សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ សេដ្ឋកិច្ចរបស់សហរដ្ឋអាម៉េរិកនៅក្នុងត្រីមាសទី៣ នៃឆ្នាំ២០២៥នេះ មានការកើនឡើងគួរឱ្យកត់សម្គាល់ ដោយសារការចំណាយប្រចាំថ្ងៃរបស់ប្រជាពលរដ្ឋមានការកើនឡើង និងខ្ពស់ជាងការព្យាករណ៍ នេះបើយោងតាមសេចក្ដីរាយការណ៍ពី CNBC។
កាលពីថ្ងៃអង្គារ៍ សប្ដាហ៍នេះ របាយការណ៍ពីក្រសួងពាណិជ្ជកម្មអាម៉េរិកបានបង្ហាញថា កំណើនសេដ្ឋកិច្ចក្នុងត្រីមាសទី៣ កើនឡើង ៤,៣% (អំឡុងខែកក្កដា ដល់ខែកញ្ញា) ដែលល្អប្រសើរជាងការព្យាករណ៍ ៣,២% ។ កំណើនសេដ្ឋកិច្ចត្រូវបានជំរុញដោយការចំណាយរបស់អ្នកប្រើប្រាស់កើនឡើង ៣,៥% នៅក្នុងត្រីមាសទី ៣ ធៀបនឹង ២,៥% នៅក្នុងត្រីមាសទី២។ មិនត្រឹមតែប៉ុណ្ណោះ ការកើនឡើងនៃការនាំចេញ និងការចំណាយរបស់រដ្ឋាភិបាលក៏បានជំរុញកំណើនផងដែរ ខណៈពេលការវិនិយោគឯកជនធ្លាក់ចុះបន្តិចបន្តួច។ កាលពីដំបូង របាយការណ៍ផ្លូវការត្រូវបានកំណត់ពេលចេញផ្សាយនៅថ្ងៃទី ៣០ ខែតុលា ប៉ុន្តែត្រូវបានពន្យារពេលដោយការបិទរដ្ឋាភិបាល ហើយរបាយការណ៍ផ្លូវការទាំងមូលនឹងចេញផ្សាយនៅថ្ងៃទី ២៦ ខែវិច្ឆិកា ខណៈដែលអ្នកបង្កើតគោលនយោបាយរបស់ធនាគារកណ្តាលអាម៉េរិក Federal Reserve កំពុងរង់ចាំមើលទិន្នន័យជាក់ស្ដែង ជាពិសេសសញ្ញានៃតម្រូវការអ្នកប្រើប្រាស់។
យ៉ាងណាក៏ដោយ បើទោះបីជាមានសញ្ញានៃសម្ពាធអតិផរណាក៏ដោយ ប៉ុន្តែសេដ្ឋកិច្ចក្នុងត្រីមាសទី៣ បានផ្លាស់ប្តូរទៅរកភាពល្អប្រសើរ។ សន្ទស្សន៍កម្រិតនៃការចំណាយលើការប្រើប្រាស់ផ្ទាល់ខ្លួន ដែលជារង្វាស់អតិផរណាចម្បងរបស់ Fed បានកើនឡើង ២,៨% ក្នុងត្រីមាសទី៣ ដោយសារអ្នកប្រើប្រាស់ប្តូរទៅរកផលិតផលដែលមានតម្លៃថោកជាងមុន។ ប្រាក់ចំណេញសាជីវកម្មបានកើនឡើង ៤,២% ឬ ១៦៦,១ ពាន់លានដុល្លារ ដែលកើនឡើងពី ៦,៨ ពាន់លានដុល្លារនៅក្នុងត្រីមាសទី២កន្លងទៅ ៕
Account
Security
Favourite Content