សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីបរទេសបានរាយការណ៍ថា ប្រទេសតួកគីនឹងដាក់ពន្ធបន្ថែម ៤០ ភាគរយលើការនាំចូលយានយន្តពីប្រទេសចិន ដើម្បីការពារហានិភ័យដែលអាចកើតឡើងនៅក្នុងសមតុល្យគណនីចរន្តរបស់ខ្លួន និងការពារក្រុមហ៊ុនផលិតរថយន្តក្នុងស្រុក។
កាលពីថ្ងៃសៅរ៍ សប្ដាហ៍កន្លងទៅនេះ ក្រសួងពាណិជ្ជកម្មតួកគីបានប្រកាសថា ការដាក់ពន្ធគយបន្ថែមនេះគឺជាការសម្រេចចិត្តរបស់ប្រធានាធិបតី ដែលនឹងត្រូវបានកំណត់យ៉ាងតិច ៧ ០០០ ដុល្លារក្នុងមួយយានយន្ត ហើយនឹងចូលជាធរមានចាប់ពីថ្ងៃទី ៧ ខែកក្កដា។ លើសពីនេះ ពន្ធបន្ថែមនឹងត្រូវបានអនុវត្តលើការនាំចូលរថយន្តដឹកអ្នកដំណើរធម្មតា និងរថយន្តកូនកាត់ពីប្រទេសចិន ដើម្បីការពារការថយចុះនៃផលិតកម្មក្នុងស្រុក។ ការសម្រេចចិត្តពន្ធបន្ថែមត្រូវបានធ្វើឡើងដោយគិតគូរពីគោលដៅឱនភាពបច្ចុប្បន្ន និងការខិតខំប្រឹងប្រែងដើម្បីលើកទឹកចិត្តដល់ការវិនិយោគ និងផលិតកម្មក្នុងស្រុក។ ប្រសិនបើពន្ធ ៤០ ភាគរយនឹងត្រូវគណនាជាមួយតម្លៃរថយន្តនាំចូលក្រោម ៧ ០០០ ដុល្លារ នោះតម្លៃពន្ធអប្បបរមាចំនួន ៧ ០០០ ដុល្លារនឹងត្រូវគិតថ្លៃបន្ថែម។
កាលពីឆ្នាំមុន តួកគីបានណែនាំច្បាប់ថ្មីទាក់ទងនឹងការថែទាំ និងសេវាកម្មយានយន្តអគ្គិសនី ក៏ដូចជាការបង្កើនពន្ធលើការនាំចូលរថយន្តអគ្គិសនី EV ពីប្រទេសចិនផងដែរ។ ឥឡូវនេះ រដ្ឋាភិបាលកំពុងលើកទឹកចិត្តដល់ការផលិតក្នុងស្រុក និងការនាំចេញបន្ថែមទៀត ដើម្បីកាត់បន្ថយឱនភាពគណនីចរន្តរ៉ាំរ៉ៃដែលមានចំនួនត្រឹមតែ ៤៥,២ ពាន់លានដុល្លារប៉ុណ្ណោះកាលពីឆ្នាំមុន។
ទន្ទឹមនឹងនេះ ប្រទេសចិនកំពុងប្រឈមមុខនឹងសម្ពាធពាណិជ្ជកម្មកាន់តែខ្លាំងឡើងនៅទូទាំងពិភពលោកជុំវិញការនាំចេញរថយន្តអគ្គិសនី EV របស់ខ្លួនដែលកំពុងកើនឡើង។ សហរដ្ឋអាមេរិកបានស្នើការដំឡើងពន្ធលើការនាំចូលទំនិញរបស់ចិនរួមមាន ឧបករណ៍អេឡិចត្រូនិក យានយន្តអគ្គិសនី ដែកថែប និងអាគុយ ដោយគ្រោងនឹងចូលជាធរមានចាប់ពីខែសីហា។ មិនត្រឹមតែប៉ុណ្ណោះ សហភាពអឺរ៉ុបក៏គ្រោងនឹងចេញផ្សាយលទ្ធផលនៃការស៊ើបអង្កេតរបស់ខ្លួនលើការឧបត្ថម្ភធនរថយន្តអគ្គិសនីរបស់ប្រទេសចិន ដែលអាចបណ្តាលឱ្យមានការដំឡើងពន្ធ៕
Account
Security
Favourite Content