សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ កម្មវិធីគាំទ្រថ្មីៗប្រកបដោយនវានុវត្តន៍ត្រូវបានដាក់ដំណើរការជាផ្លូវការ និងទទួលបានការស្វាគមពីទីផ្សារការងារ និងដៃគូពាក់ព័ន្ធក្នុងការពន្លឿនអភិវឌ្ឍជំនាញដល់មូលធនមនុស្សកម្ពុជា ខណៈពេលសមិទ្ធផលចម្បងៗរបស់មូលនិធិអភិវឌ្ឍន៍ជំនាញ (SDF) សម្រេចបានតាមផែនការក្នុងឆមាសទី១ នៃឆ្នាំ២០២៤។
យោងតាមរបាយការណ៍របស់មូលនិធិអភិវឌ្ឍន៍ជំនាញក្នុងឆមាសទី១ ឆ្នាំ២០២៤ SDF សម្រេចសមិទ្ធផលការងារបាន ៥៦% ធៀបនឹងផែនការថវិកាគាំទ្រការអភិវឌ្ឍជំនាញក្នុងឆ្នាំ២០២៤ និងជំរុញភាពជាដៃគូរវាងស្ថាប័នរដ្ឋ និងឯកជន (PPP) បានយ៉ាងល្អប្រសើរ តាមរយៈថវិកាបដិភាគគាំទ្រដល់សំណើគម្រោងបណ្តុះបណ្តាលចំនួន ២៥គម្រោង ដែលមានសិក្ខាកាម ចំនួន ១៤ ៦៩០នាក់ បាន និងកំពុងទទួលការបណ្តុះបណ្តាលជំនាញដែលមានតម្លៃបន្ថែមខ្ពស់ដល់សេដ្ឋកិច្ច និងឆ្លើយតបទៅនឹងតម្រូវការជាក់ស្តែងរបស់ឧស្សាហកម្មក្នុងវិស័យអាទិភាព។
ជាមួយគ្នានេះដែរ SDF បានដាក់ឱ្យដំណើរការជាផ្លូវការនូវកម្មវិធីថ្នាលផ្សារភ្ជាប់ភាពជាដៃគូ (Partnership Platform) និងកម្មវិធីផ្គូផ្គងជំនាញ (Skills Matching Program) ដែលជាប្រព័ន្ធអនឡាញប្រកបដោយនវានុវត្តន៍ក្នុងការជួយសម្រួល និងពន្លឿនដំណើរការអភិវឌ្ឍន៍ជំនាញដល់បុគ្គលិករបស់រោងចក្រ-សហគ្រាស និងក្រុមហ៊ុន ខណៈពេលប្រព័ន្ធសិក្សារៀនសូត្រអនឡាញ (E-learning) កំពុងសិក្សា និងវិភាគដោយក្រុមបច្ចេកទេសព័ត៌មានវិទ្យា ដើម្បីរៀបចំអភិវឌ្ឍ និងដាក់ដំណើរការនាពេលខាងមុខនេះ ក្នុងគោលបំណងផ្តល់មធ្យោបាយបន្ថែមដល់ការអភិវឌ្ឍជំនាញពលរដ្ឋកម្ពុជា។
ដំណោះស្រាយបែបឌីជីថលទាំងនេះ បានរៀបចំបង្កើតឡើងស្របតាម “ក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥” ក្នុងការកសាងសេដ្ឋកិច្ច និងសង្គមឌីជីថល បង្កើនការទទួលយក និងការធ្វើបរិវត្តកម្មឌីជីថលទាំងពលរដ្ឋ និងធុរជន សំដៅជំរុញសេដ្ឋកិច្ច-សង្គមកម្ពុជាទៅកាន់កម្រិតអភិវឌ្ឍន៍មួយខ្ពស់ឡើងជាលំដាប់៕
Account
Security
Favourite Content