សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិស័យឥណទានជនបទបាន និងកំពុងដើរតួនាទីជាផ្នែកសំខាន់មួយក្នុងការលើកកម្ពស់ជីវភាពប្រជាជននៅកម្ពុជា ជាពិសេសនៅតាមតំបន់ជនបទ តាមរយៈការផ្តល់លទ្ធភាពបន្ថែមក្នុងការទទួលបានសេវាហិរញ្ញវត្ថុផ្លូវការ ដែលមានកិច្ចការពារផ្នែកច្បាប់ និងប្រកបដោយបរិយាបន្ន។
នៅឆ្នាំ២០២៣ គ្រឹះស្ថានឥណទានជនបទចំនួន ១១៤ ទទួលបានវិញ្ញាបនបត្រពីធនាគារជាតិនៃកម្ពុជា ក្នុងការប្រតិបត្តិការផ្តល់ឥណទានខ្នាតតូច ដែលឆ្លើយតបទៅនឹងតម្រូវការឥណទានរបស់ប្រជាជននៅតាមតំបន់មូលដ្ឋាន និងទីប្រជុំជននានា។ នេះបើយោងតាមរបាយការណ៍ប្រចាំឆ្នាំ២០២៣ របស់ធនាគារជាតិនៃកម្ពុជា។
របាយការណ៍បានឱ្យដឹងទៀតថា គ្រឹះស្ថានឥណទានជនបទមានទ្រព្យសកម្មសរុប ២៤៨,៨ ពាន់លានរៀល (៥៩,៨ លានដុល្លារអាមេរិក) និងបានផ្តល់ឥណានសរុប ២១៣,២ ពាន់លានរៀល (៥១,៣ លានដុល្លារអាមេរិក) ទៅដល់ ១១៦ ០៤៤ គណនីអតិថិជន។
ឥណទានត្រូវបានផ្តល់ទៅកាន់វិស័យនានារួមមាន ៖ កសិកម្មមានចំណែក ៣៥,១% ក្រមគ្រួសារ ២៨,៣% ពាណិជ្ជកម្ម ១៥,៩% សេវាកម្ម ៦% សំណង់ ៥,៧% ដឹកជញ្ជូន ១,១% និងផ្សេងៗ ៧,៩%។ ការណ៍នេះឆ្លុះបញ្ចាំងអំពីវឌ្ឍនភាពនៃវិស័យឥណទានជនបទដែលជាផ្នែកសំខាន់មួយក្នុងការលើកកម្ពស់ជីវភាពប្រជាជននៅកម្ពុជា ជាពិសេសនៅតាមតំបន់ជនបទ តាមរយៈការផ្តល់លទ្ធភាពបន្ថែមក្នុងការទទួលបានសេវាហិរញ្ញវត្ថុផ្លូវការ ដែលមានការការពារផ្នែកច្បាប់ និងប្រកបដោយបរិយាបន្ន។
ទន្ទឹមនេះ ការបន្តពង្រឹងការអនុលោមតាមច្បាប់ និងបទប្បញ្ញត្តិ គឺជាកត្តាចម្បងក្នុងការពង្រឹងគុណភាព និងសុខុមាលភាពរបស់គ្រឹះស្ថានឥណទានជនបទ ជាពិសេសអាជីវកម្មមានប្រតិបត្តិការជាប្រក្រតី។ ការផ្តល់ប្រាក់កម្ចីសម្រាប់ឥណទានខ្នាតតុចនៅតាមតំបន់ជនបទ និងទីប្រជុំជនមួយចំនួន បានផ្តល់សារៈសំខាន់ក្នុងការផ្គត់ផ្គង់តម្រូវការឥណទាន និងជៀសវាងការប្រើប្រាស់ឥណទានក្រៅប្រព័ន្ធដែលមានអត្រាការប្រាក់ខ្ពស់ និងមិនមានការគាំពារផ្នែកច្បាប់។
ទោះយ៉ាងណា គ្រឹះស្ថានឥណទានជនបទប្រឈមនឹងបញ្ហាមួយចំនួន ដូចជា ធនធានមនុស្សនៅមានកម្រិត លទ្ធភាពនៃការស្វែងរកប្រភពទុនថ្មី ការប្រកួតប្រជែង និងការចំណាយខ្ពស់លើការរៀបចំហេដ្ឋារចនាសម្ព័ន្ធរបស់គ្រឹះស្ថាន។ ធនាគារជាតិនៃកម្ពុជាបន្តតាមដានកង្វះខាតទាំងនេះយ៉ាងម៉ឺងម៉ាត់តាមរយៈការត្រួតពិនិត្យជាប្រចាំគ្រា ការប្រឹក្សាផ្តល់យោបល់ ការចេញលិខិតក្រើនរំឭក ព្រមទាំងបានធ្វើការពិន័យ ក៏ដូចជាបានលុបឈ្មោះគ្រឹះស្ថានដែលអនុវត្តមិនស្របតាមច្បាប់ និងបទប្បញ្ញត្តិជាធរមាន ចេញពីបញ្ជីរបស់ធនាគារជាតិនៃកម្ពុជា៕
Account
Security
Favourite Content