អ្នកជំនាញសេដ្ឋកិច្ច ៖ កម្ពុជាកំពុងបន្តបោះជំហ៊ានឆ្ពោះទៅរកការអភិវឌ្ឍស្របតាមគោលនយោបាយរបស់រាជរដ្ឋាភិបាល

ភ្នំពេញ ៖ អ្នកជំនាញសេដ្ឋកិច្ចបានហៅអ្វីដែលកម្ពុជាកំពុងដើរទៅរកគោលដៅរបស់ខ្លួនថាគឺជាសុច្ឆនៈវែងឆ្ងាយស្របតាមគោលនយោបាយរបស់ថ្នាក់ដឹកនាំប្រទេស ដើម្បីធ្វើយ៉ាងណាអាចជំរុញនាវាកម្ពុជាឱ្យចាកផុតពីប្រទេសដែលមានការអភិវឌ្ឍន៍តិចតួច ហើយក្លាយទៅជាប្រទេសមានការអភិវឌ្ឍដែលមានចំណូលមធ្យមកម្រិតខ្ពស់នៅឆ្នាំ២០៣០។

លោកបណ្ឌិត ហុង វណ្ណៈ ប្រធាននាយកដ្ឋានសេដ្ឋកិច្ចអន្តរជាតិនៃវិទ្យាស្ថានទំនាក់ទំនងអន្តរជាតិ-កម្ពុជានៃរាជបណ្ឌិត្យសភាកម្ពុជា បានប្រាប់ AMS ថា អ្នកដឹកនាំប្រទេសរមែងមានសុច្ឆនៈវែងឆ្ងាយ ដែលនេះគឺជាគោលបំណងចម្បងរបស់ប្រមុខរាជរដ្ឋាភិបាលកម្ពុជា រួមមានឆន្ទៈ ដើម្បីដឹកនាំនាវាកម្ពុជាឱ្យចាកផុតពីប្រទេស ដែលមានការអភិវឌ្ឍន៍តិចតួចឱ្យក្លាយទៅជាប្រទេសមានចំណូលមធ្យមកម្រិតខ្ពស់ និងមានចំណាត់ថ្នាក់បន្តបន្ទាប់។

លោកបណ្ឌិតបានបញ្ជាក់ថា ៖

“ដើម្បីឆ្លើយតបជាមួយនឹងឆន្ទៈ មហិច្ឆតា និងគោលបំណងរបស់រាជរដ្ឋាភិបាលកម្ពុជា កិច្ចការជាច្រើនក៏បានដាក់ចេញ និងបានទទួលនូវសមិទ្ធផលជាច្រើនដែលយើងបានដឹងគ្រប់គ្នា។ កិច្ចការទាំងអស់ហ្នឹងហើយ ដែលរាជរដ្ឋាភិបាលកម្ពុជាទទួលបាន ជារួម កំណើនសេដ្ឋកិច្ចកម្ពុជាចេះតែមានកំណើនជាបន្តបន្ទាប់។”

លោកបណ្ឌិតបានលើកឡើងផងដែរថា ៖

“កម្ពុជាយើងមានធនធាន សក្តានុពល មានការរៀបចំ ការចាត់ចែង ការគ្រប់​គ្រង យើងមានធនធាន និងមានសន្តិភាពពេញលេញគឺជាមូលដ្ឋានសំខាន់សម្រាប់វិនិយោគិនបរទេស ដែល​ជាកម្លាំងទាក់ទាញខ្លាំង ហើយយើងមានរចនាសម្ព័ន្ធគ្រប់គ្រាន់ ដែលរាជរដ្ឋាភិបាលកំពុងរៀបចំ ហើយតទៅថ្ងៃខាងមុខយើងនឹងកើតមាននូវរចនាសម្ព័ន្ធថ្មីៗជាបន្តបន្ទាប់ ដែលកាន់តែបង្កភាពងាយស្រួលដល់វិនិយោគិនទាំងក្នុងស្រុក និងក្រៅស្រុកប្រទេសកាន់ប្រសើរឡើង។”

បណ្ឌិត ហុង វណ្ណៈបានបញ្ជាក់ទៀតថា ដោយរំពឹងលើអ្វីដែលជាកិច្ចប្រឹងប្រែងរបស់រាជរដ្ឋាភិបាល ទើបសម្តេចតេជោបានគិតថា កម្ពុជាមានលទ្ធភាពគ្រប់គ្រាន់ និងអាចមានកំណើនសេដ្ឋកិច្ច មានការអភិវឌ្ឍស្ទុះលឿន នឹងអាចរកស៊ីស្មើមុខស្មើមាត់ជាមួយបណ្ដាប្រទេសដៃគូនៅលើសកលលោកប្រកបដោយឧត្តមភាពដែលអាចប្រកួតប្រជែងជាមួយបណ្តាប្រទេសទាំងនោះបានផងដែរ។

កាលពីពេលកន្លងទៅថ្មីៗនេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានមានប្រសាសន៍ថា កម្ពុជាមានទំនុកចិត្តយ៉ាងខ្លាំងដែលអាចនឹងបញ្ចប់ឋានៈពីប្រទេសអភិវឌ្ឍន៍តិចតួចនៅឆ្នាំ២០២៧ ហើយនឹងសម្រេចបាននូវគោលដៅរបស់ខ្លួនក្នុងការក្លាយជាប្រទេសដែលមានប្រាក់ចំណូលមធ្យមកម្រិតខ្ពស់នៅឆ្នាំ២០៣០។

សម្តេចតេជោហ៊ុន សែន ​បានមានប្រសាសន៍ថា ៖

“កម្ពុជានឹងបាត់បង់សិទ្ធិទទួលបានប្រព័ន្ធអនុគ្រោះពន្ធទាំង​ស្រុងនៅឆ្នាំ២០២៧ ពីព្រោះនៅឆ្នាំនោះ កម្ពុជានឹងបញ្ចប់ឋានៈទៅជាសេដ្ឋកិច្ចដែលមានចំណូលមធ្យមកម្រិតខ្ពស់ ដូច្នេះការនាំចេញទាំងអស់ត្រូវជាប់ពន្ធ។ យើងត្រូវតែពង្រឹងភាពធន់របស់យើងចាប់ពីពេលនេះតទៅ។”

សម្តេចតេជោ​បានថ្លែងបន្ត​ថា ​៖

“​ការ​រក្សាបាន​សន្តិភាព និង​ស្ថិរភាព​នយោបាយ​គឺជា​លក្ខខណ្ឌ​ចាំបាច់​បំផុត​ដើម្បី​សម្រេច​បាន​នូវ​គោលដៅ​ទាំងនេះ គោលដៅដែលកម្ពុជាត្រៀមនឹងក្លាយជាប្រទេសមានប្រាក់ចំណូលមធ្យមកម្រិតខ្ពស់ក្នុងឆ្នាំ២០៣០ នឹងអាចសម្រេចបានបើទោះបីជាមានជំងឺឆ្លងកូវីដ-១៩ ក៏ដោយ។”

ជាមួយគ្នានេះ សម្តេចតេជោក៏បានលើកឡើងដែរថា សេដ្ឋកិច្ចរបស់កម្ពុជាត្រូវបានស្តារឡើងវិញយ៉ាងរលូនបន្ទាប់ពីការរាតត្បាតនៃជំងឺកូវីដ-១៩ ដោយកំណើនផលិតផលក្នុងស្រុកសរុបត្រូវបានព្យាករណ៍ថានឹងមានចំនួន ៥,៦ ភាគរយនៅឆ្នាំ២០២៣ កើនឡើងពី ៥,២ ភាគរយនៅឆ្នាំ២០២២។

យោងតាមក្រសួងពាណិជ្ជកម្មការបង្កើតនូវកិច្ចព្រមព្រៀងសេរីពាណិជ្ជកម្ម FTA ជាមួយបណ្តាប្រទេសជាច្រើន ដូចជា FTA ជាមួយ ចិន, កូរ៉េ និង RCEP ហើយ FTA ជាមួយប្រទេសអារ៉ាប់រួម រួមជាមួយនឹង FTA ប្រទេសស្វ៊ីសនាពេលខាងមុខនេះជាដើម មិនត្រឹមតែជំរុញដល់កំណើនពាណិជ្ជកម្មប្រកបដោយនិរន្តរភាពរបស់កម្ពុជាប៉ុណ្ណោះទេ ប៉ុន្តែថែមទាំងអាចទាក់ទាញការវិនិយោគផ្ទាល់ពីបរទេសផងដែរ ។ ទាំងអស់នេះនឹងជួយកម្ពុជាចាកចេញពីឋានៈប្រទេសដែលមានការអភិវឌ្ឍន៍តិចតួច និងសម្រេចបានគោលដៅរបស់ខ្លួនក្នុងការក្លាយជាប្រទេសដែលមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល

តម្លៃជួញដូរហ៊ុននៅកម្ពុជាប្រចាំថ្ងៃ ជាមធ្យមជាង២១ម៉ឺនដុល្លារ តែថ្ងៃខ្លះហក់ឡើងដល់ជាងកន្លះលាន

ព្រឹត្តិការណ៍, សេដ្ឋកិច្ច

• 12/07/2024

តម្លៃជួញដូរហ៊ុនប្រចាំថ្ងៃជាមធ្យមជាង២១ម៉ឺនដុល្លារអាម៉េរិក តែមានថ្ងៃខ្លះបានហក់ឡើងដល់ជាងកន្លះលានដុល្លារ និងប្រមូលបានសាច់ប្រាក់សរុប៣៨៩លានដុល្លារ

ចំណេះដឹងសំខាន់ៗស្ដីពីការដាំដុះខ្ញីឱ្យទទួលបានផលច្រើនដែលកសិករគួរយល់ដឹង

ជំនួញ, ព្រឹត្តិការណ៍

• 12/07/2024

ខ្ញីជារុក្ខជាតិមើមដែលប្រជាជនខ្មែរនិយមដាំ និងយកទៅច្នៃជាគ្រឿងទេស បន្ថែមរសជាតិម្ហូបអាហារបានច្រើនមុខ អាចធ្វើជាឱសថបុរាណផងដែរ

គន្លឹះសំខាន់ៗចំនួន ៦ អាចជួយដោះស្រាយបញ្ហាបំណុលលើសលប់

ព្រឹត្តិការណ៍, ហិរញ្ញវត្ថុ

• 12/07/2024

ពាក្យថាបំណុលគឺមិនមែនសំដៅលើភាពអវិជ្ជមានទាំងស្រុងនោះទេ ពោលគឺបំណុលមានគុណសម្បត្តិ និងគុណវិបត្តរៀងៗខ្លួន

គម្រោង​សាងសង់​​ហេដ្ឋារចនាសម្ព័ន្ធធំៗចំនួន​៣ ​កំពុង​ដំណើរការ​មានទឹកប្រាក់ជាង ៥,៣ពាន់​លាន​​ដុល្លារ​

ព្រឹត្តិការណ៍, អចលនទ្រព្យ

• 12/07/2024

រាជរដ្ឋាភិបាល គ្រោង​ចំណាយថវិកា​រាប់រយពាន់​លានដុល្លារអាមេរិក​ លើការ​សាងសង់ហេដ្ឋារចនាសម្ព័ន្ធនានា​ក្នុង​ប្រទេស​ ដើម្បីទាក់ទាញការវិនិយោគពីក្រៅស្រុកបន្ថែមទៀត

គិតត្រឹម ឆមាសទី១ ឆ្នាំ២០២៤ យានយន្តអគ្គិសនីសរុបចំនួន ២ ៩៦៨គ្រឿង បានចុះបញ្ជីជាផ្លូវការ

ព្រឹត្តិការណ៍, សេដ្ឋកិច្ច

• 12/07/2024

ការចុះបញ្ជីយានយន្តអគ្គិសនីដែលជានិន្នាការថ្មី មានការកើនឡើងជារៀងរាល់ថ្ងៃ ដោយប្រជាពលរដ្ឋមានសុទិដ្ឋិនិយមច្រើន និងបង្ហាញការចាប់អារម្មណ៍ខ្ពស់

រយៈពេល ៥ខែ ដើមឆ្នាំ២០២៤ មានទេសចរជាតិ និងអន្តរជាតិសរុបជាង ១២លាន ៦សែននាក់ បានចេញដើរកម្សាន្តនៅទូទាំងប្រទេស

ព្រឹត្តិការណ៍, សេដ្ឋកិច្ច

• 12/07/2024

ទេសចរអន្តរជាតិជាង២លាន៦សែននាក់ បានមកទស្សនាកម្ពុជាក្នុងរយៈពេល៥ខែនៃដើមឆ្នាំ២០២៤ ខណៈទេសចរក្នុងស្រុកមានចំនួន ១០,៦៨៨,០៧៣ នាក់

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម

ព្រឹត្តិការណ៍, អាជីវកម្មថ្មី និងនវានុវត្ត

• 12/07/2024

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម និងប្រែក្លាយពីកសិកម្មលក្ខណៈគ្រួសារទៅជាសហគ្រាសសេដ្ឋកិច្ចកសិកម្ម

ក្រសួងកសិកម្ម និងសហគ្រិនខ្មែរ គាំទ្រគោលនយោបាយអាទិភាព«សហគមន៍កសិកម្មទំនើប»

ព្រឹត្តិការណ៍, សេដ្ឋកិច្ច

• 12/07/2024

ក្រសួងកសិកម្ម និង សហគ្រិនខ្មែរ បានចុះ MoU ជាមួយគ្នា ក្នុងគោលបំណងជំរុញការអភិវឌ្ឍប្រព័ន្ធអេកូឡូស៊ី សហគ្រិនភាពឱ្យរស់រវើក