សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមការិយាល័យស្ថិតិជាតិ (NSO) ស្ថិតក្រោមក្រសួងហិរញ្ញវត្ថុវៀតណាមបានឱ្យដឹងថា កំណើនសេដ្ឋកិច្ចវៀតណាមបានកើនឡើងអត្រា ៧,៨៥% ក្នុងរយៈពេល ៩ខែដំបូងនៃឆ្នាំនេះ។ នៅក្នុងសន្និសីទសារព័ត៌មាននៅទីក្រុងហាណូយនាថ្ងៃទី ៦ ខែតុលា ប្រធានការិយាល័យស្ថិតិជាតិវៀតណាម អ្នកនាង Nguyen Thi Huong បានរាយការណ៍ថាកំណើនសេដ្ឋកិច្ចក្នុងអត្រា ៧,៨៥% រយៈពេល ៩ ខែបានជាប់ចំណាត់ថ្នាក់ទី២ បន្ទាប់ពីកំណើនសេដ្ឋកិច្ចក្នុងអត្រា ៩,៤៤% រយៈពេលដូចគ្នាកាលពីឆ្នាំ២០២២។ ស្របពេលមានបញ្ហាស្មុគស្មាញនៅទូទាំងពិភពលោក និងការប្រកួតប្រជែងជាយុទ្ធសាស្ត្រដ៏ខ្លាំងក្លាក្នុងចំណោមមហាអំណាចធំៗ វៀតណាមសម្រេចបាននូវដំណើរការសេដ្ឋកិច្ចដ៏រឹងមាំ ដោយសារវិស័យកសិ-រុក្ខាប្រមាញ់-នេសាទនៅតែមានស្ថិរភាពទោះបីជាមានព្យុះ និងទឹកជំនន់ក៏ដោយ។ លើសពីនេះ ក្នុងវិស័យនេះ ផលិតកម្មដំណាំកើនឡើង ៣.៤៦%, ព្រៃឈើកើនឡើង ៦.៤៦%, និងជលផល ៤.៤៨%។
មិនត្រឹមតែប៉ុណ្ណោះ ឧស្សាហកម្ម និងសំណង់ គឺជាម៉ាស៊ីនក្នុងការជំរុញសេដ្ឋកិច្ចដ៏សំខាន់ផងដែរ។ ទិន្នផលឧស្សាហកម្មបានកើនឡើង ៨,៥៥% ដែលជំរុញដោយការកើនឡើង ៩,៩២% ក្នុងការផលិត និងកែច្នៃ និងការកើនឡើង ៩,៣៣% ក្នុងសំណង់។ ទន្ទឹមនឹងនេះ កំណើងក្នុងសេវាកម្មត្រូវបានដោយសារការកើនឡើងនៃការប្រើប្រាស់ក្នុងស្រុក ទេសចរណ៍ និងតម្រូវការលក់រាយ ជាពិសេសក្នុងអំឡុងពេលបុណ្យជាតិរបស់ប្រទេស។ កំណើននៅក្នុងវិស័យនេះលូតលាស់ក្នុងល្បឿនលឿន ៨,៤៩%។ បន្ថែមពីនេះ ការលក់ដុំ និងរាយបានកើនឡើង ៨,២៨%, ការដឹកជញ្ជូន និងឃ្លាំងស្តុកកើនឡើង ១០,៦៨%, ធនាគារ និងធានារ៉ាប់រងកើនឡើង ៧,០៦%, សេវាកម្មស្នាក់នៅ និងអាហារកើនឡើង ១០,១៥% ។
ជាលទ្ធផល វិស័យធំៗនៅក្នុងរចនាសម្ព័ន្ធសេដ្ឋកិច្ចដូចជា កសិ-រុក្ខាប្រមាញ់-នេសាទមានចំណែក ១១,៣% ឧស្សាហកម្ម និងសំណង់ ៣៧,៥៨,% និងសេវាកម្ម ៤២,៩២% នៅក្នុងផលិតផលក្នុងស្រុកសរុប (GDP)។ នៅខាងផ្នែកតម្រូវការវិញ ការចំណាយលើការប្រើប្រាស់ចុងក្រោយបានកើនឡើង ៨,០៧%, ការបង្កើតដើមទុនកើនឡើង ៨,៥២%, ការនាំចេញ ១៥,៥១%, និងការនាំចូលកើនឡើង ១៦,៧៥%។ ប្រធានការិយាល័យស្ថិតិជាតិវៀតណាម អ្នកនាង Nguyen Thi Huong គូសបញ្ជាក់ថា លទ្ធផលកំណើនសម្រេចបានដោយសារការកែទម្រង់យ៉ាងទូលំទូលាយក្នុងស្ថាប័នរដ្ឋាភិបាល និងក្របខ័ណ្ឌច្បាប់ ព្រមទាំងដំណោះស្រាយសំខាន់ៗស្តីពីវិទ្យាសាស្ត្រ-បច្ចេកវិទ្យា នវានុវត្តន៍ និងការផ្លាស់ប្តូរឌីជីថល សមាហរណកម្មអន្តរជាតិ និងការអភិវឌ្ឍន៍វិស័យសេដ្ឋកិច្ចឯកជនក្នុងត្រីមាសទី៣៕
Account
Security
Favourite Content