សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ស្ថិតនៅក្នុងចំណែកនៃផែនការយោធាប្រចាំឆ្នាំសរុបដល់ទៅ ១៧៨,៦ពាន់លានដុល្លាររបស់រដ្ឋាភិបាលទីក្រុងសេអ៊ូលនោះ ក្រសួងការពារជាតិក៏បានប្រកាសដែរថា កូរ៉េខាងត្បូងនឹងចាប់ផ្តើមបង្កើនផលិតកម្មផលិតយន្តហោះចម្បាំងក្នុងស្រុកប្រភេទ KF-21 Boramae សរុបដល់ទៅ៤០គ្រឿងផងដែរ។
នៅក្នុងសេចក្តីថ្លែងការណ៍កាលពីពេលថ្មីៗនេះ ក្រសួងការពារជាតិកូរ៉េខាងត្បូងបានអះអាងដែរថា នេះគឺជាផលិតកម្មផលិតទ្រង់ទ្រាយលើកដំបូងសម្រាប់ KF-21 ក្នុងគោលបំណងសំខាន់ដើម្បីអាចដាក់ជំនួសយន្តហោះចម្បាំងចាស់ៗដែលរដ្ឋាភិបាលកូរ៉េទើបតែបានប្រកាសដាក់ឲ្យចូលនិវត្ត។
ក្រុមហ៊ុនអ្នកផលិតរបស់កូរ៉េខាងត្បូងដែលទទួលខុសត្រូវលើកិច្ចការងារនេះ Korea Aerospace Indsutries បានអនុវត្តតាមផែនការដំណាក់កាលដំបូងនៃការផលិតនឹងចាប់ផ្តើមធ្វើឡើងនៅក្នុងឆ្នាំ២០២៦ ហើយយន្តហោះ KF-21 ទី១នឹងអាចប្រគល់ជូនកងកម្លាំងទ័ពអាកាសកូរ៉េនៅត្រឹមពាក់កណ្តាលឆ្នាំដដែលនេះ។
គួរឲ្យដឹងដែរថា KF-21 នឹងក្លាយទៅជាយន្តហោះប្រយុទ្ធជួរមុខ និងសំខាន់បំផុតនៃកងកម្លាំងទ័ពអាកាសកូរ៉េដោយជំនួសនូវយន្តហោះចម្បាំងប្រភេទ F-4 និង F-5 ហើយត្រឹមឆ្នាំ២០៣២ រដ្ឋាភិបាលសេអ៊ូលនឹងអាចប្រតិបត្តិការយន្តហោះ KF-21 សរុបដល់ទៅ១២០គ្រឿង។
យន្តហោះចម្បាំងប្រភេទនេះត្រូវបានដាក់ឲ្យដំណើរការអភិវឌ្ឍ និងសាកល្បងតាំងតែពីឆ្នាំ២០១៥មកម្ល៉េះ ប៉ុន្តែកម្មវិធីនេះមិនសូវមានសកម្មភាពខ្លាំងឡើយរហូតដល់ឆ្នាំ២០២២ជាពេលដែលម៉ូឌែលគំរូមួយត្រូវបានផលិតឡើង។
រដ្ឋាភិបាលទីក្រុងសេអ៊ូលបានសម្រេចចិត្តជ្រើសយកក្រុមហ៊ុនផលិតអាវុធក្នុងស្រុក Korea Aerospaces Industires ដើម្បីរ៉ាប់រងគម្រោងមួយនេះក្រោមកិច្ចសហប្រតិបត្តិការជាមួយនឹងក្រុមហ៊ុនផលិតអាវុធរបស់អាមេរិក Lockheed Martin ដោយកន្លងមកក្រុមហ៊ុនទាំងពីរធ្លាប់មានបទពិសោធក្នុងការសហការគ្នាផលិតយន្តហោះចម្បាំងធុនស្រាល FA-50 បានទទួលជោគជ័យម្តងរួចមកហើយ។
KF-21 គឺជាគម្រោងវិនិយោគលើវិស័យការពារជាតិដ៏ធំបំផុតមួយរបស់កូរ៉េខាងត្បូងជាមួយនឹងកញ្ចប់ថវិកាសរុបដល់ទៅ៧,៨ពាន់លានដុល្លារ ហើយប៉ាន់ស្មានថា យន្តហោះនីមួយៗត្រូវចំណាយទឹកប្រាក់ផលិតប្រហែលជា៦៥លានដុល្លារ៕
Account
Security
Favourite Content