Olam Agri ជំរុញការបណ្តុះបណ្តាលកសិករលើផលិតកម្មស្រូវ ដើម្បីជួយពួកគេបង្កើនប្រាក់ចំណូល

បរទេស ៖ យោងតាមប្រភពពី Inclusivebusiness.net បានលើកឡើងថា អង្ករ​ជា​អាហារ​ដ៏សំខាន់​នៅ​ទូទាំង​ពិភពលោក ហើយការផលិតស្រូវចាំបាច់ត្រូវពឹងផ្អែកលើកសិករខ្នាតតូច ដើម្បីធានាការផ្គត់ផ្គង់ប្រកបដោយស្ថិរភាព។ ទន្ទឹមនឹងនេះ Olam Agri ត្រូវបានបង្កើតឡើងក្នុងគោលបំណងជួយកសិករ​ ដើម្បីឲ្យពួកគេ​អាចដាំ​ដំណាំ​មាន​គុណភាព​ល្អ ជំរុញការចូលរួមក្នុងវិស័យ​កសិកម្ម​ប្រកបដោយ​និរន្តរភាព និង​បង្កើន​ប្រាក់ចំណូល។

អង្ករភាគច្រើនត្រូវបានផលិត និងប្រើប្រាស់នៅតាមបណ្តា​ប្រទេស​ក្នុង​តំបន់​អាស៊ីអាគ្នេយ៍​ ប៉ុន្តែកសិករទាំងនោះជារឿយៗខ្វះសមត្ថភាពក្នុងការអនុលោមតាមស្តង់ដារអង្ករអន្តរជាតិ ហើយស្ថិតក្នុងចំណោមវិស័យដែលងាយរងគ្រោះបំផុតពីផលប៉ះពាល់នៃការប្រែប្រួលអាកាសធាតុ។ អាស្រ័យដូចនេះ ដើម្បីជួយកសិករក្នុងការដោះស្រាយបញ្ហា Olam Agri (Olam) បានផ្តោតជាពិសេសលើប្រតិបត្តិការផលិតកម្មស្រូវរបស់ពួកគេ ហើយក៏កំពុងយកចិត្តទុកដាក់លើផលិតផលផ្សេងទៀតដូចជា ដំឡូងមី ឈើ និងស្ករផងដែរ។ ក្នុង​ចំណោម​ក្រុមហ៊ុន​ឯកជនជាច្រើន Olam គឺ​ជា​ក្រុមហ៊ុន​គ្រប់គ្រង​អង្ករ​ធំ​ជាង​គេ​ទី២​នៅ​ទូទាំង​ពិភពលោក និងមានបណ្តាញធំជាងគេមួយនៅទូទាំងអាស៊ី។

បច្ចុប្បន្ននេះ Olam Agri ​រក្សាប្រតិបត្តិការនៅក្នុងប្រទេសថៃ និងវៀតណាមដោយសារ​តម្រូវ​ការ​អង្ករ​ខ្ពស់ ខណៈដែលកំពុងចូលរួមនៅក្នុងប្រទេសប៉េរូ នីហ្សេរីយ៉ា និងអូស្ត្រាលី។ ស្របពេលដែលក្រុមហ៊ុនពាណិជ្ជកម្មធម្មតាខាងផ្នែកកសិកម្មផ្តោតលើការបង្វិលប្រាក់ចំណេញ ប៉ុន្តែOlam បានយកចិត្តទុកដាក់កាន់តែខ្លាំងទៅលើការអភិរក្ស និងការពារហានិភ័យ។

នៅឆ្នាំ២០២១ Olam Agri បានបណ្តុះបណ្តាលកសិករជាង ២ ម៉ឺននាក់នៅក្នុងប្រទេសថៃ និង ៩ ពាន់នាក់នៅវៀតណាម។ Olam ផ្តល់កម្មវិធីបណ្តុះបណ្តាលដ៏ទូលំទូលាយសម្រាប់ដល់កសិករជាដៃគូដែលផ្តោតទៅលើលក្ខខណ្ឌ និងគោលដៅរបស់កសិករជាមូលដ្ឋាន ដើម្បីលើកកម្ពស់ជីវភាពរបស់ពួកគេ។ ដូច្នោះហើយ Olam Agri ធ្វើការស្រាវជ្រាវមុន ដើម្បីផ្តល់ការយល់ដឹងដល់កសិករដែលបានចូលរួមឲ្យកាន់តែប្រសើរឡើង និងអនុញ្ញាតឱ្យកម្មវិធីបណ្តុះបណ្តាលរួមបញ្ចូលពីបរិស្ថានផងដែរ។  កម្មវិធីបណ្តុះបណ្តាលរបស់ Olam Agri ផ្តោតលើប្រធានបទចំនួន ៣ រួមមាន ការសាបព្រួសមុន និងការប្រើប្រាស់ជី, ការប្រើប្រាស់ជី និងការថែទាំនៃដំណាំតាមរដូវ, ពេលមុនប្រមូលផល និងទីផ្សារ។ ការបណ្តុះបណ្តាលទាំងនេះគឺស្របតាមស្តង់ដារវេទិកាស្រូវប្រកបដោយនិរន្តរភាព ដែល Olam Agri អនុលោមតាម។  លើសពីនេះ Olam Agri បានបង្កើនកិច្ចខិតខំប្រឹងប្រែង ដើម្បីបណ្តុះបណ្តាលភាគីពាក់ព័ន្ធ ដែលភាគច្រើនជាស្ត្រី។ ការគិតគូរទាំងនេះធានានូវការបណ្តុះបណ្តាលដែលមានលក្ខណៈរួមបញ្ចូល និងបង្កើនចំនួនកសិករ។ ចាប់តាំងពីកសិករធ្វើការជាមួយនឹង Olam Agri ប្រាក់ចំណូលរបស់ពួកគេបានកើនឡើងប្រហែល ១០ ភាគរយ។ សម្រាប់​កសិករ​នៅ​ប្រទេស​ថៃ ការ​សន្សំ​ជាទូទៅ​អាស្រ័យលើ​ការ​ថយ​ចុះ​តម្រូវ​ការជី ខណៈពេលដែលកសិករវៀតណាមទទួលបានផលចំណេញពីការបណ្តុះបណ្តាល ដើម្បីត្រួតពិនិត្យចម្ការរបស់ពួកគេឱ្យកាន់តែប្រសើរឡើង និងអនុវត្តការគ្រប់គ្រងសត្វល្អិត។

ទាក់ទងនឹងការថែរក្សាបរិស្ថាន Olam Agri បានបង្កើនកិច្ចខិតខំប្រឹងប្រែងក្នុងការលើកទីកចិត្តកសិករឲ្យកាត់បន្ថយការប្រើប្រាស់ជីអាសូត ដើម្បីរួមចំណែកដល់ការកាត់បន្ថយការបំភាយឧស្ម័នផ្ទះកញ្ចក់។ បន្ថែមពីនេះ កិច្ចខិតខំប្រេងប្រែងនេះជួយការពារពីការបំពុលទឹកនៃផ្លូវទឹកដែលនៅជិតពួកគេ ហើយការ​កាត់​បន្ថយ​ការ​បំភាយ​ឧស្ម័ន​បន្ថែម​ទៀត​អាច​សម្រេច​បាន​ដោយ​កិច្ច​ខិត​ខំ​ប្រឹង​ប្រែង​ដើម្បី​ទប់​ស្កាត់​ការ​ដុតកាកសំណល់កសិកម្ម និងជីវម៉ាស។ ទន្ទឹមនឹងនេះ Olam Agri ​កំពុងសិក្សាលើ​ការ​ប្រើ​ប្រាស់​នៃ​កាក​សំណល់ទាំង​នេះ ដែលអាច​លើក​កម្ពស់ដល់សេដ្ឋកិច្ចជារង្វង់ និងរួមចំណែកឆ្ពោះទៅរកការជៀសវាងការបំភាយកាបូន។ កាលពីឆ្នាំ ២០២១ Olam Agri រាយការណ៍ថា ការបញ្ចេញឧស្ម័នផ្ទះកញ្ចក់ពីប្រតិបត្តិការរបស់ពួកគេបានថយចុះដល់ ៤០ ភាគរយ ដោយសារការគ្រប់គ្រងទឹក ដី និងសត្វល្អិតប្រកបដោយប្រសិទ្ធភាព។

ទោះជាយ៉ាងណាក្តី ចំនួនកសិករដែលមានវ័យចំណាស់គឺជាបញ្ហាប្រឈមដ៏សំខាន់សម្រាប់ Olam Agri ។ ថ្មីៗនេះ អាយុជាមធ្យមសម្រាប់កសិករគឺ ៥៦ ឆ្នាំដែលកើនឡើងពី ៥៤ នៅឆ្នាំ២០១៥ ហើយកសិករមួយចំនួនមានអាយុរហូតដល់ ៨០ ឆ្នាំ។ កសិករទាំងនោះនៅបន្តធ្វើស្រែចម្កាតិចតួចដើម្បីជីវភាពរស់នៅ ដោយពួកគេគិតថា កូនៗរបស់ពួកគេនឹងទទួលបានជោគជ័យបន្ថែមទៀតនៅក្នុងអាជីពផ្សេងទៀត។ យ៉ាងណាមិញ ភាពទំនើបនៃបច្ចេកវិទ្យាអាចជួយដោះស្រាយបញ្ហាប្រឈមនេះអាចជួយសម្រាលបន្ទុកការងារកសិកម្ម និងធ្វើឱ្យវិស័យនេះកាន់តែចាប់អារម្មណ៍ចំពោះក្មេងជំនាន់ក្រោយ។ Olam Agri បានបង្កើតកម្មវិធីនៅលើទូរទស្សន៍ ដើម្បីទទួលបានការចាប់អារម្មណ៍ពីយុវជនលើការធ្វើកសិកម្ម។ ការលំបាកផ្សេងទៀត គឺជីវភាពរបស់អ្នកចំណូលទាប ឬអ្នកក្រីក្រ ដោយសារប្រាក់ចំណូល ខណៈចំនួនមនុស្សកើនឡើងច្រើន។ កសិករនៅតែប្រឈមមុខនឹងអន្ទាក់នៃភាពក្រីក្រ និងប្រាក់កម្ចី ជាពិសេសនៅពេលដែលទទួលរងនូវការចំណាយដែលមិនបានគ្រោងទុក។ មិនត្រឹមតែប៉ុណ្ណោះ ទីផ្សារ​អង្ករ​សរីរាង្គ​ក៏​មាន​លក្ខណៈ​ពិសេស​គួរ​សម និង​មាន​ការ​ប្រកួត​ប្រជែង​ខ្លាំង។ អង្ករសរីរាង្គមានតម្លៃថ្លៃជាងពូជធម្មតា ហើយមនុស្សមានទំនោរទិញវាក្នុងបរិមាណធំជាង។ នេះដូច្នោះហើយ ការទាក់ទាញចំណាប់អារម្មណ៍ពី​អ្នក​ប្រើ​ប្រាស់​នៅមាន​កម្រិត​ បើ​ទោះ​បី​ជា​ផលិតផលរបស់ Olam ​ត្រូវបានប្រើប្រាស់យ៉ាងទូលំទូលាយក៏ដោយ។

យ៉ាងណាមិញ Olam Agri ទទួលបានអត្ថប្រយោជន៍ពីភាពជាដៃគូជាមួយអង្គការអន្តរជាតិ ដូចជា IFC, IFAD, IFPRI និង GIZ ។ អត្ថប្រយោជន៍ទាំងនេះបានជួយលើកមុខមាត់របស់ Olam Agri ក្នុងប្រទេសដែលពួកគេកំពុងប្រតិបត្តិការ, លើកទឹកចិត្តរដ្ឋាភិបាលឱ្យចូលរួមជាមួយ Olam, និងបង្ហាញពីឥទ្ធិពលរបស់ពួកគេចំពោះកសិករ។ ជាក់ស្តែង នៅប្រទេសវៀតណាម ក្រុមហ៊ុននេះធ្វើការជាមួយនាយកដ្ឋានសហករណ៍ និងការអភិវឌ្ឍន៍ ជនបទ ដែលជួយពួកគេកំណត់អត្តសញ្ញាណ និងធ្វើការជាមួយសហករណ៍ក្នុងស្រុក។ បន្ថែមពីនេះ Olam Agri ក៏បានសហការជាមួយក្រសួងកសិកម្មថៃផងដែរ។ ភាពជាដៃគូទាំងនេះមានតម្លៃណាស់ ដោយបានណែនាំឱ្យរដ្ឋាភិបាលនានាអាច​បង្កើត​ប្រព័ន្ធ​អេកូឡូស៊ី​ដែល​មាន​លទ្ធភាព​បន្ថែម​ទៀត​ក្នុងការលើក​កម្ពស់​ការ​បង្កើត​ថ្មី ការ​ប្រើ​ប្រាស់នៃបច្ចេកវិទ្យាឌីជីថល និងស្វ័យប្រវត្តិកម្ម។ កិច្ចប្រឹងប្រែងនេះនឹងតម្រូវឱ្យមានការវិនិយោគលើការស្រាវជ្រាវ និងការអភិវឌ្ឍន៍ និងការសាកល្បងបច្ចេកវិទ្យា បន្ថែមលើការកែលម្អសេវាផ្សព្វផ្សាយកសិកម្ម។ លើសពីនេះ ការគាំទ្ររបស់រដ្ឋាភិបាលក៏អាចជំរុញដល់ការប្រាស្រ័យទាក់ទងជុំវិញលទ្ធភាពនៃការធ្វើកសិកម្មជាលក្ខណៈចិញ្ចឹមជីវិត ដើម្បីបង្កើនការយល់ដឹង និងការចាប់អារម្មណ៍ ជាពិសេសក្នុងចំណោមយុវជន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ