សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អ៊ុយក្រែន ៖ ក្នុងស្ថានភាពដ៏តានតឹង និងគ្រោះថ្នាក់បំផុត ប្រធានាធិបតី អ៊ុយក្រែន លោក Volodymyr Zelensky បានប្រកាសបដិសេធទៅកាន់រដ្ឋាភិបាលក្រុងវ៉ាស៊ីនតោនដែលស្នើសុំឲ្យរូបគាត់ក្នុងការគេចខ្លួនដើម្បីស្វែងរកកន្លែងសុវត្ថិភាព ហើយបានប្រើប្រាស់ឃ្លាដ៏មានអត្ថន័យជាប្រវត្តិសាស្ត្រមួយថា
“សង្គ្រាមកំពុងកើតឡើង អ្វីដែលខ្ញុំត្រូវការគឺអាវុធ មិនមែនជាការធ្វើដំណើរគេចចេញនោះទេ (The Fight is here. I need ammunition. Not a ride.)”
រយៈពេល៥ថ្ងៃនៃការវាយប្រហារដោយរុស្ស៊ីមកលើ អ៊ុយក្រែន ពិតជាបានទទួលរងនូវការខូចខាតធ្ងន់ធ្ងរ និងបាត់បង់ជីវិតពលរដ្ឋអ៊ុយក្រែនជាច្រើននាក់ពិតមែន ប៉ុន្តែភក្តីភាព និងការប្តេជ្ញាចិត្តរបស់លោកប្រធានាធិបតីវ័យទើបតែ៤៤ឆ្នាំរូបនេះបានយកឈ្នះក្តីស្មោះស្ម័គ្ររបស់ពលរដ្ឋខ្លួនព្រមទាំងកំពុងធ្វើឲ្យគោលនយោបាយដែលអឺរ៉ុបធ្លាប់តែងតែប្រើប្រាស់ដើម្បីប្រឆាំងនឹងរុស្ស៊ីអស់រយៈពេលជាង៣០ឆ្នាំមកហើយនោះមានការប្រែប្រួលខ្លាំងមិនគួរឲ្យជឿផងដែរ។
មេដឹកនាំអ៊ុយក្រែនរូបនេះមិនត្រឹមតែធ្វើឲ្យអាមេរិកអាម៉ាសនៅចំពោះមុខមហាជនទាំងឡាយលើសកលលោកនោះទេហើយក៏បានបង្ខំឲ្យទាំងអាមេរិក និងអឺរ៉ុបចាប់ផ្តើមឈានមួយជំហ៊ានថែមទៀតកាន់តែឆ្ងាយ និងកាន់តែលឿនជាងមុនចំពោះការឆ្លើយតបទៅនឹងសកម្មភាពរបស់រុស្ស៊ី។ ជំហំរបស់លោក Zelensky បានធ្វើឲ្យលោកខាងលិចចាប់ផ្តើមបង្កើនការដាក់សំពាធមិនត្រឹមតែសេដ្ឋកិច្ចនោះទេសូម្បីតែ
គោលនយោបាយរបស់ខ្លួនផងដែរ ពីព្រោះថាជាក់ស្តែងអ៊ុយក្រែននៅមិនទាន់មានឈ្មោះជាផ្លូវការជាសមាជិករបស់អង្គការណាតូនៅឡើយទេតែបែរជាកំពុងទទួលបានអត្ថប្រយោជន៍ជាច្រើនដូចទៅនឹងអ្វីដែលបណ្តាប្រទេសផ្សេងទៀតនៅក្នុងប្លុកអាចទទួលបានដូចគ្នាដែរជាពិសេសទៅលើកិច្ចព្រមព្រៀងយោធា និងការការពារជាតិ។
ជាក់ស្តែងទណ្ឌកម្មសេដ្ឋកិច្ចកាន់តែធ្ងន់ធ្ងរដែលមិនធ្លាប់ឃើញមានតាំងពីសម័យសង្គ្រាមត្រជាក់ចំពោះរុស្ស៊ីមានដូចជាប្រេងហ្គាសនិងចុងក្រោយនេះគឺការបិទផ្លូវអាកាសទាំងអស់នៅក្នុងប្លុកអ៊ឺរ៉ុបចំពោះជើងហោះហើរទាំងឡាយរបស់រុស្ស៊ីផងដែរហើយមិនត្រឹមតែប៉ុណ្ណោះ អាមេរិក និងអឺរ៉ុបនៅពេលនេះហ៊ានទៅដល់ការបិទធនាគាររុស្ស៊ី និងបង្កកទ្រព្យសម្បត្តិរបស់លោកប្រធានាធិបតី Vladimir Putin ទាំងនៅតាមធនាគារទាំងឡាយ និងជាពិសេសប្រព័ន្ធធនាគារអន្តរជាតិ SWIFT ថែមទៀតផង។
អាល្លឺម៉ង់ក្រោមការដឹកនាំរបស់អធិកាបតីថ្មីលោក Olaf Scholz បានសន្យាថាណាតូនឹងបង្កើនកម្លាំងព្រមទាំងចំណាយបន្ថែមទៀតទៅឲ្យអ៊ុយក្រែនដើម្បីអាចពង្រឹងការប្រឈមមុខទៅនឹងប្រទេសរុស្ស៊ី ខណៈដែលកិច្ចព្រមព្រៀងបំពង់បង្ហូរប្រេង Nort Stream 2 ក៏ត្រូវបានអាល្លឺម៉ង់សម្រេចចិត្តបញ្ឈប់កិច្ចសហប្រតិបត្តិការជាមួយនឹងរុស្ស៊ីផងដែរដើម្បីអ៊ុយក្រែន។
សាររបស់លោក Zelensky នៅតាមបណ្តាញសារព័ត៌មានថាលោកនឹងមិនរត់ចោលប្រទេសព្រមទាំងបានធ្វើការទិះតៀនបណ្តាប្រទេសក្នុងប្លុកអឺរ៉ុបទាំង២៧បានធ្វើការឲ្យការប្រែប្រួលយ៉ាងខ្លាំង និងទទួលបានប្រសិទ្ធភាពបំផុតដោយសូម្បីតែប្រធានាធិបតីតួកគី លោក Recep Tayyip Erdogan ដែលធ្លាប់ជាបុគ្គលមានទំនាក់ទំនងជិតស្និទ្ធបំផុតជាមួយនឹងលោក Putin នោះក៏បានប្រកាសក្នុងការអនុវត្តទៅតាមកិច្ចព្រមព្រៀង Montreux Convention ឆ្នាំ១៩៣៦ផងដែរ ដើម្បីអាចបិទខ្ទប់មិនឲ្យមានការបង្កើន ឬធ្វើដំណើរចូលទៅក្នុងដែនសមុទ្រខ្មៅបន្ថែមទៀតពីសំណាក់កងទ័ពជើងទឹករុស្ស៊ីឡើយ។
ក្រៅតែពីពាក្យពេចន៍ និងសកម្មភាពជាវិរៈបុរសមួយចំនួនខាងលើហើយនោះ លោកក៏ធ្លាប់បានធ្វើការផ្ញើសារទៅកាន់ពិភពលោកតាមរយៈឃ្លាដ៏មានខ្លឹមសារមួយចំនួនទៀតដែរដូចជា ៖ ខ្ញុំនៅទីនេះតំណាងឲ្យប្រជាធិបតេយ្យ និងសេរីភាពរបស់សកលលោកដើម្បីប្រយុទ្ធប្រឆាំងទៅនឹងរុស្ស៊ី។ ពលរដ្ឋអ៊ុយក្រែនបានបង្ហាញថាពួកគេនៅក្នុងទឹកដីកំណើតរបស់ពួកគេប្រយុទ្ធដើម្បីជួយសង្គ្រោះប្លុកអឺរ៉ុបទាំងមូល និងទឹកដីរបស់ពួកគេពីរុស្ស៊ី។
លោកប្រធានាធីបតីក៏ធ្លាប់បានពោលបែបនេះទៀតថា រុស្ស៊ីមិនមែនឈ្លានពានតែអ៊ុយក្រែននោះទេ។ ការឈ្លានពានលើកនេះគឺជាការចាប់ផ្តើមនៃសង្រ្គាមប្រឆាំងនឹងអឺរ៉ុប ប្រឆាំងនឹងរចនាសម្ព័ន្ធអឺរ៉ុប ប្រឆាំងនឹងលទ្ធិប្រជាធិបតេយ្យ ប្រឆាំងនឹងសិទ្ធិមនុស្សប្រឆាំងនឹងច្បាប់អន្តរជាតិ និងជាពិសេសប្រឆាំងទៅនឹងការរួមរស់ដោយសន្តិភាពនៃមនុស្សជាតិទាំងមូល៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ទទួលបានការចុះបញ្ជីលក់សញ្ញាបណ្ណចីរភាពនៅផ្សារមូលបត្រកម្ពុជាជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 11/09/2026
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ពិធីចុះបញ្ជីលក់សញ្ញាបណ្ណចីរភាពជាផ្លូវការរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី”ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណិ្ឌតសភាចារ្យ ហ៊ាន សាហ៊ីបរដ្ឋលេខាធិការនៃក្រសួងសេដ្ឋកិច្ច
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content