សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ និយ័តករមូលបត្រកម្ពុជា (ន.ម.ក.) និងធនាគារអភិវឌ្ឍន៍អាស៊ី (ADB) បានសហការគ្នារៀបចំកិច្ចប្រជុំពិគ្រោះយោបល់ដំណើរការនៃការបោះផ្សាយសញ្ញាបណ្ណនិរន្តរភាព និងកាលានុវត្តភាពសម្រាប់កម្ពុជា ក្រោមក្របខណ្ឌនៃគំនិតផ្ដួចផ្ដើមទីផ្សារសញ្ញាបណ្ណអាស៊ាន។
កិច្ចប្រជុំពិគ្រោះយោបល់តាមប្រព័ន្ធអនឡាញស្ដីពី «ដំណើរការនៃការបោះផ្សាយសញ្ញាបណ្ណនិរន្តរភាព និងកាលានុវត្តភាពសម្រាប់កម្ពុជា» ត្រូវបានធ្វើឡើងក្រោមអធិបតីភាព ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ន.ម.ក. លោក Satoru Yamadera អ្នកប្រឹក្សារបស់ធនាគារអភិវឌ្ឍន៍អាស៊ី និងលោក Kosintr Puongsophol អ្នកជំនាញការវិស័យហិរញ្ញវត្ថុជាន់ខ្ពស់នៃធនាគារអភិវឌ្ឍន៍អាស៊ី កាលពីថ្ងៃទី២៤ ខែឧសភា ឆ្នាំ២០២២។
កិច្ចប្រជុំពិគ្រោះយោបល់នេះ ត្រូវបានរៀបចំឡើងក្នុងគោលបំណង៖ ១). លើកកម្ពស់ការយល់ដឹងពីហិរញ្ញវត្ថុនិរន្តរភាពដល់ក្រុមហ៊ុនសក្តានុពលបោះផ្សាយសញ្ញាបណ្ណនិរន្តរភាព ២). បង្កើនការយល់ដឹងពីសញ្ញា-បណ្ណនិរន្តរភាព និងរបៀបដែលសញ្ញាបណ្ណទាំងនេះអាចត្រូវបានរួមបញ្ចូលជាផ្នែកនៃយុទ្ធសាស្ត្រហិរញ្ញប្បទាន និង៣). ពិភាក្សាអំពីវិធីសាស្រ្តដែលដៃគូអភិវឌ្ឍន៍ដូចជា ADB និងមូលនិធិធានាឥណទាន និងជំរុញការវិនិយោគ (CGIF) អាចជួយដល់ការបោះផ្សាយសញ្ញាបណ្ណនិរន្តរភាពនៅកម្ពុជា ដោយផ្តោតសំខាន់លើ ៖ ទិដ្ឋភាពទូទៅនៃទីផ្សារហិរញ្ញវត្ថុនិរន្តរភាពក្នុងតំបន់អាស៊ាន ដំណើរការសម្រាប់ការបោះផ្សាយ លទ្ធផលនៃការស្ទង់មតិទីផ្សារសញ្ញាបណ្ណបៃតងក្នុងប្រទេសកម្ពុជា និងធនធានសម្រាប់ក្រុមហ៊ុនបោះផ្សាយ និងក្រុមហ៊ុនធានាទិញមូលបត្រសម្រាប់ការបោះផ្សាយមូលបត្របំណុល Thematic នៅកម្ពុជា។ កិច្ចប្រជុំខាងលើ មានអ្នកចូលរួមសរុបចំនួន ១៤៣ រូប ដែលក្នុងនោះមានសមាសភាពចូលរួមមកពី ន.ម.ក. អគ្គលេខាធិការដ្ឋាននៃអាជ្ញាធរសេវាហិរញ្ញវត្ថុមិនមែនធនាគារ និយ័តករក្រោមឱវាទនៃអាជ្ញាធរសេវាហិរញ្ញវត្ថុមិនមែនធនាគារ ក្រុមហ៊ុនផ្សារមូលបត្រកម្ពុជា ធនាគារជាតិនៃកម្ពុជា ក្រសួងបរិស្ថាន ក្រសួងរ៉ែ និងថាមពល ក្រុមហ៊ុនធានាទិញមូលបត្រ ក្រុមហ៊ុនទីប្រឹក្សាហិរញ្ញវត្ថុ ក្រុមហ៊ុនចុះបញ្ជីលក់មូលបត្រ ក្រុមហ៊ុនបោះផ្សាយសក្តានុពល ធនាគារពាណិជ្ជ គ្រឹះស្ថានមីក្រូហិរញ្ញវត្ថុ និងអគ្គិសនីកម្ពុជា ព្រមទាំងមានការចូលរួមពីវាគ្មិនជាមន្ត្រីជាន់ខ្ពស់មកពីធនាគារអភិវឌ្ឍន៍អាស៊ី និងគំនិតផ្តួចផ្តើមសញ្ញាបណ្ណអាកាសធាតុ ដែលមានបទពិសោធន៍យូរឆ្នាំពាក់ព័ន្ធនឹងវិស័យនេះ។ កម្មវិធីនេះ បានប្រព្រឹត្ដទៅដោយរលូន និងប្រកបដោយផ្លែផ្កាខ្ពស់៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជិះកង់ទស្សនាសមរាត្រីក្នុងតំបន់អង្គរ ៖ បទពិសោធន៍ថ្មីនៃការភ្ជាប់បេះដូងជាមួយបេតិកភណ្ឌវប្បធម៌ និងធម្មជាតិ
Top News, ព្រឹត្តិការណ៍, សេដ្ឋកិច្ច
• 21/09/2026
សៀមរាប ៖ ក្រសួងទេសចរណ៍ និងស្ថាប័នពាក់ព័ន្ធបានរៀបចំព្រឹត្តិការណ៍ជិះកង់ទស្សនាសមរាត្រីនៅតំបន់អង្គរ ក្នុងគោលបំណងជំរុញផលិតផលទេសចរណ៍កីឡា តាមរយៈការជិះកង់ឆ្លងកាត់តំបន់ព្រៃ និងតំបន់បេតិកភណ្ឌក្នុងតំបន់អង្គរ ព្រមទាំងជួយជំរុញចលនាទេសចរណ៍ក្នុងស្រុក ជាពិសេសការទាក់ទាញភ្ញៀវទេសចរមកកាន់ខេត្តសៀមរាបក្នុងរដូវកាលបៃតង។ ព្រឹត្តិការណ៍ជិះកង់ទស្សនាសមរាត្រីក្នុងតំបន់អង្គរនៅរដូវកាលបៃតង ក្រោមប្រធានបទ «កីឡាផ្សារភ្ជាប់នឹងទេសចរណ៍» បានទាក់ទាញអ្នកចូលរួមជាភ្ញៀវទេសចរជាតិ និងអន្តរជាតិប្រមាណ ១ ៣០០នាក់ ដោយធ្វើដំណើរតាមផ្លូវប្រមាណ ១២គីឡូម៉ែត្រ ឆ្លងកាត់តំបន់បេតិកភណ្ឌវប្បធម៌ និងធម្មជាតិនៃតំបន់អង្គរ។
សហគមន៍ព្រៃឈើត្រពាំងពិការ ផ្ដល់អត្ថប្រយោជន៍ដល់ពលរដ្ឋជាង ៤០០ គ្រួសារនៅរមាសហែក
ព្រឹត្តិការណ៍, អត្ថបទពាណិជ្ជកម្ម
• 20/09/2026
សហគមន៍ព្រៃឈើត្រពាំងពិការ ក្នុងឃុំអំពិល ស្រុករមាសហែក ខេត្តស្វាយរៀង កំពុងផ្ដល់អត្ថប្រយោជន៍ដល់ប្រជាពលរដ្ឋជាង ៤០០ គ្រួសារ តាមរយៈការប្រមូលអនុផលព្រៃឈើ និងការទាក់ទាញភ្ញៀវទេសចរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content