សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ វៀតណាម និងសិង្ហបុរី បានពិភាក្សាគ្នាយ៉ាងស៊ីជម្រៅ ហើយថែមទាំងបានចុះហត្ថលេខាលើអនុស្សរណៈនៃការយោគយល់មួយសម្រាប់ការនាំចេញអង្ករដោយគ្មានរនាំងពន្ធពាណិជ្ជកម្មរួមគ្នាកាលពីថ្ងៃព្រហស្បតិ៍ ក្នុងសប្ដាហ៍នេះ ។
អនុស្សរណៈនៃការយោគយល់គ្នានេះ ត្រូវបានចុះហត្ថលេខាដោយរដ្ឋមន្ត្រីបរិស្ថាន និងទទួលបន្ទុកទំនាក់ទំនងពាណិជ្ជកម្មរបស់សិង្ហបុរី លោកស្រី Grace Fu ជាមួយរដ្ឋមន្ត្រីក្រសួងឧស្សាហកម្ម និងពាណិជ្ជកម្មវៀតណាម លោក Nguyen Hong Dien។ នៅក្នុងសេចក្តីប្រកាសព័ត៌មានរួម ក្រសួងពាក់ព័ន្ធនៃប្រទេសទាំងពីរបាននិយាយថា អនុស្សរណៈនៃកិច្ចសហប្រតិបត្តិគឺជាមូលដ្ឋានគ្រឹះដ៏រឹងមាំសម្រាប់ការលើកកម្ពស់ពាណិជ្ជកម្មអង្ករប្រកបដោយស្ថិរភាព និងនិរន្តរភាព ក្នុងគោលបំណងជួយពង្រឹងសន្តិសុខស្បៀងទ្វេភាគីដោយជៀសវាងការរឹតបន្តឹងពាណិជ្ជកម្មដែលមិនចាំបាច់។ គួរឲ្យបញ្ជាក់ដែរថា អនុស្សរណៈនៃកិច្ចសហប្រតិបត្តិការលើពាណិជ្ជកម្មអង្ករត្រូវបានចុះហត្ថលេខានៅក្រៅកិច្ចប្រជុំសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC)។
រដ្ឋមន្ត្រីបរិស្ថាន និងទទួលបន្ទុកទំនាក់ទំនងពាណិជ្ជកម្មរបស់សិង្ហបុរី លោកស្រី Grace Fu បានលើកឡើងថា នេះគឺជាអនុស្សរណៈនៃកិច្ចសហប្រតិបត្តិការលើពាណិជ្ជកម្មអង្ករដែលសិង្ហបុរីបានចុះហត្ថលេខាជាលើកដំបូងជាមួយនឹងដៃគូពាណិជ្ជកម្ម ជាពិសេសវៀតណាម ដែលជាប្រទេសមួយក្នុងចំណោមប្រទេសដែលជាអ្នកផ្គត់ផ្គង់អង្ករធំជាងគេរបស់សិង្ហបុរី។ សិង្ហបុរី នាំចូលអង្ករពីប្រមាណជាង ៣០ ប្រទេស ខណៈដែលបានភាគច្រើននៃផលិតផលអាហាររបស់ខ្លួនក៏ត្រូវបាននាំចូលផងដែរ។ ដូច្នោះហើយ ការធានាភាពជាដៃគូជាសកល និងក្នុងតំបន់គឺចាំបាច់សម្រាប់ធានាការផ្គត់ផ្គង់អង្ករប្រកបដោយស្ថិរភាពសម្រាប់សិង្ហបុរី។
រដ្ឋមន្ត្រីក្រសួងឧស្សាហកម្ម និងពាណិជ្ជកម្មវៀតណាម លោក Nguyen Hong Dien បានលើកឡើងថា កិច្ចព្រមព្រៀងនេះ នឹងពង្រឹងការផ្សារភ្ជាប់ទំនាក់ទំនងរវាងសិង្ហបុរី និងវៀតណាម ជាមួយនឹងការបង្កើតជាកិច្ចសហប្រតិបត្តិការមួយប្រកបដោយស្ថិរភាព ចំពេលដែលទីផ្សារពិភពលោកមានការវិវឌ្ឍមិនអាចទាយទុកជាមុនបាន។ មិនត្រឹមតែប៉ុណ្ណោះ ការពង្រឹងកិច្ចសហប្រតិបត្តិការពាណិជ្ជកម្មអង្ករ គឺជាការបង្ហាញពីកិច្ចខិតខំប្រឹងប្រែងរួមគ្នា ដើម្បីធានាបាននូវភាពធន់នឹងខ្សែសង្វាក់ផ្គត់ផ្គង់ និងសន្តិសុខស្បៀងនៅក្នុងអាស៊ាន។ ទន្ទឹមនឹងនេះ រដ្ឋមន្ត្រីរូបនេះសង្ឃឹមថា រដ្ឋាភិបាលនៃភាគីទាំងពីរនឹងបន្តសហការគ្នាយ៉ាងជិតស្និទ្ធ ដើម្បីពង្រីកការផ្គត់ផ្គង់ផលិតផលកសិកម្ម និងម្ហូបអាហារវៀតណាមដែលមានគុណភាពខ្ពស់ទៅកាន់ទីផ្សារសិង្ហបុរី។ លើសពីនេះ កិច្ចព្រមព្រៀងនេះគឺជាជំហានជាក់ស្តែងមួយក្នុងការអនុវត្តភាពជាដៃគូយុទ្ធសាស្ត្រគ្រប់ជ្រុងជ្រោយ (CSP) រវាងសិង្ហបុរី និងវៀតណាមផងដែរ៕
Account
Security
Favourite Content