សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជម្លោះដោយអាវុធរវាងរុស្ស៊ី និងអ៊ុយក្រែន បានអូសបន្លាយតាំងតែពីខែកុម្ភៈ ឆ្នាំ២០២២រហូតមកដល់ពេលនេះទាំងដែលមិនទាន់មានដំណោះស្រាយល្អប្រសើរណាមួយនៅឡើយ ហើយវាកំពុងទាញឲ្យសេដ្ឋកិច្ចសកលធ្លាក់ចុះយ៉ាងខ្លាំង ជាពិសេសបញ្ហាវិបត្តិថាមពលតែម្តង។
ពិភពលោកបានទទួលរងផលប៉ះពាល់ចំពោះវិស័យថាមពលតាំងតែពីដំបូងមកម្ល៉េះ ដោយសារតែទណ្ឌកម្មសេដ្ឋកិច្ចពីសំណាក់លោកខាងលិចត្រូវបានអនុវត្តភ្លាមៗទៅលើប្រទេសរុស្ស៊ីដែលផ្តោតសំខាន់ទៅលើធនធានប្រេងកាតរបស់រុស្ស៊ី ហើយជាលទ្ធផលមិនត្រឹមតែធ្វើ ឲ្យតម្លៃថាមពលនៅស្ទើរពាសពេញពិភពលោកកើនឡើងខ្លាំងនោះទេ វាបានធ្វើឲ្យទំនាក់ទំនងសេដ្ឋកិច្ចរបស់បណ្តាប្រទេសទាំងឡាយផ្លាស់ប្តូររូបរាងគួរឲ្យចាប់អារម្មណ៍បំផុតផងដែរ។
ចាប់តាំងតែពីថ្ងៃទី៥ ខែធ្នូ ឆ្នាំ២០២២មក ទណ្ឌកម្មចុងក្រោយរបស់អឺរ៉ុបបានអនុម័តចេញក្នុងការដាក់សំពាធបន្ថែមទៀតចំពោះធនធានប្រេងរបស់រុស្ស៊ីដដែលដោយក្នុងនោះមានទាំងការកំណត់តម្លៃទីផ្សារត្រឹមតែ៦០ដុល្លារប៉ុណ្ណោះក្នុងមួយបារ៉ែល។ កញ្ចប់ទណ្ឌកម្មលើកទី៦នេះក៏មានបូកបញ្ចូលជាមួយនឹងជាបំរាមនាំចូលរបស់សមាជិកអឺរ៉ុបនូវផលិតផលដែលមានទាំងប្រេងកាត ប្រេងម៉ាស៊ូត និងប្រេងសាំងផងដែរ។
កត្តាទាំងនេះបានធ្វើឲ្យទីផ្សារថាមពលរបស់ពិភពលោកមានការប្រែប្រួលស្ទើរទាំងស្រុង ពីព្រោះ រុស្ស៊ី ដែលធ្លាប់ជាអ្នកផ្គត់ផ្គង់ប្រេងធំបំផុតរបស់អឺរ៉ុបនោះបែរជាកំពុងបែរឆ្ពោះទៅរកទីផ្សារផ្សេងជំនួសវិញដែលមានទាំងប្រទេសចិន និងប្រទេសឥណ្ឌា ជាមួយនឹងការលក់បញ្ចុះតម្លៃ យ៉ាងខ្លាំង។
គិតចាប់តាំងតែពីចុងខែវិច្ឆិការហូតមក រុស្ស៊ី ត្រូវបានគេដឹងថា បានលក់ប្រេងឆៅក្នុងតម្លៃទាបជាងថ្លៃទាមទារកំណត់ដោយអឺរ៉ុបដល់ទៅ១៧ដុល្លារ ហើយទោះជាក្នុងករណីដែលតម្លៃប្រេងនឹងឡើងទៅដល់១០០ដុល្លារក្នុងមួយបារ៉ែលក្តីក៏ចិន និងឥណ្ឌានៅតែបន្តទិញប្រេងឆៅរបស់រុស្ស៊ីដដែល ពីព្រោះថាពួកគេមានសិទ្ធិក្នុងការទិញយកការធានាពីក្រុមហ៊ុនក្នុងស្រុកខ្លួន។
លទ្ធផលក្នុងខែវិច្ឆិកាកន្លងទៅនេះ ប្រេងរុស្ស៊ីបាននាំចូលទៅទីផ្សារចិនមានកំណើនដល់ទៅ១៧ភាគរយធៀបទៅនឹងពេលវេលាដូចគ្នាកាលពីឆ្នាំកន្លងទៅ ដែលជាទំហំនាំចូលដ៏ច្រើនបំផុតគិតចាប់តាំងតែពីខែសីហា និងវ៉ាដាច់ប្រទេសអារ៉ាប៊ីសាអូឌីតក្លាយជាអ្នកផ្គត់ផ្គង់ប្រេងធំបំផុតរបស់ចិន។
ចំណែកនៅឥណ្ឌាការនាំចូលប្រេងរុស្ស៊ីបានកើនឡើងទៅដល់ ១,៤លានបារ៉ែលជារៀងរាល់ថ្ងៃ(ក្នុងខែវិច្ឆិកា) ពោលគឺមានការកើនឡើងខ្លាំងដល់ទៅជិត ៥ដងធៀបទៅនឹងការនាំចូលប្រចាំថ្ងៃកាលពីឆ្នាំកន្លងទៅ ។ ក្រៅពីនោះ ប្រេងរបស់រុស្ស៊ីក៏កំពុងហូរចូលទៅទីផ្សាររបស់អាហ្វ្រិកនិងអាមេរិកឡាទីនផ្សេងទៀតផងដែរក្នុងអំឡុងពេលនៃការប្រែប្រួលទីផ្សារនេះ។
ងាកមកខាងអឺរ៉ុបវិញ ក្រោយខាតបង់ថវិកាជាច្រើនពាន់លានដុល្លារអំឡុងពេលនៃការកើតវិបត្តិតាំងពីលើកដំបូង ពេលនេះពួកគេកំពុងនាំគ្នាងាកទៅរកការផ្កត់ផ្គង់ប្រេងពីបណ្តាប្រទេសនៅតំបន់អារ៉ាប់វិញដែលមានដូចជា ប្រទេសអារ៉ាប៊ីសាអូឌីត និងប្រទេសសហភាពអារ៉ាប់រួម។ អារ៉ាប៊ីសាអូឌីត គឺជាអ្នកនាំចេញប្រេងទៅផ្គត់ផ្គង់ឲ្យអឺរ៉ុបមានចំនួនកើនឡើងខ្លាំងជាងគេបំផុតតាំងតែពីត្រីមាសទី៣ ឆ្នាំកន្លងទៅ ឬស្ថិតនៅក្នុងចំណែកទីផ្សារប្រមាណជា ៩,១ភាគរយ ដែលធៀបទៅនឹងពេលវេលាកាលពីឆ្នាំ២០២១ មានត្រឹមតែ៥,១ភាគរយប៉ុណ្ណោះនៃចំណែកទីផ្សារទាំងអស់៕
Account
Security
Favourite Content