សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិស័យមីក្រូហិរញ្ញវត្ថុនៅកម្ពុជាបន្តមានភាពរីកចម្រើនឥតឈប់ឈរ និងបានចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ចតាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ។ ការណ៍នេះបានធ្វើឱ្យវិស័យមីក្រូហិរញ្ញវត្ថុដើរតួនាទីយ៉ាងសកម្ម និងសំខាន់ក្នុងការលើកម្ពស់បរិយាបន្នហិរញ្ញវត្ថុនៅកម្ពុជា។
លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា កាលពីពេលថ្មីៗនេះបានលើកឡើងថា វិស័យមីក្រូហិរញ្ញវត្ថុកម្ពុជា បាន និងកំពុងចូលរួមចំណែកយ៉ាងសំខាន់ក្នុងការផ្តល់ហិរញ្ញប្បទានដល់ប្រជាជននៅតាមទីជនបទ អភិវឌ្ឍន៍សេដ្ឋកិច្ចតាមបណ្តាខេត្តឱ្យកាន់តែប្រសើរឡើង និងកាត់បន្ថយភាពក្រីក្រ។
លោកជំទាវបណ្ឌិត បានថ្លែងបន្តថា ទោះជាយ៉ាងណា ការរីកចម្រើនយ៉ាងឆាប់រហ័សនៃវិស័យមួយនេះក៏បាននាំមកនូវបញ្ហាប្រឈមមួយចំនួនផងដែរ។ អក្ខរកម្មហិរញ្ញវត្ថុ កិច្ចការពារអ្នកប្រើប្រាស់ ការរីកសាយភាយនៃអ្នកផ្តល់ប្រាក់កម្ចីក្រៅផ្លូវការ និងមជ្ឈត្តករបទប្បញ្ញត្តិ គឺជាផ្នែកដែលត្រូវលើកកម្ពស់បន្ថែមទៀត។ វប្បធម៌នៃការជជែកសន្ទនា ការយោគយល់ និងការសម្របសម្រួល គឺជាវិធីមួយដើម្បីឈានទៅរកលទ្ធផលល្អប្រសើរ។
ទន្ទឹមនេះ លោកជំទាវបណ្ឌិត ក៏បានផ្តល់នូវអនុសាសន៍ដល់បណ្តាគ្រឹះស្ថានដែលជាជិកសមាគមមីក្រូហិរញ្ញវត្ថុកម្ពុជា ចូលរួមអភិវឌ្ឍន៍វិស័យមីក្រូហិរញ្ញវត្ថុឱ្យបានកាន់តែល្អប្រសើរ រួមមាន ១/- លើកកម្ពស់ភាពធន់ និងនិរន្តរភាពរបស់សមាជិក និងវិស័យ ២/- បង្កើនចំណេះដឹងហិរញ្ញវត្ថុ និងឥរិយាបថជាវិជ្ជាមានចំពោះវិស័យមីក្រូហិរញ្ញវត្ថុដល់អតិថិជន និងសាធារណជន ៣/- ពង្រឹងសមត្ថភាពធនធានមនុស្ស និងការអនុវត្តស្របតាមក្រមសីលធម៌វិជ្ជាជីវៈក្នុងការផ្តល់ឥណទាន ៤/- ត្រូវសិក្សា និងចងក្រងជាឯកសារអំពីក្រុមហ៊ុនផ្តល់ឥណទានខុសច្បាប់ មុននឹងស្នើសុំអន្តរាគមន៍ពីអាជ្ញាធរពាក់ព័ន្ធ និង ៥/-សូមលើកទឹកចិត្តបន្តវប្បធម៌សន្ទនាឱ្យបានច្រើននិងជាប្រចាំរវាងវិស័យឯកជន និងអាជ្ញាធរ ដែលជាការបង្ហាញអំពីការសហការគ្នាក្នុងការដោះស្រាយបញ្ហា និងជំរុញការអភិវឌ្ឍវិស័យមីក្រូហិរញ្ញវត្ថុប្រកបដោយបរិយាបន្ន។
គួររំលឹកថា យោងតាមរបាយការណ៍ដែលចេញផ្សាយដោយធនាគារជាតិនៃកម្ពុជានាពេលថ្មីៗនេះបានបង្ហាញថា គិតត្រឹមខែតុលា ឆ្នាំ២០២៤ ឥណទានសរុបដែលផ្តល់ដោយស្ថាប័នធនាគារ និងគ្រឺស្ថានហិរញ្ញវត្ថុ ដល់វិស័យសេដ្ឋកិច្ចបានកើនឡើង ២៤៧,៦៣១ ពាន់លានរៀល (ប្រហែល ៦០,៩ ពាន់លានដុល្លារ) កើនឡើង ២.២ ភាគរយបើធៀបនឹងឆ្នាំ២០២៣ ។
លោក កាំង តុងងី អ្នកនាំពាក្យសមាគមមីក្រូហិរញ្ញវត្ថុកម្ពុជា បានឱ្យដឹងដែរថា គិតត្រឹមត្រីមាសទី៣ ឆ្នាំ២០២៤កន្លងទៅនេះ សម្រាប់តែសមាជិករបស់សមាគមមីក្រូហិរញ្ញវត្ថុកម្ពុជា ចំនួន១៣២ បានដើរតួនាទីយ៉ាងសំខាន់ក្នុងកិច្ចខិតខំប្រឹងប្រែងខាងលើនេះ ដោយបានចាត់ចែងប្រាក់កម្ចីសរុបចំនួន ៥.១៥ ពាន់លានដុល្លារ និងបម្រើដល់អតិថិជនសរុបប្រមាណ ១.៥ លាននាក់នៅកម្ពុជា៕
Account
Security
Favourite Content