបស់អាល្លឺម៉ង់បានឆ្លងកាត់ប្រទេសស្វីស ខណៈដែលធនាគារជាតិស្វីសបានទិញមាសពីពួកណាស៊ីជិត ៤០០ លានដុល្លារ ហើយវាមានតម្លៃរាប់ពាន់លានដុល្លារក្នុងពេលបច្ចុប្បន្ននេះ។ របាយ​ការណ៍​ដដែល​នេះ​បាន​ចោទ​ប្រកាន់​ថា ពួក​ណាស៊ី ​​បាន​លួច​មាស​ចំនួន ១៤៦ លាន​ដុល្លារ​ពី​ជន​រងគ្រោះ Holocaust ដែលធ្វើឲ្យស្វីសប្រឈមមុខនឹងការរិះគន់ពាក់ពន្ធនឹងបញ្ហាជនរងគ្រោះ Holocaust ផងដែរ។ ក្នុងឆ្នាំ១៩៩៨ ធនាគារស្វីស បានឈានដល់ការដោះស្រាយជាមួយជនរងគ្រោះ Holocaust ហើយបានចំណាយលើសំណងប្រហែល ១,៣ ពាន់លានដុល្លារ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ហ្វីលីពីន បន្ថែមលុយជាង២០០លានដុល្លារពីលើកុងត្រាចាស់ជាង៣០០លានដុល្លារ ដើម្បីទិញមីស៊ីលពីឥណ្ឌា

ព្រឹត្តិការណ៍, សេដ្ឋកិច្ច

• 14/02/2025

ប្រទេសឥណ្ឌាគឺជាអ្នកនាំចូលអាវុធច្រើនជាងគេបំផុតលើពិភពលោក ប៉ុន្តែក៏កំពុងព្យាយាមក្នុងការបង្កើនការនាំចេញសព្វាវុធដែលផលិតបាននៅក្នុងស្រុករបស់ខ្លួនផងដែរ

ប្រាក់កម្ចីពីគ្រឹះស្ថានមីក្រូហិរញ្ញវត្ថុ គឺជាដើមទុនដ៏សំខាន់ក្នុងការជួយលើកកម្ពស់ជីភាពប្រជាពលរដ្ឋ

ជំនួញ, ព្រឹត្តិការណ៍

• 14/02/2025

ដើមទុនពីគ្រឹះស្ថានមីក្រូហិរញ្ញវត្ថុបានជួយលើកកម្ពស់ជីភាពប្រជាពលរដ្ឋឱ្យប្រសើរឡើងតាមរយៈការជំរុញឱ្យមានលទ្ធភាពពង្រីកមុខរបររកស៊ីក្រោយពីទទួលបានកម្ចីពីគ្រឹះស្ថានមីក្រូហិរញ្ញវត្ថុ

ចំការម្រេច សុធី បើកទទួលទេសចរ ដើម្បីបង្ហាញពីដំណើរការផលិតម្រេចល្អបំផុតនៅលើពិភពលោក

ជំនួញ, ព្រឹត្តិការណ៍

• 14/02/2025

ផលិតផលម្រេចបានចាប់កំណើតនៅក្នុងខេត្តកែប ប្រមាណជាជាង១០០ឆ្នាំមកហើយ ពោលគឺតាំងពី​ខេត្តកែបមិនទាន់បំបែកចេញពីខេត្តកំពត

កម្ពុជា និងហ្វីលីពីន សហការគ្នាស៊ើបអង្កេតលើការងារបច្ចេកទេសឆ្លងដែន

ព្រឹត្តិការណ៍, សេដ្ឋកិច្ច

• 14/02/2025

គណៈកម្មាធិការប្រកួតប្រជែងកម្ពុជា និង ហ្វីលីពីន ចុះ MoU សហការគ្នាលើការស៊ើបអង្កេត និង ការងារបច្ចេកទេសឆ្លងដែន ដើម្បីសម្របសម្រួល និងការស៊ើបអង្កេតរួមគ្នា

កម្ពុជា-ហ្វីលីពីន ពង្រឹងកិច្ចសហប្រតិបត្តិការលើវិស័យកសិកម្មឱ្យមានភាពរីកចម្រើន រួមចំណែកលើកកម្ពស់សេដ្ឋកិច្ច

ព្រឹត្តិការណ៍, សេដ្ឋកិច្ច

• 14/02/2025

កម្ពុជា-ហ្វីលីពីន ពង្រឹងកិច្ចសហប្រតិបត្តិការលើវិស័យកសិកម្មឱ្យមានភាពរីកចម្រើន រួមចំណែកលើកកម្ពស់សេដ្ឋកិច្ចប្រទេសទាំង២

Nissan និង Honda សម្រេចចិត្តបញ្ចប់កិច្ចព្រមព្រៀងធ្វើការរួមបញ្ចូលគ្នា

ព្រឹត្តិការណ៍, អាជីវកម្មថ្មី និងនវានុវត្ត

• 14/02/2025

កាលពីថ្ងៃព្រហស្បតិ៍ ក្រុមហ៊ុន Nissan បាននិយាយនៅក្នុងសេចក្តីថ្លែងការណ៍មួយថា ក្រុមហ៊ុនទាំងពីរ Nissan និង Honda រួមជាមួយនឹងដៃគូមួយទៀត Mitsubishi Motors បានយល់ព្រមបញ្ចប់អនុស្សរណៈនៃការយោគយល់គ្នា

គណៈកម្មាធិការទី៩ រដ្ឋសភា ស្វែងយល់បន្ថែមពីវិស័យវិទ្យាសាស្ត្រ បច្ចេកវិទ្យា និងនវានុវត្តន៍ នៅមន្ទីរពិសោធន៍ និងវិទ្យាស្ថានជាតិ

ព្រឹត្តិការណ៍, អាជីវកម្មថ្មី និងនវានុវត្ត

• 14/02/2025

គណៈកម្មាធិការទី៩ រដ្ឋសភា ទស្សនកិច្ចមន្ទីរពិសោធន៍ និងវិទ្យាស្ថានជាតិវិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីស្វែងយល់បន្ថែមពីវិស័យវិទ្យាសាស្ត្រ បច្ចេកវិទ្យា និងនវានុវត្តន៍

តម្លៃប្រេងធ្លាក់ចុះជាង ២ ភាគរយ បន្ទាប់ពីប្រធានាធិបតីសហរដ្ឋអាម៉េរិកជំរុញឲ្យមានកិច្ចពិភាក្សាការទូតរវាងរុស្ស៊ី និងអ៊ុយក្រែន

ព្រឹត្តិការណ៍, សេដ្ឋកិច្ច

• 14/02/2025

ថ្មីៗនេះ តម្លៃប្រេងឆៅម៉ាក Brent ធ្លាក់ចុះ ២,៣៦ ភាគរយ ឬ ៧៥,១៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ធ្លាក់ចុះ ២,៦៦ ភាគរយ ឬ ៧១,៣៧ ដុល្លារក្នុងមួយបារ៉ែល

រដ្ឋ​បាលខេត្ត​មណ្ឌលគីរី ប្ដេជ្ញា​ក្នុងការ​បញ្ចប់ការវាស់​វែង និង​ចុះបញ្ជី​ដីធ្លីទៅតាម​ការ​គ្រោងទុក​របស់​ក្រសួង​

ព្រឹត្តិការណ៍, អចលនទ្រព្យ

• 14/02/2025

ការងារ​ចុះបញ្ជីដីធ្លី​​នៅក្នុង​ខេត្ត​មណ្ឌល​គិរី​​នៅសល់តិច​តួច ហើយរដ្ឋបាល​ខេត្ត​មណ្ឌល​គីរី​នឹង​ខិតខំធ្វើ​យ៉ាង​ណា​ឱ្យការងារ​នេះ​បានបញ្ចប់​រួច​រាល់​ទៅតាម​ផែនការ​របស់​ក្រសួង​រៀបចំដែន​ដី នគរូបណីយកម្ម ​និង​សំណង់

ក្រសួងរៀបចំដែនដី បានធ្វើបទបង្ហាញជូនគណៈកម្មាការទី៩ នៃព្រឹទ្ធសភា នូវផែនទីឯកភាពការងាររបស់ក្រសួង

ព្រឹត្តិការណ៍, អចលនទ្រព្យ

• 13/02/2025

ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃទី១៣ ខែកុម្ភៈ ឆ្នាំ២០២៥ នៅទីស្តីការក្រសួង បានធ្វើបទបង្ហាញជូនគណៈកម្មាការទី៩ នៃព្រឹទ្ធសភា ដែលដឹកនាំដោយឯកឧត្តម អ៊ុំ សារឹទ្ធ នូវផែនទីឯកភាពការងាររបស់ក្រសួង