ធនាគារកណ្តាលអាម៉េរិកសម្រេចរក្សាអត្រាការប្រាក់នៅដដែល ដោយសារសេដ្ឋកិច្ចកើនឡើងល្អជាងការរំពឹងទុក

បរទេស ៖ យោងតាមប្រភពព័ត៌មានពី BBC បានរាយការណ៍ថា បច្ចុប្បន្ននេះ ធនាគារកណ្តាលអាម៉េរិក Fed Reserves បានសម្រេចចិត្តរក្សាអត្រាការប្រាក់នៅដដែលនៅក្នុងកម្រិត ៥,២៥ ភាគរយ ដែលជាកម្រិតខ្ពស់រយៈពេល ២២ ឆ្នាំកន្លងមកនេះ។ លើសពីនេះ ធនាគារកណ្តាល Fed កំពុងបង្កើនការចំណាយលើកម្ចីថ្លៃដើម ដោយក្តីសង្ឃឹមក្នុងការធ្វើឱ្យសេដ្ឋកិច្ចមានភាពធូរស្រាលជាងមុន និងកាត់បន្ថយអតិផរណា។ ការរក្សាអត្រាការប្រាក់នៅដដែលនេះកើតឡើងបន្ទាប់ពីទិន្នន័យថ្មីៗបានបង្ហាញថាសេដ្ឋកិច្ចអាម៉េរិកបានកើនឡើងលឿនជាងការរំពឹងទុក។

ការដំឡើងអត្រាការប្រាក់គឺជាយន្តការមួយដែលធនាគារកណ្តាលអាចប្រើប្រាស់ដើម្បីដោះស្រាយអតិផរណា។ ផ្អែកតាមទ្រឹស្តីបង្ហាញថា តាមរយៈការបង្កើនអត្រាការប្រាក់នឹងធ្វើឱ្យការខ្ចីកាន់តែថ្លៃ អ្នកប្រើប្រាស់នឹងចំណាយតិច ។ យ៉ាងណាមិញ ធនាគារកណ្តាលបានប្រឈមមុខពីការរិះគន់ថា ការរក្សាអត្រាការប្រាក់ក្នុងកម្រិតខ្ពស់អាចធ្វើឲ្យសេដ្ឋកិច្ចអាម៉េរិកប្រឈមនឹងហានិភ័យនៃការធ្លាក់ចូលក្នុងវិបត្តិសេដ្ឋកិច្ច ប៉ុន្តែកំណើនសេដ្ឋកិច្ចបានកើនឡើងល្អប្រសើរជាងការរំពឹងទុក ៤,៩ ភាគរយពីខែកក្កដាដល់ខែកញ្ញា។ តួលេខនេះគឺជាការកើនឡើងយ៉ាងខ្លាំងពី ៣ ខែមុន ដែលត្រូវបានជំរុញដោយទីផ្សារការងារ និងការកើនឡើងនៃការចំណាយរបស់អ្នកប្រើប្រាស់។

នៅក្នុងសេចក្តីថ្លែងការណ៍មួយកាលពីថ្ងៃដើមសប្ដាហ៍កន្លងទៅនេះបាននិយាយថា  ការបោះឆ្នោតដើម្បីរក្សាអត្រាការប្រាក់គឺជាឯកច្ឆ័ន្ទ ហើយថាវាត្រូវបានរៀបចំដើម្បីកែប្រែគោលនយោបាយរបស់ខ្លួនតាមភាពសមស្រប ប្រសិនបើហានិភ័យកើតឡើង។ លើសពីនេះ ការរក្សាអត្រាការប្រាក់នឹងផ្តល់ពេលវេលាដល់ធនាគារដើម្បីវាយតម្លៃបន្ថែមអំពីរបៀបដែលសេដ្ឋកិច្ចកំពុងដំណើរការ។

ប្រធានធនាគារកណ្តាលអាម៉េរិក Jerome Powell បាននិយាយថា ទិន្នន័យល្អៗស្តីពីសេដ្ឋកិច្ចរយៈពេល ២-៣ខែកន្លងមកនេះ គឺគ្រាន់តែជាការចាប់ផ្តើមនៃការកសាងទំនុកចិត្ត ដែលអត្រាអតិផរណាកំពុងឆ្ពោះទៅរកគោលដៅរបស់ធនាគារកណ្តាល។ វានៅតែមានផ្លូវដើរដ៏វែងឆ្ងាយតទៀត ហើយអត្រាអតិផរណាខ្ពស់បណ្តាលឱ្យមានការលំបាក ព្រោះវាប៉ះពាល់ការចំណាយសម្រាប់អ្នកប្រើប្រាស់។ ការកើនឡើងអត្រាការប្រាក់ពីមុនរបស់ Fed កំពុងប៉ះពាល់ដល់ប្រជាពលរដ្ឋ និងអាជីវកម្ម ប៉ុន្តែអត្រានៃការកើនឡើងតម្លៃនៅតែល្អលើសពីគោលដៅរបស់វា។ មិនត្រឹមតែប៉ុណ្ណោះ លោក Powell ក៏បាននិយាយថា មានបញ្ហាសំខាន់ៗដែលធនាគារកណ្តាលត្រូវយកមកពិចារណា ដូចជា ភាពតានតឹងភូមិសាស្ត្រនយោបាយសកលត្រូវបានកើនឡើង ជាពិសេសនៅអ៊ុយក្រែន, ស្ថានភាពអ៊ីស្រាអែល-ហ្គាហ្សា ដែលបង្កផលប៉ះពាល់សេដ្ឋកិច្ច និងការធ្វើសកម្មភាពដោយប្រុងប្រយ័ត្ន។

ការលើកឡើងនេះគឺជាសញ្ញាបង្ហាញថា ធនាគារកណ្តាលអាចពន្យារពេលកាត់បន្ថយអត្រាការប្រាក់ ខណៈដែលអតិផរណាអាម៉េរិកបច្ចុប្បន្នស្ថិតនៅកម្រិត ៣,៧ ភាគរយ ដែលនៅតែលើសពីគោលដៅរបស់ធនាគារកណ្តាល Fed ២ ភាគរយ។

អ្នកវិភាគសេដ្ឋកិច្ចអាម៉េរិក Peter Jankovskis បានលើកឡើងថា ការរក្សាអត្រាការប្រាក់គឺមិនមានការភ្ញាក់ផ្អើលខ្លាំងទេ និងមិនមានផលប៉ះពាល់ភ្លាមៗលើភាគហ៊ុននោះទេ។ លើសពីនេះ ការកើនឡើងទិន្នមូលបត្របំណុលរយៈពេលវែងក៏បានរួមចំណែកដល់ការសម្រេចចិត្តរបស់ Fed ផងដែរ ដោយសារទិន្នផលមូលបត្របំណុលរដ្ឋាភិបាលរយៈពេលវែងគឺជាសូចនាករដ៏សំខាន់មួយអំពីរបៀបដែលអ្នកវិនិយោគយលឃើញពីភាពរឹងមាំនៃសេដ្ឋកិច្ចអាម៉េរិក។ យ៉ាងណាមិញ លោក Jankovskis យល់ឃើញថា ការដែលធនាគារកណ្តាលអាម៉េរិកមើលឃើញពីភាពរឹងមាំនៃសេដ្ឋកិច្ច នោះពួកគេអាចនឹងផ្តោតថា តើគួរដំឡើងអត្រាការប្រាក់បន្ថែមទៀត ឬអត់?

ទន្ទឹមនឹងនេះដែរ សេដ្ឋកិច្ចនៅក្នុងប្រទេសជាច្រើន កម្ចីថ្លៃដើមកាន់តែខ្ពស់បាននាំឱ្យប្រាក់កម្ចីកាន់តែថ្លៃសម្រាប់អាជីវកម្ម ផ្ទះ ទំនិញ និងសេវាកម្មផ្សេងទៀត។ ស្រដៀងគ្នានេះដែរ នៅចក្រភពអង់គ្លេស ការបង្កើនការបង់រំលោះ ឬ កម្ចីថ្លៃដើមបានធ្វើឱ្យមានសម្ពាធដល់ហិរញ្ញវត្ថុគ្រួសាររបស់ពលរដ្ឋនៅទីនោះ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ

ការិយាល័យជួល ​ទំហំ​ជិត​២០ម៉ឺន​ម៉ែត្រការ៉េ​បន្ថែមទៀត រំពឹងចាក់​បញ្ចូល​ក្នុងទីផ្សារ​​​ក្នុងឆ្នាំ២០២៤​នេះ

ព្រឹត្តិការណ៍, អចលនទ្រព្យ

• 24/07/2024

កំណើននៃ​តម្រូវការ​និងការ​ផ្គត់ផ្គង់ការិយាល័យ​ក្នុង​រាជធានីភ្នំពេញ បានកើន​ឡើងជា​បន្តបន្ទាប់​​ក្រោយ​វិបត្តិកូវីដ​១៩ ដោយ​សហគ្រិន​ឬម្ចាស់​ក្រុមហ៊ុន​ជាច្រើន​ បាន​ផ្លាស់....

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុតកំពុងឈរឈ្មោះជាបេក្ខភាពប្រធានាធិបតី

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុត ប្រែពីអាជីពមេធាវីក្លាយជាបេក្ខភាពប្រធានាធិបតី

NBC ៖ ទុនបម្រុងអន្តរជាតិរបស់កម្ពុជាមានការប្រែប្រួលតិចតួចក្នុងឆមាសទី១ ឆ្នាំ២០២៤

ព្រឹត្តិការណ៍, ហិរញ្ញវត្ថុ

• 24/07/2024

គិតត្រឹមឆមាសទី១ ឆ្នាំ២០២៤ កម្ពុជាមានទុនបម្រុងអន្តរជាតិ ២០ ប៊ីលានដុល្លារអាមេរិក

យុវជនចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

សិក្ខាកាមចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍លើជំនាញការិយាល័យជួរមុខ

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ក្រសួងរៀបចំដែនដីកំណត់ចក្ខុវិស័យលើការងារអាទិភាពចំនួន៣ ដើម្បីសម្រេចយុទ្ធសាស្ត្របញ្ចកោណ

ព្រឹត្តិការណ៍, អចលនទ្រព្យ

• 24/07/2024

យុទ្ធសាស្ត្របញ្ចកោណដំណាក់កាលទី១ នៅត្រង់បញ្ចកោណ​ទី៤ មុំទី៤ បានលើកឡើងអំពីការពង្រឹងលើការការគ្រប់គ្រង ធ្វើទំនើបកម្មនគរូបនីយកម្ម

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម