សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNN បានរាយការណ៍អំពីរបាយការណ៍របស់អង្គការពាណិជ្ជកម្មពិភពលោក (WTO) ថា ពន្ធគយរបស់ប្រធានាធិបតីអាម៉េរិក Donald Trump នឹងប៉ះពាល់ដល់សេដ្ឋកិច្ចជុំវិញពិភពលោកក្នុងឆ្នាំនេះ រួមទាំងសហរដ្ឋអាម៉េរិកខ្លួនឯងផងដែរ។
អង្គការពាណិជ្ជកម្មពិភពលោក (WTO) បានព្យាករណ៍ថា ពន្ធគយនឹងធ្វើឲ្យកំណើនសេដ្ឋកិច្ចពិភពលោកកើនឡើងយឺត ជាពិសេស នៅអាម៉េរិកខាងជើង នឹងមានការធ្លាក់ចុះខ្លាំងជាងតំបន់ផ្សេងទៀត។ ការដាក់ពន្ធឆ្លើយតបឲ្យមានភាពស្មើគ្នារបស់ Trump កំពុងបង្កឲ្យចក្ខុវិស័យពាណិជ្ជកម្មពិភពលោកធ្លាក់ចុះយ៉ាងខ្លាំង។ WTO បានព្យាករណ៍ថា ពាណិជ្ជកម្មសកលសរុបនឹងធ្លាក់ចុះ ០,២ ភាគរយ បើប្រៀបធៀបទៅនឹងការព្យាករណ៍កំណើន ២,៧ ភាគរយ បើសិនគ្មានពន្ធ។ ពាណិជ្ជកម្មទំនិញ និងសេវាកម្មរវាងប្រទេស និងប្រទេសមានឥទ្ធិពលយ៉ាងសំខាន់ទៅលើសេដ្ឋកិច្ចពិភពលោក ហើយជាលទ្ធផល វាមានឥទ្ធិពលលើស្ថានភាពហិរញ្ញវត្ថុរបស់ប្រជាជន។ ការធ្លាក់ចុះនៃសេដ្ឋកិច្ចមានន័យថា ពលរដ្ឋទទួលបានប្រាក់ខែទាបជាមួយនឹងការចំណាយខ្ពស់ ការលំបាកផ្នែកហិរញ្ញវត្ថុសម្រាប់ប្រជាជនសាមញ្ញ និងការលំបាកផ្នែកចំណាយដោយក្រុមហ៊ុន និងរដ្ឋាភិបាល កាន់តែកើនឡើង។ WTO ព្យាករណ៍ថា ទិន្នផលសេដ្ឋកិច្ចពិភពលោកមានកំណើន ២,២ ភាគរយនៅឆ្នាំនេះ ប៉ុន្តែទាបជាងពីការព្យាករណ៍មុន ២,៨ ភាគរយនៅក្នុងសេណារីយ៉ូដែលមិនមានពន្ធបន្ថែម។
មិនត្រឹមតែប៉ុណ្ណោះ WTO បានព្យាករណ៍ថា ប្រសិនបើ Trump បន្តដាក់ពន្ធគយថ្មីលើដៃគូពាណិជ្ជកម្មរបស់សហរដ្ឋអាម៉េរិកបន្ទាប់ពីការផ្អាករយៈពេល ៩០ ថ្ងៃលើ នោះភាពមិនប្រាកដប្រជាទូទៅអំពីគោលនយោបាយពាណិជ្ជកម្មនឹងកាន់តែកើនឡើងខ្លាំង ហើយបរិមាណនៃការជួញដូរទំនិញនឹងធ្លាក់ចុះខ្លាំងជាង ១,៥ ភាគរយនៅទូទាំងពិភពលោកនៅឆ្នាំនេះ។ យ៉ាងណាក៏ដោយ ទោះបីជា Trump ពន្យារពេលយកពន្ធគយថ្មីរយៈពេល ៩០ ថ្ងៃក៏ពិតមែន ប៉ុន្តែចិនត្រូវបានដាក់ពន្ធគយ ១២៥% លើទំនិញរបស់ខ្លួនដែលបាននាំចេញទៅកាន់សហរដ្ឋអាម៉េរិក។ គេព្យាករណ៍ថា ចិនអាចប្តូរទិសដៅនាំចេញផលិតផលដែលកំណត់សម្រាប់សហរដ្ឋអាម៉េរិកទៅកាន់ប្រទេសផ្សេងទៀត ជាមួយនឹងការំពឹងថាការនាំចេញទំនិញរបស់ចិននឹងកើនឡើងចន្លោះពី ៤% ទៅ ៩% នៅតំបន់ផ្សេងៗក្រៅពីអាម៉េរិកខាងជើង ដែលអាចបង្កើនការប្រកួតប្រជែងនៅក្នុងទីផ្សារទាំងនោះ៕
Account
Security
Favourite Content