ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ ដែលជំរុញអ្នកជំនាញផ្នែកបណ្តុះ និងបង្កាត់កូនឈើក្នុងស្រុកផ្ទាល់ ក៏កាន់តែមានទីផ្សារ។

អ្នកស្រី ភឿន សម្ផស្ស ជាអាជីវករលក់កូនឈើហូបផ្លែនៅខេត្តសៀមរាប បានប្រាប់ឱ្យដឹងថា ជាទូទៅ សម្រាប់រដូវស្សានេះ កូនឈើហូបផ្លែលក់ដាច់ស្ទើរគ្រប់មុខ ព្រោះថារដូវភ្លៀង មានភាពងាយស្រួលដាំ ស្រួលថែទាំ មិនពិបាកស្រោចទឹកច្រើន ដាំមិនងាយងាប់ ។

អ្នកស្រីបានបញ្ជាក់ថា ៖

«មិនថាជាប្រភេទកូនឈើតាំងលម្អ ឬជាកូនឈើហូបផ្លែនោះទេ គឺលក់ដាច់ជាងរដូវផ្សេងៗ តែយើងផ្ដោតលើកូនឈើហូបផ្លែ ជាពិសេសក្រូចច្រើនមុខ ដែលបានបំបៅ ផ្សាំ នៅតាមកសិដ្ឋាននានាតាមបណ្តាខេត្ត និងអាចលក់បានប្រមាណ ១០០ដើមក្នុងមួយសប្ដាហ៍»។

ចំពោះពូជកូនឈើហូបផ្លែ ម្ចាស់អាជីវកម្មខាងលើរៀបរាប់ទៀតថា អ្នកស្រីបានធ្វើការផ្សព្វផ្សាយលក់តាមអនឡាញ ដោយយកកូនឈើហូបផ្លែគ្រប់ពីម៉ូយនៅខេត្តបាត់បំបង ចំណែកកូនក្រូចរួមមានក្រូចឆ្មា ក្រូចពោធិ៍សាត់ ក្រូចសើច ក្រូចថ្លុង ជាដើមយកពីកសិដ្ឋាននៅខេត្តពោធិ៍សាត់ ដែលគេប្រើបច្ចេកទេសកាត់ត ឬបំបៅមែក ដែលមានតម្លៃសមរម្យ និងមានគុណភាពល្អជាងរបស់នាំចូល ព្រោះមិនចាំបាច់ដឹកផ្លូវឆ្ងាយ។

ពាក់ព័ន្ធនឹងកូនដំណាំក្រូចដែលជាកូនឈើចម្បងនេះ អ្នកស្រីបានបញ្ជាក់ថា៖

«យើងផ្ដោតលើកូនក្រូច ដោយសារវាជារបស់ដែលកាត់ត និងបណ្ដុះនៅក្នុងស្រុកយើងផ្ទាល់ តម្លៃទិញចូលក៏ធូថ្លៃ ដែលយើងអាចទិញមកស្តុកទុកបានដើម្បីលក់ឱ្យអតិថិជនក្នុងតំបន់ខ្លះ និងលក់បន្តឱ្យអ្នកនៅតាមបណ្ដាខេត្តផ្សេងៗដែលកម្ម៉ង់ទិញតាមអនឡាញ ដោយកូនក្រូចក្នុងមួយដើមមានតម្លៃចាប់ពី ១០០០០-១២០០០រៀល»។

អ្នកស្រី សម្ផស្ស ក៏បញ្ជាក់ឱ្យដឹងដែរថា សម្រាប់កូនឈើក្នុងស្រុក និងក្រៅស្រុកមានភាពខុសគ្នាច្រើន ជាពិសេសរឿងតម្លៃ ទាំងតម្លៃពូជ តម្លៃកូន និងតម្លៃដឹកជញ្ជូន ណាមួយដំណាំដែលបំបៅក្នុងស្រុកអាចស្គាល់ប្រភពច្បាស់លាស់ថាមកពីខេត្តណា ឯគុណភាពទៀយសោត ដំណាំក្នុងស្រុកល្អជាង ហើយកូនឈើនាំចូលខ្លះដឹកជញ្ជូនផ្លូវឆ្ងាយធ្វើឱ្យអន់ដើមដាំមិនសូវល្អនោះទេ។

គួររំឭកដែរថា ម្ចាស់អាជីវកម្មខាងលើបានចាប់ផ្ដើមលក់កូនឈើនេះប្រមាណ ៣ឆ្នាំមកហើយ ដោយអ្នកស្រីលក់កូនដំណាំតែកំឡុងពេលរដូវវស្សាប៉ុណ្ណោះ ដោយសារគេនិយមដាំច្រើន ឯរដូវប្រាំងអ្នកស្រីប្រកបអាជីវកម្មផ្សេងទៀត។

ចុងក្រោយ អ្នកស្រី ភឿន សម្ផស្ស ក៏សូមអំពាវនាវឱ្យបងប្អូនយើងបន្តគាំទ្រកូនឈើក្នុងស្រុកបន្ថែមទៀត ដែលជាផ្នែកមួយជួយដល់សេដ្ឋកិច្ចក្នុងស្រុក ជាពិសេសអ្នកនៅតាមកសិដ្ឋានផ្ទាល់ ហើយក៏សូមឱ្យមានការសិក្សាជំនាញកសិកម្មឱ្យបានច្រើនដើម្បីអាចពង្រឹងបច្ចេកទេសក្នុងការដាំដុះ ការបំបៅ ដែលធ្វើឱ្យគុណភាពកូនឈើមានភាពធន់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល