សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កំណើនសេដ្ឋកិច្ចជាតិរបស់ជប៉ុនដែលអាចនឹងទទួលបានកំណើនឡើងវិញនៅឆ្នាំនេះប្រហែលជាត្រូវជួបប្រទះបញ្ហាសាជាថ្មីដោយសារតែការធ្លាក់ចុះនៃសកម្មភាពផលិតកម្មក្នុងស្រុកបូករួមទាំងវិស័យសេវាកម្មផងដែរ។
តួលេខដែលត្រូវបានបង្ហាញកាលពីថ្ងៃចន្ទដើមសប្តាហ៍នេះត្រូវបានគេសង្កេតឃើញថា ទំហំនៃប្រតិបត្តិការរោងចក្រនៅក្នុងស្រុកមានសកម្មភាពយឺតបំផុត ឬអាចនិយាយបានថាកំពុងដាំក្បាលចុះនៅក្នុងឆ្នាំនេះ។ សន្ទស្សនៃការបញ្ជាទិញវត្ថុធាតុដើមនៅតាមរោងចក្រនានា (Purchasing Managers’ Index) មានត្រឹមតែ ៤៨,៣ ភាគរយប៉ុណ្ណោះ ពោល គឺថយចុះធៀបទៅនឹងឆ្នាំចាស់ដែលធ្វើបានរហូតដល់ទៅ៤៩ភាគរយ។
ជារបាយការណ៍ស្រាវជ្រាវដែលធ្វើឡើងដោយធនាគារ au Jibun ក៏បានបង្ហាញដែរថា សន្ទស្សឆ្នាំនេះគឺស្ថិតនៅក្រោមសន្ទស្សគោល (៥០) ដែលប្រើប្រាស់សម្រាប់កំណត់ថា ជាអត្រាកំណើនសម្រាប់ប្រតិបត្តិការរោងចក្រ ហើយក្នុងនោះទាំងការបញ្ញាទិញទំនិញ និងសកម្មភាពផលិតសុទ្ធតែធ្លាក់ចុះដូចគ្នា។
ក្រុមហ៊ុនអាជីវកម្មនានាបានបង្ហាញពីក្តីព្រួយបារម្ភរបស់ខ្លួនថា ជាកត្តាដែលធ្វើឲ្យមានការធ្លាក់ចុះយ៉ាងខ្លាំង ក្រៅតែពីវិបត្តិកើនឡើងនៃតម្លៃថ្លៃដើមហើយនោះ បញ្ហាកង្វះខាតធនធានមនុស្ស ព្រមទាំងភាពមិនច្បាស់លាស់នៃភាពតានតឹងលើវិស័យពាណិជ្ជកម្មដាក់គ្នារវាងមហាអំណាច គឺសុទ្ធតែជាឬសគល់នៃការធ្លាក់ចុះតួលេខនេះ។
ដោយឡែកសម្រាប់វិស័យសេវាកម្មដែលជាឧស្សាហកម្មធ្លាប់តែមានកំណើនល្អជាងគេនោះក៏ចាប់ផ្តើមមានភាពយឺតយ៉ាវដូចគ្នាដែរ។ សន្ទុះនៃកំណើនបានថយចុះដោយសារសកម្មភាពអាជីវកម្មនានាចាប់ផ្តើមធ្លាក់ចុះក្នុងរយៈពេល៥ខែចុងក្រោយនេះ។
របាយការណ៍ដែលចេញដោយ Au Jibun ដដែលបានបញ្ជាក់ថា សន្ទស្សរបស់វិស័យសេវាកម្មបានធ្លាក់ចុះមកត្រឹមតែ ៤៩,៥ នៅត្រឹមខែមីនានេះ ខណៈដែលសន្ទស្សកាលពីខែកន្លងទៅសម្រេចទៅដល់ ៥៣,៧។
គួរឲ្យដឹងដែរថា ម្ចាស់អាជីវកម្មនៅក្នុងវិស័យសេវាកម្មបានបន្តជួបប្រទះបញ្ហាកើនឡើងនៃតម្លៃថ្លៃដើមគ្រប់ប្រភេទទំនិញ ហើយគិតត្រឹមតែតម្លៃអង្ករប៉ុណ្ណោះ បច្ចុប្បន្នកំពុងហក់ឡើងដល់ទៅ៨០ភាគរយធៀបទៅនឹងតម្លៃកាលពីឆ្នាំទៅ។
អ្នកវិភាគជាច្រើនបានរៀបរាប់ប្រាប់អ្នកកាសែតរ៉យទ័រថា អត្រាអតិផរណាដែលកំពុងវាយប្រហារទៅលើវិស័យធំៗទាំងពីរនេះ នឹងបន្តដាក់សំពាធទៅដល់សេដ្ឋកិច្ចរបស់ជប៉ុន ហើយជឿជាក់ថាក្នុងពេលប៉ុន្មានខែខាងមុខនេះ ធនាគារជាតិជប៉ុននឹងអាចពិចារណាក្នុងការបង្កើនអត្រាការប្រាក់បន្ថែមទៀត ដើម្បីទប់ស្កាត់វិបត្តិទាំងនេះ៕
Account
Security
Favourite Content