រដ្ឋាភិបាលគាំទ្រការប្រើប្រាស់យានយន្តផលិតក្នុងស្រុកដើម្បីជំរុញវិស័យឧស្សាហកម្មធុនធ្ងន់នៅកម្ពុជា

ភ្នំពេញ ៖ រាជដ្ឋាភិបាលកម្ពុជា ជាពិសេសក្រសួងសាធារណការ ក្រសួងការងារ និងក្រសួងឧស្សាហកម្ម បានគាំទ្រឱ្យមានការប្រើប្រាស់យានយន្តផលិត និងដំឡើងនៅក្នុងស្រុកដើម្បីជួយជំរុញវិស័យឧស្សាហកម្មធុនធ្ងន់នៅកម្ពុជាស្របតាមផែនទីបង្ហា​ញ​​ផ្លូវអភិវឌ្ឍវិស័យយានយន្ត និងអេឡិចត្រូនិកនៅកម្ពុជា។

ក្រុមហ៊ុន GTV MOTOR ដែលវិនិយោគរួមគ្នារវាងវិនិយោគិនខ្មែរជាមួយនឹងដៃគូវិនិយោគបរទេសមួយចំនួនទៀតនៅកម្ពុជា បានចំណាយទុនវិនិយោគ១៥,៦លានដុល្លារម៉េរិក ដើម្បីបង្កើតរោងចក្រដំឡើងរថយន្ត និងកំពុងរៀបចំនាំចូលនូវគ្រឿងម៉ាស៊ីន សម្ភារបរិក្ខា វត្ថុធាតុដើមនិងគ្រឿងបំណែករថយន្តជាង៥០០មុខដែលមានទឹកប្រាក់សរុបប្រមាណជា៥០លានដុល្លារអាម៉េរិក។

ឯកឧត្តម ពៅ ម៉ាលី រដ្ឋលេខាធិការក្រសួងសាធារណការ និងដឹកជញ្ជូន ដែលបានអញ្ជើញជាអធិបតីក្នុងពិធីសម្ពោធ​ និងបើកបរសាកល្បងរថយន្តក្រុមហ៊ុន GTV Motor Co.,Ltd កាលពីថ្ងៃចុងសប្ដាហ៍កន្លងទៅនេះបានថ្លែងថា ៖ ក្រុមហ៊ុនបានបង្កើតនូវសមិទ្ធផលថ្មីសម្រាប់ជាតិ ដោយបានកំណត់ដាក់ឈ្មោះម៉ាកម៉ូដែលរថយន្តរបស់ក្រុមហ៊ុនជាសំនៀងភាសាខ្មែរ និងជួយបង្កើនទីផ្សារការងារដល់ប្រជាពលរដ្ឋ សម្រួលតម្លៃយានយន្តកាន់តែល្អប្រសើរជាងមុន ដែលអាចឱ្យពលរដ្ឋមានលទ្ធភាពប្រើប្រាស់រថយន្តថ្មីបាន។

ឯកឧត្តមរដ្ឋលេខាធិការ បានគូសបញ្ជាក់ថា ៖

«ការបង្កើតឱ្យមានរោងចក្រផលិត និងផ្គុំដំឡើងយានយន្តនៅក្នុងប្រទេសកម្ពុជានាពេលបច្ចុប្បន្ននេះបានប្រែក្លាយកម្ពុជាពីប្រទេសនាំចូល និងប្រើប្រាស់យានយន្តទៅជាប្រទេសឧស្សាហកម្មយានយន្តដូចបណ្តាប្រទេសមួយចំនួននៅក្នុងតំបន់អាស៊ាន។ ម៉្យាងវិញទៀត រោងចក្រផលិត និងផ្គុំដំឡើងយានយន្ត បានដើរតួយ៉ាងសំខាន់ក្នុងការបំពេញតម្រូវការប្រើប្រាស់ក្នុងស្រុក និងជួយជំរុញដល់វិស័យឧស្សាហកម្មធុនធ្ងន់នៅកម្ពុជា ស្របតាមផែនទីបង្ហាញផ្លូវអភិវឌ្ឍវិស័យយានយន្ត និងអេឡិចត្រូនិកនៅកម្ពុជា ដែលរាជរដ្ឋាភិបាលបានដាក់ចេញនាពេលកន្លងមក»។

ឯកឧត្តមបណ្ឌិត ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានមានប្រសាសន៍ថា ៖ វិស័យយានយន្ត និងអេឡិចត្រូនិកត្រូវបានចាត់ទុកជាវិស័យអាទិភាពចំបងមួយសម្រាប់ការអភិវឌ្ឍ សេដ្ឋកិច្ចនៅកម្ពុជា។ នៅប៉ុន្មានឆ្នាំចុងក្រោយនេះ វិស័យនេះមានការរីកចម្រើនយ៉ាងលឿន មុនជំងឺកូវីដ១៩បានរីករាលដាលនៅឆ្នាំ២០១៩ កម្ពុជាបាននាំចេញគ្រឿងបង្គុំយានយន្តបានប្រមាណជាង២០០លានដុល្លារអាម៉េរិក និងគ្រឿងបរិក្ខារអេឡិចត្រូនិកបានប្រមាណជាង៩០០លានដុល្លារ។

ឯកឧត្តមបានលើកឡើងថា ៖ ផែនទីបង្ហាញផ្លូវសម្រាប់ការអភិវឌ្ឍវិស័យយានយន្ត និងវិស័យអេឡិចត្រូនិកបានដាក់ចេញនូវគំនិតផ្តួចផ្តើមចំនួន ២០ ក្នុងនោះគំនិតផ្តួចផ្តើមអាទិភាពចំនួន ៤ ដែលមានភាពបន្ទាន់ បាននិងកំពុងត្រូវបានអនុវត្ត ដែលរួមមាន (១) ការបង្កើតក្រុមប្រឹក្សាផ្តល់យោបល់សម្រាប់ការអភិវឌ្ឍវិស័យយានយន្ត និងអេឡិចត្រូនិក (២) ការកំណត់ទីតាំង តំបន់សេដ្ឋកិច្ចពិសេសសម្រាប់ចង្កោមវិស័យយានយន្ត និងអេឡិចត្រូនិ (៣) ការសហការជាមួយវិស័យឯកជនដើម្បីរៀបចំកម្មវិធីបង្កើន ជំនាញដល់កម្មករ និយោជិត និង (៤) ការបន្តធ្វើឱ្យប្រសើរឡើងនូវនីតិវិធីឡូជីស្ទិក។

ឯកឧត្តមបណ្ឌិត ហេង សុខគង់ បានបញ្ជាក់ថា ៖ ការអនុវត្ត ដោយជោគជ័យនូវផែនទីបង្ហាញផ្លូវក្នុងវិស័យទាំងពីរនេះ នឹងផ្តល់បច្ច័យយ៉ាងសំខាន់សម្រាប់កម្ពុជា ដូចជាការអាចបង្កើនទំហំនាំចេញក្នុងទឹកប្រាក់ លើសពី ២ ពាន់លានដុល្លារអាមេរិក និងអាចបង្កើតការងារថ្មីជាង២២ពាន់កន្លែងក្នុងរយៈពេល ៥ ឆ្នាំខាងមុខ ក៍ដូចជាបង្កើនកាលានុវត្តភាពថ្មីៗសម្រាប់ សហត្រាសធុនតូច និងមធ្យមក្នុងស្រុកក្នុងវិស័យទាំងនេះ។ វិនិយោគិនក្នុងវិស័យយានយន្ត និងអេឡិចត្រូនិកនៅកម្ពុជាក៏នឹងទទួលបាននូវប្រយោជន៍ពីការរៀបចំនេះផងដែរ ដូចជាការបង្កើនធនធានមនុស្ស ប្រកបដោយជំនាញ ការធ្វើឱ្យប្រសើរឡើងថែមទៀតនូវហេដ្ឋារចនាសម្ព័ន្ធអគ្គិសនី និងភ័ស្តភារកម្មដើម្បីប្រកួតប្រជែងតម្លៃនៃកម្មន្តសាលនិងការផ្តល់កិច្ចសម្របសម្រួលផ្នែកគយនិងពាណិជ្ជកម្មដែលកាន់​តែ​​មានប្រសិទ្ធភាពដល់ការនាំចូល និងនាំចេញផលិតផល។

ឯកឧត្តម ឡៅ ហ៊ីម  រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានថ្លែងថា ៖ ការបង្កើតរោងចក្រដំឡើង និងផលិតរថយន្ត GTV នេះ មិនត្រឹមតែលើកកម្ពស់មុខមាត់ប្រទេសជាតិប៉ុណ្ណោះទេ ប៉ុន្តែថែមទាំងបានផ្ដល់ការងារជាច្រើនកន្លែងដល់យុវជនកម្ពុជា។

ឯកឧត្តមរដ្ឋលេខាធិការ បានបន្តថា៖ កម្ពុជាកំពុងបន្តធ្វើបរិវត្តកម្មរចនាសម្ព័ន្ធសេដ្ឋកិច្ចទៅកាន់វិស័យឧស្សាហកម្ម និងវិស័យសេវាកម្មកាន់តែស៊ីជម្រៅ ដោយពឹងផ្អែកខ្លាំងលើកម្លាំងពលកម្មជំនាញ និងផលិតភាពការងារខ្ពស់និងជំរុញ ការទាក់ទាញវិនិយោគផ្ទាល់ទាំងក្នុងស្រុកនិងពីបរទេស ជាពិសេស ការចាប់យកឱកាសនៃខ្សែច្រវាក់តម្លៃ ដែលបង្វែរពីប្រទេសនានាក្នុងតំបន់ និងឱកាសពីកិច្ចព្រមព្រៀងពាណិជ្ជកម្មសេរី ដែលជាបច្ច័យជួយបង្កើតឱកាសការងារ ដែលទាមទារកំម្លាំងពលកម្មមានជំនាញមធ្យម និងខ្ពស់កាន់​តែខ្លាំង។

ឯកឧត្តម ឡៅ ហ៊ីម  បានបន្ថែមថា៖ក្នុងបរិបទនេះ តម្រូវការបណ្ដុះបណ្តាលជំនាញបច្ចេកទេស និងវិជ្ជាជីវៈ នឹងកាន់តែកើនឡើង ដើម្បីផ្ដល់ជំនាញឱ្យបានគ្រប់គ្រាន់ដល់កម្លាំងពលកម្មកម្ពុជា ក្នុងការចាប់ឳកាសការងារនេះ និងធានាថាពួកគេអាចឈានចូលទីផ្សារការងារដំបូងដោយមានជំនាញសមស្រប ឬការធ្វើអន្តរកម្មការងារពីវិស័យមួយទៅវិស័យមួយទៀត៍ដោយងាយស្រួលសំដៅកសាងមូលដ្ឋានជំនាញរឹងមាំ និងផលិតភាពគ្រប់គ្រាន់ ដើម្បីគាំទ្រការធ្វើពិពិធកម្មសេដ្ឋកិច្ច និងប្រែក្លាយរចនាសម្ព័ន្ធសេដ្ឋកិច្ច និងទីផ្សារការងារទៅជាប្រទេសមានចំណូលមធ្យមកម្រិតខ្ពស់។

លោកឧកញ៉ាបណ្ឌិត ឃុន ចាន់ថា អគ្គនាយកក្រុមហ៊ុន GTV Motor បានថ្លែងថា៖ GTV ជារថយន្តជាតិដំបូងគេបង្អស់របស់កម្ពុជា ដំឡើង និងផលិតដោយក្រុមហ៊ុន ជីធីវី ម៉ូធ័រ ខូ អិលធីឌី ដែល។GTV ជាម៉ាកយីហោរថយន្តផ្ទល់ខ្លួនដំបូងគេបង្អស់របស់កម្ពុជា ដើម្បីកិត្យានុភាព ជំរុញសេដ្ឋកិច្ច និងនវានុវត្តន៍វិស័យឧស្សាហកម្មយានយន្តឱ្យកាន់តែប្រសើរ។ នេះជាការលើកកម្ពស់ផលិតផលរថយន្តជាតិ និងចូលរួមក្នុងភាពជាដៃគូរវាងវិស័យឯកជន និងរាជរដ្ឋាភិបាល ដើម្បីជំរុញការអភិវឌ្ឍវិស័យធនធានមនុស្ស, ការធ្វើនវានុវត្តន៍វិស័យវិស័យឧស្សាហកម្មយានយន្តឱ្យកាន់តែរីកច្រើន និងជំរុញកំណើនសេដ្ឋកិច្ចជាតិ។

លោកបានបន្តថា ៖ កម្ពុជានាដើមឆ្នាំ២០២៤នេះ មានរោងចក្រដំឡើង និងផលិតរថយន្តជាតិដំបូងគេបង្អស់របស់ខ្លួន តាមរយៈក្រុមហ៊ុន GTV MOTOR ដែលមានកូនខ្មែជាអ្នកវិនិយោគ រួមគ្នាជាមួយនឹងដៃគូវិនិយោគបរទេសមួយចំនួនទៀតនៅកម្ពុជា ដោយប្រើទំហំទុនវិនិយោគដែលបានចុះបញ្ជីចំនួន១៥,៦លានដុល្លារម៉េរិក។ បច្ចុប្បន្ន ក្រុម ហ៊ុន GTV MOTOR ក៏បាន និងកំពុងរៀបចំ នាំចូលនូវគ្រឿងម៉ាស៊ីន សម្ភារបរិក្ខា វត្ថុធាតុដើម និងគ្រឿងបំណែករថយន្ត (គ្រឿងបង្គុំ CKD Parts និង IKD_Parts សរុបជាង៥០០មុខ នៃការដំឡើងផលិតផលរថយន្តសម្រេចក្នុងមួយគ្រឿងៗ) សម្រាប់បម្រើឱ្យតម្រូវការផលិតកម្មរោងចក្រដំឡើងរថយន្ត ដែលមានទឹកប្រាក់សរុបប្រមាណជា ៥០លានដុល្លារអាម៉េរិក។

លោកបានបញ្ជាក់ឱ្យដឹងថា៖ ការវិនិយោគលើការបង្កើតរោងចក្រដំឡើង និងផលិតរថយន្តជាតិដំបូងគេបង្អស់របស់កម្ពុជានេះ គឺទទួលបានការលើកទឹកចិត្តផ្នែកពន្ធគយពីគោលនយោបាយរបស់រាជរដ្ឋាភិបាលកម្ពុជា ដែលរាជរដ្ឋាភិបាលសុខចិត្តបាត់បង់ចំណូលគយបន្ថែមប្រមាណពី ៣ ដល់ ៧ លានដុល្លារអាម៉េរិកក្នុង១ឆ្នាំ ទៅតាមកម្រិតនៃការផ្ដុំ និងដំឡើងតាមប្រភេទ CKD និង IKD ។ ប៉ុន្តែ ផលចំណេញនឹងចូលដល់សង្គម និងសេដ្ឋកិច្ចជាតិច្រើនជាងនេះ ដោយទុនវិនិយោគនឹងមានចំនួនចាប់ពី ៥ ដល់ ៤៥ លានដុល្លារអាម៉េរិក, ចំនួនការងារពី ១៥០កន្លែង ដល់ជាង ៦០០កន្លែង, ការកើនឡើងនូវការបង់ពន្ធផ្សេងៗ និងការបើ ប្រាស់ធាតុផ្សំក្នុងស្រុកពី ៣% ដល់ ៤០% ដែលអាចផ្សារភ្ជាប់ទៅនឹងសហគ្រាសធុនតូច និងមធ្យមផ្សេងទៀត។លើសពីនេះ ការលើកទឹកចិត្តផ្នែកពន្ធគយនេះ ក៏ឆ្លើយតបទៅនឹងគោលនយោបាយរបស់រាជរដ្ឋាភិបាល សំដៅដល់ការកាត់ បន្ថយថ្លៃលក់ និងជំរុញការប្រើប្រាស់រថយន្តថ្មីដែលចូលរួមកាត់បន្ថយថ្លៃដឹកជញ្ជូន,ការបំពុលបរិស្ថាន និងគ្រោះថ្នាក់ចរាចរណ៍ជាដើម។

លោកបានជម្រាបផងដែរថា គោលនយោបាយលើកទឹកចិត្តពន្ធនេះ ជាការគិតគូររបស់រាជរដ្ឋាភិបាលសម្រាប់វិស័យឯកជន និងដើម្បីអភិវឌ្ឍវិស័យយានយន្ត និងអេឡិចត្រូនិក ដើម្បីកម្ពុជាសម្រេចបានចក្ខុវិស័យប្រែក្លាយកម្ពុជា ទៅជាមជ្ឈមណ្ឌលប្រមូលផ្ដុំសកម្មភាពផលិតគ្រឿងបង្គុំយានយន្ត និងបរិក្ខារអេឡិចត្រូនិកសម្រាប់ការនាំចេញទៅកាន់ទីផ្សារក្នុងតំបន់ និងសកលលោក។ ជាមួយគ្នានេះផងដែរ នៅក្នុងវិស័យឧស្សាហកម្មយានយន្តនេះ ប្រទេសជិតខាងរួមមាន ប្រទេស ថៃ បានអភិវឌ្ឍន៍ និងជំរុញជំរុញឧស្សាហកម្មរថយន្ត មុនកម្ពុជាជាង៤០ឆ្នាំ ដោយបច្ចុប្បន្នប្រទេសថៃ ជាមជ្ឈមណ្ឌលដំឡើង និងផលិតរថយន្តដ៏ធំនៅអាស៊ីអាគ្នេយ៍ រីឯវៀតណាម បានចាប់ផ្ដើមមុនកម្ពុជាជាង២០ឆ្នាំមុន ដោយបច្ចុប្បន្នប្រទេសនេះកំពុង ត្រូវបានចាប់អារម្មណ៍ខ្ពស់ពីវិនិយោគិនក្រៅស្រុកនានា ដោយសារលក្ខខណ្ឌប្រជាសាស្ត្រ, ទីផ្សារ, គោលនយោបាយគាំទ្រ និងការលើកទឹកចិត្តពន្ធ។

ទោះយ៉ាងណា សេដ្ឋកិច្ចកម្ពុជា បាន និងកំពុងបោះជំហានឆ្ពោះទៅរកឧស្សាហកម្ម ដែលមានតម្លៃបន្ថែមខ្ពស់, ប្រើជំនាញ, បច្ចេកវិទ្យា និងទុនវិនិយោគច្រើន ដូចជា ឧស្សាហកម្មគ្រឿងអេឡិកត្រូនិក និងយានយន្តជាដើម ខណៈ ដែលពីមុនសេដ្ឋកិច្ចកម្ពុជា បានពឹងផ្អែកច្រើនលើវិស័យកាត់ដេរសំលៀកបំពាក់និងវាយនភ័ណ្ឌតែប៉ុណ្ណោះ។ ប៉ុន្តែក្នុងរយៈពេលប៉ុន្មានឆ្នាំចុងក្រោយនេះវិស័យ​ឧស្សា​ហ​កម្មយាយ និងអេឡិចត្រូនិក បានលូតលាស់យ៉ាងឆាប់រហ័ស និងត្រូវបានរាជរដ្ឋាភិបាលចាត់ទុកថា ជាវិស័យអាទិភាពចម្បងមួយ សម្រាប់ការអភិវឌ្ឍសង្គមសេដ្ឋកិច្ចកម្ពុជា។ ទន្ទឹមនឹងនេះ វិស័យដ៏មានសក្តានុពលនេះ ក៏ត្រូវបានរាជរដ្ឋាភិបាលចាត់ជាប្រភពកំណើនថ្មី និងជាវិស័យគន្លឹះ ក្នុងការចូលរួមអភិវឌ្ឍឧស្សាហកម្មកម្ពុជាតាមរយៈការតភ្ជាប់ខ្សែច្រវាក់តម្លៃក្នុងតំបន់និងសកល និងឈានឡើងជាប ណ្តើរៗក្នុងខ្សែច្រវាក់តម្លៃដែលឆ្ពោះទៅរកសកម្មភាពឧស្សាហកម្មផ្អែកលើជំនាញបច្ចេកទេស ព្រមទាំងលើកស្ទួយកំណើនសេដ្ឋកិច្ចជាតិផងដែរ៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រវត្តិខ្លះៗរបស់ប្រធានាធិបតីស្រីដំបូងគេបង្អស់របស់ប៊ុលហ្គារី លោកជំទាវ Iliana Iotova ដែលអញ្ជើញចូលរួមកិច្ចប្រជុំកំពូលហ្វ្រង់កូហ្វូនីលើកទី ២០ នៅកម្ពុជា

ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

លោកជំទាវ Iliana Malinova Iotova គឺជាប្រធានាធិបតីស្រីដំបូងគេបង្អស់នៅក្នុងប្រវត្តិសាស្ត្រប៊ុលហ្គារី ដែលបានឡើងកាន់តំណែងនៅថ្ងៃទី២៣ ខែមករា ឆ្នាំ២០២៦ បន្ទាប់ពីលោក Rumen Radev លាលែងពីតំណែង

អ្នក​ជំនាញ​៖​ ​ដំណើរ​ទស្សនកិច្ច​របស់​ប្រធានាធិបតី​បារាំង បើក​ឱកាស​នយោបាយ ​និង​សេដ្ឋកិច្ច​ថ្មី​សម្រាប់​កម្ពុជា​

ព្រឹត្តិការណ៍, សេដ្ឋកិច្ច

• 16/11/2026

​អ្នក​ជំនាញ​ប្រវត្តិសាស្ត្រ ​និង​នយោបាយ​កម្ពុជា​ ​លោក​សាស្ត្រាចារ្យ​ ​ឥន សុផល ​មើល​ឃើញ​ថា​ ​ដំណើរ​ទស្សនកិច្ច​ផ្លូវការ​របស់​ឯកឧត្តម​ ​Emmanuel ​Macron ​ប្រធានាធិបតី​បារាំង ​មកកាន់​កម្ពុជា​ចាប់​ពី​ថ្ងៃ​ទី​១៤ ​ដល់​ថ្ងៃ​ទី​១៦​ ​ខែ​វិច្ឆិកា ​ឆ្នាំ​២០២៦ ​និង​ការ​ចូលរួម​កិច្ច​ប្រជុំ​កំពូល​ហ្វ្រង់​កូហ្វូនី​លើក​ទី​២០ ​នឹង​ផ្តល់​អត្ថប្រយោជន៍​ជា​ច្រើន​ដល់​កម្ពុជា​ ទាំង​ផ្នែក​នយោបាយ​ ​និង​សេដ្ឋកិច្ច

មេដឹកនាំ​បារាំង ​និង​កាណាដា ​ជំរុញ​កិច្ច​សហប្រតិបត្តិការ​ហ្វ្រង់​កូហ្វូនី ​និង​បច្ចេកវិទ្យា​ ​AI

ព្រឹត្តិការណ៍, សេដ្ឋកិច្ច

• 16/11/2026

​នាយករដ្ឋមន្ត្រី​កាណាដា ​លោក​ ​Mark ​Carney ​និង​ប្រធានាធិបតី​បារាំង ​លោក​ ​Emmanuel ​Macron ​បាន​ជំរុញ​ឱ្យ​មាន​ការ​ពង្រឹង​កិច្ច​សហប្រតិបត្តិការ​ក្នុង​សហគមន៍​ហ្វ្រង់កូហ្វូនី ​ជាពិសេស​លើ​វិស័យ​បច្ចេកវិទ្យា​ ​ពាណិជ្ជកម្ម​ ​និង​បញ្ញា​សិប្បនិម្មិត ​(​AI​)​ ​

ឯកឧត្តម ម៉ាក្រុង ចាត់ទុកវត្តមានរបស់លោកនៅកម្ពុជា គឺជាការបើកទំព័រប្រវត្តិសាស្ត្រថ្មីនៃទំនាក់ទំនងបារាំង-កម្ពុជា

Top News, ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

ភ្នំពេញ ៖ ឯកឧត្តម ម៉ាក្រុង (Emmanuel MACRON) ប្រធានាធិបតីបារាំង បានចាត់ទុកវត្តមានបស់ឯកឧត្តមមកកាន់ទឹកដីកម្ពុជានៅពេលនេះ នឹងបើកទំព័រប្រវត្ដិសាស្ត្រថ្មីនៃទំនាក់ទំនងរវាងបារាំង-កម្ពុជា។ ការលើកឡើងដូច្នេះ នៅក្នុងជំនួបទ្វេភាគីជាមួយសម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នារសៀលថ្ងៃទី១៥ ខែវិច្ឆិកា ឆ្នាំ២០២៦ អំឡុងពេលអញ្ជើញមកបំពេញទស្សនកិច្ចផ្លូវរដ្ឋ និងចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅកម្ពុជា

ឯកឧត្តម តូ ឡឹម ប្រធានរដ្ឋវៀតណាម អំពាវនាវឱ្យសហគមន៍ហ្វ្រង់កូហ្វូនីពង្រឹងកិច្ចសហប្រតិបត្តិការលើវិស័យវិទ្យាសាស្ត្រ និងបច្ចេកវិទ្យា

ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

មេដឹកនាំកំពូលវៀតណាមឯកឧត្តម តូ ឡឹម អំពាវនាវឱ្យមានការពង្រឹងកិច្ចសហប្រតិបត្តិការលើវិស័យវិទ្យាសាស្ត្រ និងបច្ចេកវិទ្យាក្នុងអំឡុងពេលថ្លែងសុន្ទរកថានៅក្នុងព្រឹត្តិការណ៍ Franco Tech នៅប្រទេសកម្ពុជា

Hyundai Cambodia សម្ពោធរថយន្ត «All-New Hyundai Grand i10-AURA» ជំនាន់ថ្មី ជាមួយព្រឹត្តិការណ៍ដ៏ប្លែកមិនធ្លាប់មាន

ព្រឹត្តិការណ៍, អត្ថបទពាណិជ្ជកម្ម

• 16/11/2026

រាជធានីភ្នំពេញ៖ ត្រៀមខ្លួនទទួលយកបទពិសោធន៍ថ្មីដ៏អស្ចារ្យ! ក្រុមហ៊ុន Hyundai Cambodia បានបង្កើតភាពភ្ញាក់ផ្អើលតាមរយៈការរៀបចំព្រឹត្តិការណ៍បើកសម្ពោធរថយន្តដ៏ប្លែកខុសគេ ទាក់ទាញ និងមិនធ្លាប់មានពីមុនមកនៅកម្ពុជា កាលពីថ្ងៃទី១៤ ខែវិច្ឆិកា នេះ ដើម្បីអបអរសាទរការមកដល់ជាផ្លូវការនៃរថយន្តស៊េរីថ្មី «All-New Hyundai Grand i10» ម៉ាស៊ីនសាំងជំនាន់ចុងក្រោយ ដែលនាំមកនូវការរចនាយ៉ាងស្រស់ស្អាត ទាន់សម័យ និងការវិវត្តថ្មីមួយកម្រិតទៀត

បារាំង – កម្ពុជា ឯកភាពគ្នាពង្រឹង និងពង្រីកកិច្ចសហប្រតិបត្តិការឱ្យកាន់តែស៊ីជម្រៅ

Top News, ព្រឹត្តិការណ៍, សេដ្ឋកិច្ច

• 16/11/2026

ភ្នំពេញ ៖ នារសៀលថ្ងៃទី១៥ ខែវិច្ឆិកា ឆ្នាំ២០២៦ នៅវិមានសន្តិភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានជួបពិភាក្សាការងារទ្វេភាគីជាមួយ ឯកឧត្តម Emmanuel MACRON ប្រធានាធិបតីនៃសាធារណរដ្ឋបារាំង ក្នុងឱកាសដែលឯកឧត្តមប្រធានាធិបតី អញ្ជើញមកបំពេញទស្សនកិច្ចផ្លូវរដ្ឋ និងចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅព្រះរាជាណាចក្រកម្ពុជា ចាប់ពីថ្ងៃទី១៤

អ្នកជំនាញណែនាំឱ្យម្ចាស់អចលនទ្រព្យដែលទុកនៅទំនេរ​ គួរកែប្រែទ្រព្យនោះ​ដើម្បីរកចំណូល​ និងជំរុញ​ចរន្ត​សេដ្ឋកិច្ច​

ព្រឹត្តិការណ៍, អចលនទ្រព្យ

• 16/11/2026

អ្នកជំនាញអចលនវត្ថុ​បានណែនាំឱ្យ​ម្ចាស់ទ្រព្យ​ដែលមិនប្រើប្រាស់​គួរ​កែប្រែទ្រព្យនោះ ដើម្បីរកចំណូល​ឡើងវិញ

ក្រសួងឧស្សាហកម្ម អំពាវនាវឱ្យមាននវានុវត្តន៍ហិរញ្ញវត្ថុ ដើម្បីពង្រីកវិសាលភាពវិស័យ SME

ព្រឹត្តិការណ៍, ហិរញ្ញវត្ថុ

• 15/11/2026

ភ្នំពេញ ៖ ថ្លែងនៅក្នុងកិច្ចប្រជុំកំពូល Black Swan Summit Cambodia 2026 ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានសង្កត់ធ្ងន់ថា វេទិកានេះ គឺជាឱកាសដ៏សំខាន់ក្នុងការដោះស្រាយឧបសគ្គរបស់សហគ្រាសផ្នែកហិរញ្ញប្បទាន និងការទាញយកអត្ថប្រយោជន៍ពីនវានុវត្តន៍ហិរញ្ញវត្ថុ ដើម្បីជួយជំរុញកំណើនអាជីវកម្មខ្នាតតូច។

កម្ពុជាមានបំណងប្រែក្លាយភ្នំពេញឱ្យទៅជាស្ពានតភ្ជាប់រវាងអាស៊ីនិងលំហហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នៅរាជធានីភ្នំពេញ សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា កម្ពុជាមានបំណងប្រែក្លាយទីក្រុងភ្នំពេញឱ្យទៅជាស្ពានតភ្ជាប់អាស៊ីនិងលំហហ្វ្រង់កូហ្វូនី ។ សម្ដេចធិបតីបានមានប្រសាសន៍ថា ពិភពលោករបស់យើងកំពុងប្រឈមនឹងការបែកបាក់ ហើយទំនុកចិត្តក៏ធ្លាក់ចុះ ។ ក្នុងកាលៈទេសៈនេះ និងលើសពីពេលណាៗទាំងអស់ ហ្វ្រង់កូហ្វូនី ត្រូវតែបន្តជាទីកន្លែងដែលយើងផ្ដល់អាទិភាពលើកិច្ចសន្ទនា និងជាទីកន្លែងដែលមានច្បាប់ការពារដល់មនុស្សគ្រប់រូប ។ កម្ពុជានិយាយពីសន្តិភាព