ហានិភ័យនៃសង្រ្គាមមជ្ឈិមបូព៌ាកំពុងបង្កគ្រោះថ្នាក់ដល់សេដ្ឋកិច្ចពិភពលោកកាន់តែធំ

បរទេស ៖ យោងតាមប្រភពព័ត៌មានពីញូវយ៉កថាមបានលើកឡើងថា ជម្លោះក្នុងតំបន់ហ្គាហ្សាកំពុងប៉ះពាល់ដល់សេដ្ឋកិច្ចពិភពលោក ដោយគំរាមកំហែងដល់ការបង្អាក់កំណើន និងបង្កឱ្យតម្លៃថាមពល និងអាហារកើនឡើង។

ទាំងប្រទេសអ្នកមាន និងប្រទេសក្រីក្រទើបតែចាប់ផ្តើមធូរស្រាលបន្តិច បន្ទាប់ពីមានវិបត្តិសេដ្ឋកិច្ចរយៈពេលបីឆ្នាំរួមមានការរាតត្បាតកូវីដ-១៩ និងការលុកលុយរបស់រុស្ស៊ីលើអ៊ុយក្រែនជាដើម។ លោក Indermit Gill ប្រធានសេដ្ឋវិទូនៅធនាគារពិភពលោក បានលើកឡើងពីរឿងជាច្រើនកំពុងកើតឡើងក្នុងពេលតែមួយ ហើយសេដ្ឋកិច្ចពិភពលោកកំពុង​ស្ថិត​ក្នុង​ចំណុច​​ដ៏​ផុយស្រួយ​បំផុត។ សង្គ្រាមនៅអ៊ុយក្រែន និងមជ្ឈិមបូព៌ាមានផលប៉ះពាល់លើតម្លៃប្រេង និងហ្គាស ហើយនេះគឺជាលើកទីមួយហើយដែលមានការប៉ះពាល់ថាមពលពីរក្នុងពេលតែមួយ។

ការកើនឡើងតម្លៃទាំងនេះមិនត្រឹមតែប៉ះពាល់ដល់កម្លាំងទិញរបស់ប្រជាពលរដ្ឋ និងក្រុមហ៊ុនប៉ុណ្ណោះទេ ថែមទាំងជំរុញឱ្យថ្លៃដើមផលិតកម្មស្បៀងកើនឡើងផងដែរ។ លើសពីនេះ កម្រិតនៃអសន្តិសុខស្បៀងកំពុងកើនឡើងខ្ពស់ ជាពិសេសនៅក្នុងប្រទេសកំពុងអភិវឌ្ឍន៍ដូចជា អេហ្ស៊ីប ប៉ាគីស្ថាន និងស្រីលង្កា។ ទន្ទឹមនឹងនោះ ប្រទេសនានាកំពុងតស៊ូជាមួយនឹងកម្រិតបំណុលខ្ពស់មិនធ្លាប់មាន ការវិនិយោគឯកជនធ្លាក់ចុះ និងការងើបឡើងនៃពាណិជ្ជកម្មមានភាពយឺតបំផុតក្នុងរយៈពេលប្រាំទសវត្សរ៍ ដែលធ្វើឱ្យវាកាន់តែតឹងតែងសម្រាប់ពួកគេក្នុងការរកផ្លូវចេញពីវិបត្តិ។ ការដំឡើងអត្រាការប្រាក់កាន់តែខ្ពស់របស់ធនាគារកណ្តាលក្នុងការទប់ទល់នឹងអតិផរណា បានធ្វើឱ្យរដ្ឋាភិបាល និងក្រុមហ៊ុនឯកជនមានផលលំបាកជាងមុនក្នុងការទទួលបានឥណទាន។

សព្វថ្ងៃនេះ អ្នកផលិតប្រេងនៅមជ្ឈិមបូព៌ាមិនមានអំណាចខ្លាំងនៅលើទីផ្សារដូចដែលពួកគេធ្លាប់មានកាលពីទសវត្សរ៍ឆ្នាំ១៩៧០ នោះទេ បន្ទាប់ពីអារ៉ាប់កាត់បន្ថយផលិតកម្មយ៉ាងខ្លាំង និងការដាក់ទណ្ឌកម្មលើសហរដ្ឋអាមេរិក និងប្រទេសមួយចំនួនទៀត។ 

លោក Gregory Daco ប្រធានសេដ្ឋវិទូនៅ EY-Parthenon បាននិយាយថា សេណារីយ៉ូករណីដ៏អាក្រក់បំផុតដែលសង្រ្គាមបានរីករាលដាលអាចបណ្តាលឱ្យតម្លៃប្រេងឡើងថ្លៃដល់ ១៥០ ដុល្លារក្នុងមួយបារ៉ែល។ លើសពីនេះ សេណារីយ៉ូនេះមានឥទ្ធិពលដល់សេដ្ឋកិច្ចទូទាំងពិភពលោកយ៉ាងធ្ងន់ធ្ងរ រួមមានការធ្លាក់ចុះសេដ្ឋកិច្ចកម្រិតស្រាល ការធ្លាក់ចុះនៃតម្លៃភាគហ៊ុន និងការខាតបង់ចំនួន ២ ទ្រីលានដុល្លារសម្រាប់សេដ្ឋកិច្ចពិភពលោក។ មិនត្រឹមតែប៉ុណ្ណោះ វាប៉ះពាល់ដល់ទីផ្សារដែលកំពុងរីកចម្រើន ដោយការចំណាយលើការខ្ចីប្រាក់បានកើនឡើង ហើយក្រុមហ៊ុននៅក្នុងប្រទេសមួយចំនួននឹងមានបញ្ហាក្នុងការសងបំណុលរបស់ពួកគេ។

យោងតាមក្រុមហ៊ុន Oxford Economics បង្ហាញថា ទីផ្សារដែលកំពុងរីកចម្រើនដូចជាអេហ្ស៊ីប នីហ្សេរីយ៉ា និងហុងគ្រី បានជួបប្រទះនូវស្លាកស្នាមដ៏អាក្រក់បំផុតពីការរាតត្បាតកូវីដ-១៩ ដែលបណ្តាលឱ្យមានកំណើនទាបជាងការរំពឹងទុក។ ជម្លោះនៅមជ្ឈិមបូព៌ា និងភាពតានតឹងផ្នែកសេដ្ឋកិច្ចក៏អាចបង្កើនលំហូរនៃជនចំណាកស្រុកដែលធ្វើដំណើរពីតំបន់ទាំងនោះ និងអាហ្វ្រិកខាងជើងទៅកាន់អឺរ៉ុប ខណៈដែលសហភាពអឺរ៉ុបកំពុងតែឈានទៅរកវិបត្តិសេដ្ឋកិច្ច។

ទន្ទឺមនឹងនេះ តំបន់ដែលមានសេដ្ឋកិច្ចអាប់អួរបំផុតគឺអនុតំបន់សាហារ៉ាអាហ្រ្វិក ដែលមានសេដ្ឋកិច្ចខ្សោយរួចទៅហើយតាំងពីមុនពេលការប្រយុទ្ធគ្នានៅតំបន់ហ្គាហ្សាមកម្ល៉េះ។ លោក M. Ayhan Kose អ្នកគ្រប់គ្រងរបាយការណ៍ទស្សនវិស័យសេដ្ឋកិច្ចសកលប្រចាំឆ្នាំរបស់ធនាគារពិភពលោក បាននិយាយថា ប្រាក់ចំណូលនៅក្នុងតំបន់មិនបានកើនឡើងចាប់តាំងពីឆ្នាំ ២០១៤ មកម្ល៉េះ ហើយតំបន់នេះបានជួបប្រទះនឹងការធ្លាក់ចុះនៃសេដ្ឋកិច្ចជាងមួយទសវត្សរ៍មកហើយ។ ដូច្នោះហើយ តំបន់ទាំងនោះនឹងជួបវិបត្តិកាន់តែអាក្រក់ឡើងៗ ខណៈដែលបញ្ហាសេដ្ឋកិច្ចនាពេលថ្មីៗនេះត្រូវបានជំរុញដោយជម្លោះភូមិសាស្ត្រនយោបាយកាន់តែស៊ីជម្រៅ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ