បរទេស៖ នៅក្នុងសេចក្តីថ្លែងការណ៍មួយដោយសហភាពអឺរ៉ុប EU នៅសប្តាហ៍នេះ បានបង្ហាញពីមហិច្ឆិតារបស់ខ្លួនទៅលើការប្រើប្រាស់បច្ចេកវិទ្យាជឿនលឿននាពេលអនាគតដោយផ្តោតសំខាន់ទៅលើការយកចិត្តទុកដាក់ទៅលើកម្រិតនៃហានិភ័យរបស់បច្ចេកវិទ្យាបញ្ញាសិប្បនិម្មិត ឬហៅថា AI ដែលអាចគំរាមកំហែងទៅដល់សុវត្ថិភាព និងសិទ្ធិរស់នៅរបស់មនុស្ស ។
សេចក្តីព្រាងច្បាប់ដែលកំពុងតែត្រូវបានពិភាក្សា និងរៀបចំឡើងដោយគណកម្មការប្រតិបត្តិរបស់សហភាពអឺរ៉ុប កាលពីថ្ងៃពុធម្សិលមិញនេះ មានរួមបញ្ចូលទាំងការកំណត់ឲ្យបាននូវកម្រិតហានិភ័យខ្ពស់ដែលអាចកើតចេញពីការប្រើប្រាស់ប្រព័ន្ធបច្ចេកវិទ្យា AI នៅតាមសាលារៀន ទីអាជីវកម្ម ឬកម្មវិធីកម្ចីលុយនៅតាមធនាគាជាដើមផងដែរ។
សំណើរសេចក្តីព្រាងច្បាប់នេះគឺជាកិច្ចខិតខំប្រឹងប្រែងថ្មីមួយ និងសំខាន់បំផុតសម្រាប់បណ្តាប្រទេសជាសមាជិកក្នុងប្លុកអឺរ៉ុបទាំង 27 ដើម្បីអាចបន្តរក្សាកេរ្ត៍ឈ្មោះរបស់ខ្លួនក្នុងនាមគំរូស្តង់ដារបស់សកលលោកនៅក្នុងវិស័យបច្ចេកវិទ្យា ជាពិសេសដើម្បីប្រកួតប្រជែងវិស័យមួយនេះជាមួយនឹងមហាអំណាចជំនាញខាងបច្ចេកវិទ្យាធំបំផុតទាំង2 លើលោកគឺអាមេរិក និងចិន។
លោក Margrethe Vestager អនុប្រធានគណៈកម្មការប្រតិបត្តិការអឺរ៉ុបទទួលបន្ទុកកិច្ចការងារឌីជីថលបានបញ្ជាក់នៅក្នុងសេចក្តីថ្លែងការណ៍ថា៖ តាមរយៈវិធានការសំខាន់ៗដែលយើងបានព្រាងទាំងនោះ សហគមន៍អឺរ៉ុបកំពុងឈានមុខគេលើការអភិវឌ្ឍបទដ្ឋានពិភពលោកថ្មីដើម្បីធ្វើឱ្យប្រាកដថាបច្ចេកវិទ្យាAI សម្រាប់ការប្រើប្រាស់នឹងអាចគួរឲ្យទុកចិត្តបាន ហើយតាមរយៈការកំណត់បាននូវស្តង់ដានោះនឹងធ្វើឲ្យអឺរ៉ុបអាចត្រួសត្រាយផ្លូវក្នុងការបញ្ចូលបច្ចេកវិទ្យានេះទៅក្នុងសកលលោកប្រកបដោយសីលធម៌ និងធានាឲ្យបានថាអឺរ៉ុបនឹងនៅតែអាចប្រកួតប្រជែងយ៉ាងខ្លាំងក្លាជាមួយទីផ្សារផ្សេងទៀតនាពេលអនាគត៕
របាយការណ៍សំខាន់
ព័ត៌មានទូទៅ
រថយន្តអាចហោះហើយបាន AirCar ចាប់ផ្តើមធ្វើតេស្តជាផ្លូវការលើកដំបូង
បាងកកជាប់ឈ្មោះជាគោលដៅពេញនិយមបំផុតនៅអាស៊ីសម្រាប់ក្រុមអ្នកពនេចរជំនាញឌីជីថល
កម្ចីអចលនទ្រព្យកើនឡើងខ្ពស់ ប៉ុន្តែអ្នកជំនាញថាមិនទាន់ដល់កម្រិតមានវិបត្តិហិរញ្ញវត្ថុនៅឡើយ
ក្រុមហ៊ុនរថយន្ត Mazda នឹងដាក់លក់រថយន្តអគ្គិសនី 13 ម៉ូឌែលនៅត្រឹមឆ្នាំ2025
តើសេដ្ឋកិច្ច និងស្ថានភាពរបស់ មីយ៉ាន់ម៉ា អាចស្រោចស្រង់ឡើងវិញដែរឬទេ?
ត្រាក់ទ័របញ្ជាដោយកម្មវិធីទូរសព័្ទ App ក្លាយជាដំណោះស្រាយថ្មីសម្រាប់កសិកម្មពិភពលោក
ម៉ាទ្បេស៊ី ឈរនៅចំណាត់ថ្នាក់លេខ ១ ក្នុងការនាំចូលអង្ករកម្ពុជានៅតំបន់អាស៊ាន
ផ្សារបោះដុំឃ្លាំងរំសេវថ្មីសែនសុខ ក្លាយជាទីតាំងល្អបំផុតផ្នែកទិញ-លក់ ប្តូរថ្មីផ្នែកគ្រឿងអេឡិចត្រូនិក
ធនាគារពិភពលោកផ្តល់ជំនួយ ១៦៩លានដុល្លារ សម្រាប់គម្រោងគ្រប់គ្រងហានិភ័យគ្រោះធម្មជាតិអាស៊ីអាគ្នេយ៍នៅកម្ពុជា
ស្វែងយល់សញ្ញាសម្គាល់ (CamGAP) ដែលបិទលើបណ្តាកសិផលកម្ពុជាដែលត្រូវនាំចេញ
កម្មវិធីពិសេសរបស់ AMS ECONOMY
