សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាមួយនឹងភាពល្អប្រសើររបស់កម្ពុជាក្នុងដំណើរចាកចេញពីបញ្ហាកូវីដ ខណៈដែលបណ្តាប្រទេសក្នុងតំបន់មួយចំនួនកំពុងប្រឈមភាពតានតឹងនោះ ធនាគារអភិវឌ្ឍន៍អាស៊ីបានសរសេរចេញផ្សាយនូវរបាយការណ៍របស់ខ្លួនដោយកោតសរសើរពីគោលនយោបាយដ៏ល្អរបស់រាជរដ្ឋាភិបាលកម្ពុជាដែលអាចបង្កើនកំណើនសេដ្ឋកិច្ចបានយ៉ាងឆាប់រហ័សលើសពីការរំពឹងទុក។
នៅក្នុងរបាយការណ៍របស់ធនាគារអភិវឌ្ឍន៍អាស៊ីបានរំលេចឡើងថា សេដ្ឋកិច្ចកម្ពុជា បានងើបឡើងវិញឆាប់រហ័សជាងអ្វីដែលបានរំពឹងទុកនៅក្នុងឆ្នាំ២០២១ ដោយសារការងើបឡើងវិញយ៉ាងឆាប់រហ័សរបស់ឧស្សាហកម្មធុនស្រាល។ កំណើនសេដ្ឋកិច្ចនឹងមានការកើនឡើងនៅឆ្នាំ២០២២ និងឆ្នាំ២០២៣ ដោយសារសកម្មភាពសេដ្ឋកិច្ចមានភាពល្អប្រសើរឡើងជាបន្តបន្ទាប់ និងត្រឡប់មកកាន់សភាពធម្មតាវិញ។ បញ្ហាប្រឈមផ្នែកគោលនយោបាយជាចម្បងគឺ ការរក្សាបាននូវកំណើនដ៏ខ្លាំងក្លានៅក្នុងវិស័យឧស្សាហកម្មធុនស្រាលក្រៅពីវិស័យកាត់ដេរ ដើម្បីសេដ្ឋកិច្ចកម្ពុជា កាន់តែមានភាពធន់ និងមានពិពិធភាពកាន់តែខ្លាំង។
កំណើនសេដ្ឋកិច្ចនៅក្នុងប្រទេសកម្ពុជា បានងើបឡើងវិញនៅកម្រិតប៉ាន់ស្មាន ៣,០% នៅឆ្នាំ២០២១ បន្ទាប់ពីមានកំណើនអវិជ្ជមាន ៣,១% នៅឆ្នាំ២០២០ ។ នៅឆមាសទីពីរ ការងើបឡើងវិញយ៉ាងខ្លាំងក្លានូវតម្រូវការក្រៅស្រុក ចំពោះផលិតផលដែលត្រូវបានផលិតនៅក្នុងប្រទេសបានធ្វើឲ្យសេដ្ឋកិច្ចមានការងើបឡើងវិញរហ័សជាងការរំពឹងទុក។
ផលិតកម្មឧស្សាហកម្មបានកើនឡើង ៧,៤%នៅឆ្នាំ២០២១។ ការនាំចេញសម្លៀកបំពាក់ ស្បែកជើង និងទំនិញសម្រាប់ការធ្វើដំណើរបានងើបឡើងវិញគួរកត់សម្គាល់កាលពីឆ្នាំមុន ជាពិសេសនៅឆមាសទីពីរ។ ផលិតផលមិនមែនសម្លៀកបំពាក់បានបន្តកើនឡើងយ៉ាងខ្លាំងក្លា ដោយការនាំចេញបានកើនឡើង ៣០,៧%។
ការនាំចេញផ្នែកកសិកម្មបានកើនឡើង ១៩,០% នៅឆ្នាំ២០២១ ដោយមានកំណើនយ៉ាងខ្លាំងក្លាលើការនាំចេញដំឡូងមី ចេក និងកៅស៊ូ ការរឹតត្បិតលើការនាំចូលសត្វជ្រូក ដើម្បីទប់ស្កាត់ការផ្ទុះរាតត្បាតនៃជំងឺប៉េស្តជ្រូកអាហ្វ្រិក និងតម្លៃនៅក្នុងស្រុកដែលប្រសើរជាងមុន បានគាំទ្រដល់ឧស្សាហកម្មសត្វជ្រូកនៅក្នុង ប្រទេស ការនេសាទមានសមិទ្ធផលទាបជាងការរំពឹងទុកដោយសារកម្រិតទឹកទាប ខណៈដែលផលិតកម្មវិស័យកសិកម្មបានកើនឡើងត្រឹម ១,១%៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ចិន រឹតបន្តឹងការគ្រប់គ្រងលើអ្នកជំនាញ AI ដើម្បីសម្រេចគោលដៅ ៥ឆ្នាំ លើវិស័យផលិតកម្ម និងស្វ័យប្រវត្តិកម្ម
ព្រឹត្តិការណ៍, អាជីវកម្មថ្មី និងនវានុវត្ត
• 27/05/2026
រដ្ឋាភិបាលចិន បានប្តេជ្ញាក្នុងការរឹតបន្តឹងលើការធ្វើដំណើរទៅក្រៅប្រទេសសម្រាប់អ្នកជំនាញផ្នែកបញ្ញាសិប្បនិម្មិត AI កម្រិតខ្ពស់នៅក្នុងវិស័យបច្ចេកវិទ្យា
ក្រសួងរៀបចំដែនដី កំពុងពន្លឿនការចុះបញ្ជីដីធ្លីឲ្យចប់រួចរាល់ក្នុងរយៈពេល ៦ខែខាងមុខនេះ
Top News, ព្រឹត្តិការណ៍, អចលនទ្រព្យ
• 27/05/2026
ក្រសួងរៀបចំដែនដី នគរូបនីយកម្ម និងសំណង់ រួមជាមួយនឹងក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្ថុ និងរដ្ឋបាលថ្នាក់ក្រោមជាតិ បានប្រជុំគ្នារិះរកវិធានការថ្មីៗបន្ថែមទៀត ដើម្បីពន្លឿនការរៀបចំឯកសារ និងការចេញបណ្ណកម្មសិទ្ធិដីធ្លីជូនប្រជាពលរដ្ឋ
តម្លៃទីផ្សាររបស់ក្រុមហ៊ុនផលិតឈីបកូរ៉េខាងត្បូង SK Hynix កើនឡើងជាង ១ ទ្រីលានដុល្លារ
ព្រឹត្តិការណ៍, អាជីវកម្មថ្មី និងនវានុវត្ត
• 27/05/2026
តម្លៃទីផ្សាររបស់ក្រុមហ៊ុនផលិតឈីបកូរ៉េខាងត្បូង SK Hynix កើនឡើងលើស ១ ទ្រីលានដុល្លារ ដោយសារតម្រូវការខ្ពស់នៃបន្ទះឈីបបញ្ញាសិប្បនិម្មិត AI។
ប្រព័ន្ធវិក្កយបត្រអេឡិចត្រូនិកកម្ពុជា ជាឧបករណ៍គន្លឹះក្នុងការលើកកម្ពស់តម្លាភាពសេដ្ឋកិច្ចនិងធុរកិច្ច
ព្រឹត្តិការណ៍, អាជីវកម្មថ្មី និងនវានុវត្ត
• 26/05/2026
ការធ្វើទំនើបកម្មប្រព័ន្ធគ្រប់គ្រងហិរញ្ញវត្ថុ និងពន្ធដារនៅកម្ពុជា បានឈានដល់ជំហានរបត់ថ្មីមួយទៀត តាមរយៈការដាក់ឱ្យអនុវត្តកាន់តែទូលំទូលាយនូវ «ប្រព័ន្ធវិក្កយបត្រអេឡិចត្រូនិកកម្ពុជា»
កម្ពុជា ត្រូវបានចាត់ចូលក្នុងបញ្ជីទេសចរណ៍ពិភពលោកល្អបំផុតនៅរដូវកាលបៃតង ឆ្នាំ២០២៦
Top News, ព្រឹត្តិការណ៍, អាជីវកម្មថ្មី និងនវានុវត្ត
• 26/05/2026
កម្ពុជា ជាប្រទេសមួយក្នុងចំណោមប្រទេសគោលដៅទេសចរណ៍អាស៊ីអាគ្នេយ៍ចំនួនពីរ ដែលត្រូវបានចាត់ចូលក្នុងបញ្ជីទេសចរណ៍ល្អបំផុតក្នុងរដូវកាលបៃតង (Green Season) ឆ្នាំ២០២៦ របស់ទស្សនាវដ្តី Wanderlust នៃចក្រភពអង់គ្លេស
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content