សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នវានុវត្តន៍ ៖ ការបើកដំណើរការឡើងវិញនៃកម្មវិធីទំនាក់ទំនងសង្គមយក្សដ៏ល្បី TikTok នៅក្នុងទឹកដីសហរដ្ឋអាមេរិកក្រោយពេលឡើងកាន់តំណែងរបស់លោកប្រធានាធិបតីអាមេរិក Donald Trump ក្នុងរយៈពេលដ៏ខ្លីបានទាក់ទាញ់ចំណាប់អារម្មណ៍ពលរដ្ឋ និងអ្នកជំនួញនៅទូទាំងប្រទេស ហលយអ្នកទាំងអស់នោះនៅបន្តតាមដាននៅឡើយថា តើលទ្ធផលនឹងទៅជាយ់ាងណាពាក់ព័ន្ធទៅនឹងកិច្ចដំណើរកម្មវិធី TikTok ។
នៅចំពោះមុខ TikTok គឺមានជម្រើសចំនួន២ក្នុងដៃនៅពេលនេះ គឺបិទដំណើរការទាំងស្រុង ឬវាចាំបាច់លក់ទៅឲ្យជនជាតិអាមេរិកគ្រប់គ្រងជំនួសវិញនៅក្នុងពេលនេះ ខណៈដែលគេមើលឃើញថាមានបេក្ខភាពសក្តានុពលដែលជាមហាសេដ្ឋីលំដាប់កំពូលរបស់អាមេរិកចំនួន៣នាក់ដែលអាចនឹងមានលទ្ធភាពក្នុងការចំណាយលុយវិនិយោគទិញយកភាគហ៊ុនធំរបស់ TikTok នេះចេញពីក្រុមហ៊ុនដ៏ធំរបស់ចិន ByteDance។
ម្ចាស់ប៉ុស្តិ៍យូធូបដ៏ល្បីបំផុត MrBeast ដែលមានឈ្មោះជាផ្លូបការ លោក Jimmy Donaldson ថ្មីៗនេះបានបង្ហើបប្រាប់ទៅកាន់អ្នកគាំទ្រជាច្រើនលាននាក់នៅលើបណ្តាញសង្គម TikTok របស់ខ្លួនថា គាត់នឹងទិញយកកម្មវិធីនេះ។
វិដេអូដែលគាត់បានបញ្ជាក់អំពីការប៉ុនប៉ង់ទិញបានធ្វើឡើងតាំងតែពីសប្តាហ៍មុន។ វិដេអូនៅក្នុងយន្តហោះឯកជនរបស់គាត់ MrBeast បាននិយាយថា វាគឺជារឿងដ៏អស្ចារ្យខ្លាំងណាស់ ប្រសិនបើខ្ញុំក្លាយទៅជា CEO ថ្មីរបស់ TikTok ហើយសន្យាថានឹងផ្តល់ប្រាក់រង្វាន់សម្រាប់អ្នកតាមដានថ្មីចំនួន៥នាក់ផងដែរ ដោយម្នាក់ៗទទួលបានទឹកប្រាក់ចំនួន១ម៉ឺនដុល្លារ។ យ៉ាងណាក្តី វីដេអូនេះបានផ្ទុះនៅលើបណ្តាញ TikTok និងមានអ្នកទស្សនាដល់ទៅ ៧៣លានដង។
ដោយឡែក បេក្ខភាពម្នាក់ទៀតដែលត្រូវបានណែនាំដោយប្រធានាធិបតីថ្មី លោក Donald Trump នោះគឺជាសេដ្ឋីបច្ចេកវិទ្យា លោក Elon Musk ក៏បានអះអាងអំពីគោលបំណងគ្រប់គ្រង TikTok នេះដែរ។
លោក Musk ធ្លាប់បានបង្ហោះសារនៅលើបណ្តាញសង្គម X របស់គាត់ថា៖ ខណៈដែល X ត្រូវបានហាមឃាត់នៅក្នុងទីផ្សារប្រទេសចិន ប៉ុន្តែបែរជា TikTok ត្រូវបានដាក់ប្រើប្រាស់ជាធម្មតានៅអាមេរិកទៅវិញ។ វាមិនមែនជារឿងយុត្តិធម៍នោះទេ។
លោកប្រធានាធិបតីអាមេរិក Donald Trump បានថ្លែងបែបនេះថា៖ ខ្ញុំចង់ឲ្យគាត់ទិញយកភាគហ៊ុនរបស់ TikTok ប្រសិនបើគាត់ចង់ធ្វើវា ហើយខ្ញុំក៏ចង់ឲ្យលោក Larry Ellison គួរពិចារណាទិញកម្មវីធីនេះដូចគ្នាដែរ។
គួរឲ្យដឹងដែរថា ទាំងលោក Larry Ellison ស្ថាបនិកក្រុមហ៊ុន Oracle Corporation និងលោក Elon Musk សុទ្ធតែជាមនុស្សជំនិត និងជាអ្នកគាំទ្រដ៏ស្មោះស្ម័គ្ររបស់លោក Trump តាំងតែពីយូរមកហើយ។
រំលឹកឡើងវិញដែរថា រដ្ឋាភិបាលអាមេរិកអាណត្តិចាស់ លោក Joe Biden ធ្លាប់បានប្រកាសដាក់កាលកំណត់ត្រឹមថ្ងៃទី១៩ ខែមករា ដើម្បីឲ្យ ByteDance សម្រេចចិត្តលក់ភាគហ៊ុនមួយភាគធំមកឲ្យអាមេរិកប៉ុន្តែក្រោយបានបិទដំណើរការបានមួយថ្ងៃប៉ុណ្ណោះ TikTok ត្រូវបានបើកដំណើរការឡើងវិញក្នុងអាណត្តិថ្មីរបស់លោក Donald Trump ហើយបច្ចុប្បន្ន ឱសានវាទត្រូវបានបន្តបន្ថែម៧៥ថ្ងៃទៀតដើម្បីជាការសម្រេចចុងក្រោយថាតើត្រូវបិទ ឬដំណើរការក្រោមការគ្រប់គ្រងដោយជនជាតិអាមេរិក៕
Account
Security
Favourite Content