សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កាសែតញូវយ៉កថាម New York Times នៅដើមសប្តាហ៍នេះបានធ្វើការស្រាវជ្រាវរកឃើញថា តម្លៃលុយដុល្លារអាម៉េរិក US dollar ក្នុងរយៈពេល៦ខែចុងក្រោយនៃឆ្នាំ២០២៥នេះ បានធ្លាក់ចុះខ្លាំងរហូតដល់ប្រមាណជា១០ភាគរយធៀបទៅនឹងតម្លៃលុយរបស់មហាអំណាចផ្សេងទៀត។
យោងតាមទិន្នន័យស្រាវជ្រាវបានបង្ហាញថា ការធ្លាក់ចុះដ៏ខ្លាំងក្លានេះបានកើតឡើងនៅក្រោយពេលដែលគោលនយោបាយពាណិជ្ជកម្មរបស់លោកប្រធានាធិបតីអាម៉េរិក Donald Trump ត្រូវបានអនុវត្តជាបន្តបន្ទាប់ ជាពិសេសការព្រួយបារម្ភជុំវិញបញ្ហាផែនការចំណាយដ៏ធំរបស់រដ្ឋាភិបាលថ្មី។
សន្ទស្សន៍លុយដុល្លារដែលធ្វើឡើងដោយ ICE US Dollar Index បានបង្ហាញថា តម្លៃលុយដុល្លារធៀបទៅនឹងរូបិយបណ្ណធំៗផ្សេងទៀតរបស់ពិភពលោកមានអត្រាធ្លាក់ចុះប្រមាណជា១០,៨ភាគរយ និងបានក្លាយទៅជាកំណត់ត្រាធ្លាក់ចុះដ៏អាក្រក់បំផុតរបស់លុយដុល្លារក្នុងនាមជារូបិយបណ្ណដ៏មានសុវត្ថិភាពបំផុតរបស់ពិភពលោកអស់រយៈពេលជាច្រើនទសវត្សវ៍មកហើយនោះ។
ស្ថានភាពដ៏អាក្រក់សម្រាប់លុយដុល្លារបែបនេះធ្លាប់បានកើតឡើងតែម្តងគត់កាលពីឆ្នាំ១៩៧៣ នៅគ្រាដែលលុយដុល្លារចាប់ផ្តើមដាក់ឲ្យមានទំនាក់ទំនងរវាងប្រព័ន្ធហិរញ្ញវត្ថុជាមួយនឹងមាស(តម្លៃមាសមួយអោនស្មើនឹងលុយ៣៥ដុល្លារអាម៉េរិកកាលពីពេលនោះ)។ យ៉ាងណាក្តី បច្ចុប្បន្ននេះការថយចុះនៃតម្លៃលុយដុល្លារគឺមានការជាប់ពាក់ព័ន្ធទៅនឹងការសម្រេចចិត្តក្នុងទម្រង់ហិង្សាតាមរយៈការតម្លើងពន្ធគយដ៏គ្រោះថ្នាក់ជាមួយនឹងបណ្តាប្រទេសនានាលើពិភពលោក និងការព្យាយាមអនុវត្តគោលនយោបាយដាច់តែឯងរបស់ Trump ។
ចាប់តាំងតែពីពេលបានវិលត្រឡប់មកកាន់តំណែងជាប្រធានាធិបតីអាម៉េរិកជាលើកទី២ កាលពីខែមករាវិញ លោក Trump បានចេញបញ្ជាក្នុងការរៀបចំផែនការពន្ធគយឡើងវិញដោយសង្ឃឹមអាចពង្រឹងផលិតកម្មក្នុងស្រុកឡើងវិញ។ យុទ្ធនាការដែលចាប់ផ្តើមឡើងកាលពីថ្ងៃទី២ ខែមេសា នៅចំថ្ងៃ Liberation Day ដែលក្នុងនោះមានការតម្លើងពន្ធគយថ្មីចាប់ពី១០ភាគរយទៅដល់ជាង១០០ភាគរយទៅតាមដៃគូពាណិជ្ជកម្មទាំងអស់របស់ខ្លួនបូករួមទាំងកាណាដា ចិន មិចស៊ីកូ និងអឺរ៉ុបផងដែរ។
អ្នកជំនាញសេដ្ឋកិច្ចបានមើលឃើញថា ការធ្លាក់ចុះនៃតម្លៃលុយដុល្លារនឹងអាចបន្តផលលំបាកជាច្រើនទៀតឲ្យទៅសកលលោក។ មិនត្រឹមតែប៉ុណ្ណោះវាក៏បានកើតចេញជាក្តីបារម្ភផងដែរចំពោះតំណែងរបស់លុយដុល្លារអាម៉េរិកក្នុងនាមជារូបិយបណ្ណគោលសម្រាប់ប្រាក់បម្រុងសំខាន់បំផុតរបស់ពិភពលោកផងដែរ៕
Account
Security
Favourite Content