ស្វែងយល់ពីមូលហេតុដែលអតិផរណាមានឥទ្ធិពលលើតម្លៃមាស

បរទេស ៖ យោងទៅតាមប្រភពពី CBS News បានលើកឡើងថា អតិផរណា​គឺជាបញ្ហាដ៏ធំមួយ​ដែល​វិនិយោគិនព្រួយបារម្ភ​ក្នុង​រយៈពេល​ប៉ុន្មាន​ឆ្នាំ​ចុងក្រោយ​នេះ ខណៈដែលពួកគេសម្លឹងឃើញមាសជាទ្រព្យសម្បត្តិដែលមានសុវត្ថិភាពក្នុងអំឡុងពេលនៃភាពមិនប្រាកដប្រជានៃសេដ្ឋកិច្ច។

ទន្ទឹមនឹងនេះ វិនិយោគិនគួរយល់ដឹងអំពីទំនាក់ទំនងរវាងអតិផរណា និងតម្លៃទ្រព្យសកម្ម ពីព្រោះវាអាចជួយពួកគេរៀបចំផែនការយុទ្ធសាស្រ្តវិនិយោគឲ្យកាន់តែប្រសើរឡើង។ មាស គឺជាជម្រើសដ៏ពេញនិយមសម្រាប់អ្នកវិនិយោគក្នុងឆ្នាំនេះ ដោយពួកគេមើលឃើញថា មាសជាទ្រព្យសម្បត្តិមានសុវត្ថិភាពក្នុងអំឡុងពេលនៃភាពមិនប្រាកដប្រជានៃសេដ្ឋកិច្ច។ នៅពេលដែលអត្រាអតិផរណាកើនឡើង អ្នកវិនិយោគមានការព្រួយបារម្ភអំពីការបាត់បង់តម្លៃនៃក្នុងទ្រព្យសកម្មផ្សេងទៀត ដូចជា ភាគហ៊ុន និងមូលបត្របំណុល។ ដូច្នោះហើយ ពួកគេងាកទៅរកមាសដែលជាដំណោះស្រាយមានសុវត្ថិភាពក្នុងការរក្សាទ្រព្យសម្បត្តិរបស់ពួកគេ។

ទោះជាយ៉ាងណាក្តី ការកើនឡើងនៃតម្រូវការមាសក៏អាចជំរុញឱ្យតម្លៃរបស់វាឡើងថ្លៃផងដែរ។ ការផ្គត់ផ្គង់មាសមានកម្រិត ដោយសារមាសមិនដូចទៅរូបិយប័ណ្ណដែលអាចបោះពុម្ពបាននោះទេ។ នៅពេលដែលមាសត្រូវបានជីកពីអណ្តូងរ៉ែមាសអស់ នោះគេមិនអាចផលិតវាបានទៀតទេ។ ដូច្នេះហើយ តម្រូវការមាសកាន់តែច្រើនធ្វើឲ្យតម្លៃរបស់វាកាន់តែថ្លៃ។

Hanna Horvath ជាអ្នកជំនាញខាងរៀបចំផែនការហិរញ្ញវត្ថុ បានលើកឡើងថា អតិផរណាជារឿយៗធ្វើឲ្យតម្លៃរូបិយប័ណ្ណធ្លាក់ចុះ ដែលអាចនាំឱ្យអ្នកវិនិយោគងាកទៅរកមាស ដើម្បីទប់ទល់នឹងការបាត់បង់តម្លៃនៅក្នុងផលប័ត្រវិនិយោគរបស់ពួកគេ។ តម្លៃរូបិយប័ណ្ណ និងតម្រូវការមាសមានទំនាក់ទំនងនឹងគ្នាជាមូលដ្ឋាន ដោយមានន័យថា នៅពេលអតិផរណាកើនឡើង តម្លៃមាសក៏អាចឡើងថ្លៃដែរ។ ជាក់ស្តែង នៅឆ្នាំនេះ តម្លៃមាសឡើងថ្លៃដល់កម្រិតកំពូលជិត ២ ពាន់ដុល្លារក្នុងមួយអោន ដោយសារអតិផរណាកាត់បន្ថយអំណាចទិញរបស់អ្នកប្រើប្រាស់ តម្រូវការទំនិញ និងសេវាកម្មតិចជាងមុនបានប៉ះពាល់ដល់ប្រាក់ចំណូលរបស់អាជីវកម្ម។ បញ្ហានេះនាំឱ្យមានការធ្លាក់ចុះតម្លៃភាគហ៊ុន ដែលធ្វើឲ្យវិនិយោគិនចៀសឆ្ងាយពីទ្រព្យសម្បត្តិដែលងាយនឹងនាំហានិភ័យ ហើយពួកគេងាកទៅកទ្រព្យសម្បត្តិដែលមានសុវត្ថិភាពដូចជាមាស ដោយសារតម្លៃមាសឡើងថ្លៃជាញឺកញាប់។

ក្នុងករណីខ្លះវិញ អ្នកវិនិយោគរំពឹងទុកថា អតិផរណាអាចជំរុញឲ្យតម្លៃមាសឡើងថ្លៃ។ ប្រសិនបើអ្នកវិនិយោគជឿថាអតិផរណានឹងកើនឡើងក្នុងរយៈពេលខាងមុខដ៏ខ្លី នោះពួកគេអាចនឹងទិញមាសទុក។ នេះគឺជាការព្យាករណ៍ដោយខ្លួនឯង ដោយសារតែការកើនឡើងនៃតម្រូវការជំរុញឱ្យតម្លៃមាសឡើងថ្លៃ បើទោះបីជាអតិផរណាមិនកើតឡើងក៏ដោយ។ ដូច្នោះហើយ អតិផរណា​អាច​មាន​ឥទ្ធិពល​យ៉ាង​ខ្លាំង​ដល់​តម្លៃ​មាស។ និន្នាការនៃតម្រូវការមាសកើនឡើងខ្លាំងក្នុងអំឡុងពេលនៃអតិផរណាខ្ពស់ ដោយសារវិនិយោគិនស្វែងរកទ្រព្យសម្បត្តិដែលមានសុវត្ថិភាព។ មិនត្រឹមតែប៉ុណ្ណោះ ការដំឡើងអត្រាការប្រាក់ពីធនាគារកណ្តាលជំរុញឲ្យអំណាចនៃការទិញចុះខ្សោយ ខណៈដែលជំរុញឱ្យមានតម្រូវការមាសកើនឡើងផងដែរ ដោយសារមនុស្សភាគច្រើននាំគ្នាទិញមាសទុក។ លើសពីនេះ កត្តាផ្សេងៗដែលប៉ះពាល់ដល់តម្លៃមាសមានដូចជា ការដំឡើងអត្រាការប្រាក់ លក្ខខណ្ឌសេដ្ឋកិច្ចសកល និង ភាពតានតឹងភូមិសាស្ត្រនយោបាយជាដើម។ ស្របពេលនេះដែរ មាសត្រូវបានចាត់ទុកជាការវិនិយោគដ៏ឆ្លាតវៃនៅក្នុងសេដ្ឋកិច្ច ដោយសារតែតម្លៃរបស់វា។ តាមរយៈការទិញមាសរក្សាទុក គេអាចទទួលបានផលចំណេញពីវាក្នុងអំឡុងពេលមានភាពមិនប្រាកដប្រជានៃសេដ្ឋកិច្ច៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

កំពង់ស្ពឺ ​និងស្វាយរៀង ​ជា​ខេត្ត​ទទួល​បានគម្រោង​វិនិយោគ​ច្រើនជាង​គេ​ក្នុង​រយៈ​ពេល៦ខែ​ដើមឆ្នាំ

ព្រឹត្តិការណ៍, អចលនទ្រព្យ

• 17/07/2024

គិតត្រឹម​ឆមាសទី១​ឆ្នាំ ២០២៤ ខេត្ត​កំពង់ស្ពឺ និងស្វាយរៀង​ជា​ខេត្ត​ដែលទទួលបានគម្រោ​ងវិនិយោគ​ច្រើនជាង​គេក្នុង​ចំណោម​បណ្ដាខេត្ត​នានា​

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

ស្មៅដំរី ជាដំណាំសម្រាប់ជាចំណីសត្វ ងាយស្រួលដាំ និងបានផលច្រើនដែលកសិករគួរសាកល្បង

ជំនួញ, ព្រឹត្តិការណ៍

• 17/07/2024

ស្មៅដំរី ជាប្រភេទដំណាំចំណីសត្វមួយដែលមានផ្ទុកសារធាតុចិញ្ចឹមខ្ពស់ ងាយស្រួលដាំ និងអាចជួយបំប៉នដល់ការលូតលាស់របស់សត្វបានល្អ

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

មូលនិធិអភិវឌ្ឍន៍ជំនាញ បានបណ្តុះបណ្តាលធនធានមនុស្សជាង១ម៉ឺន៤ពាន់នាក់ នៅឆមាសទី១ឆ្នាំ២០២៤

ព្រឹត្តិការណ៍, អាជីវកម្មថ្មី និងនវានុវត្ត

• 17/07/2024

មូលនិធិអភិវឌ្ឍន៍ជំនាញ (SDF) បានបណ្តុះបណ្តាលធនធានមនុស្សជាង ១ម៉ឺន ៤ពាន់នាក់ នៅក្នុងឆមាសទី១ នៃឆ្នាំ២០២៤ ដែលស្ម;នឹង ៥៦ ភាគរយនៃផែនការមេ