សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អ្នកប្រកបរបរក្រៅប្រព័ន្ធបន្តរងផលប៉ះពាល់ដល់សេដ្ឋកិច្ចរបស់ពួកគេក្នុងរង្វង់ប្រមាណ 60 ទៅ70ភាគរយ ដោយសារឥទ្ធិពលនៃវិបត្តិជំងឺកូវីដ-19 ជាពិសេសក្នុងកំឡុងពេលនៃការបិទខ្ទប់ខេត្តក្រុងមួយចំនួនកាលពីពេលកន្លងទៅនេះ។ នេះបើតាមការលើកឡើងរបស់លោកឧកញ៉ា ឃាង ពុទ្ធី អនុប្រធានសភាមុខរបរ និងមីក្រូសហគ្រាសកម្ពុជា។
ការលើកឡើងរបស់លោកឧកញ៉ាបែបនេះ គឺផ្អែកទៅលើស្ថានភាពជាក់ស្ដែងនៃអ្នកប្រកបរបរក្រៅប្រព័ន្ធ ពោលគឺមុខរបរអាជីវកម្មតូចៗដែលមិនបានចុះបញ្ជីពន្ធដារ ឬលិខិតស្នាមត្រឹមត្រូវដែលកំពុងតែរងការវាយប្រហារយ៉ាងខ្លាំងទៅលើប្រាក់ចំណូលរបស់ខ្លួន។
លោកឧកញ៉ាបន្តថា ៖ «រដ្ឋាភិបាល ក៏ដូចជាអាជ្ញាធរបានយកចិត្តទុកដាក់ក្នុងការជួយប្រជាពលរដ្ឋតាមដែលអាចធ្វើទៅបានក្នុងកំឡុងពេលនៃការបិទខ្ទប់កាលពីពេលកន្លងមក ក៏ប៉ុន្តែយើងពិបាកជួយពួកគាត់មែនទែន ដោយសារតែយើងខ្វះទិន្នន័យពីពួកគាត់ អ្វីដែលអាចជួយបានគឺបានត្រឹមតែតាមរយៈអាជ្ញាធរថ្នាក់ក្រោម ប៉ុន្តែវាមិនទាន់បានគ្រប់ជ្រុងជ្រោយនោះទេ»។
ក្នុងន័យនេះលោកឧកញ៉ាចង់មានន័យថា ដើម្បីឲ្យការជួយទៅកាន់ពួកគាត់បានងាយស្រួលជាងមុន លុះត្រាតែមានទិន្នន័យច្បាស់លាស់ណាមួយពីអ្នកដែលប្រកបរបរតូចៗទាំងឡាយដូចជាអ្នកលក់ដូរតាមចញ្ចើមផ្លូវជាដើម។
ជាការគួរឲ្យកត់សម្គាល់ នៅក្នុងកំឡុងពេលនៃការបិទខ្ទប់កាលពីពេលកន្លងទៅនេះ ជាការជួយសម្រាលដល់ផលលំបាករបស់ប្រជាជនក្រីក្រ ក៏ដូចជាអ្នកប្រកបរបក្រៅប្រព័ន្ធមួយចំនួនដូចជា អ្នកលក់ចល័ត អ្នករត់ម៉ូតូឌុប អ្នកធាក់ស៊ីក្លូមួយចំនួនគឺបានទទួលជំនួយពីរដ្ឋាភិបាល ដូចជា ត្រីខ មី អង្ករ ជាដើម ប៉ុន្តែដោយឡែក មួយចំនួនទៀតដែលគ្មានជាទិន្នន័យច្បាស់លាស់ក៏មិនបានទទួលអ្វីឡើយ ដែលធ្វើឲ្យជីវភាពរបស់ពួកគេកាន់តែខ្សត់ខ្សោយ។
ទាក់ទងទៅនឹងករណីនេះ លោកឧកញ៉ា ឃាង ពុទ្ធី បានផ្ដល់ជាអនុសាសន៍ថា ដើម្បីជំរុញសេដ្ឋកិច្ចអ្នកប្រកបរបរក្រៅប្រព័ន្ធឲ្យប្រសើរឡើងវិញបាន ជំហានដំបូងគឺគួរតែប្រមូលទិន្នន័យពីចំនួនអ្នកប្រកបរបរនេះឲ្យបានជាចំនួនមួយជាក់លាក់ ដើម្បីងាយស្រួលក្នុងការផ្ដល់ជំនួយទៅកាន់ពួកគេនៅពេលដែលពួកគេខ្វះខាត។ ចំណុចទីពីរគឺចេញពីសង្គមទៅ ដោយប្រជាជនមានទម្លាប់ក្នុងការជួយគ្នា និងចែករំលែកគ្នាទៅតាមលទ្ធភាពរៀងៗខ្លួន និងអ្វីដែលសំខាន់គឺអាស្រ័យលើពួកគាត់ផ្ទាល់ដែលត្រូវបង្កើនសមត្ថភាព និងសេវាកម្មឲ្យបានល្អប្រសើរជាងមុន។ ម្យ៉ាងទៀតគឺពួកគាត់ត្រូវតាមដានរាល់ព័ត៌មានដែលទាក់ទងជាមួយនឹងកូវីដ-19 ព្រមទាំងចូលរួមចាក់វ៉ាក់សាំងឲ្យបានគ្រប់ៗគ្នាដើម្បីជាការបង្កើនទំនុកចិត្ត៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
អាជីវកម្មសង្គម Okra ផ្ដល់អគ្គិសនីដល់ប្រជាជននៅតំបន់ដាច់ស្រយាល និងលើកស្ទួយថាមពលស្អាត
ជំនួញ, ធុរកិច្ចបរិយាបន្ន, ព្រឹត្តិការណ៍
• 23/04/2024
ក្រុមហ៊ុន Okra បានកំណត់យកប្រជាជននៅតាមតំបន់ដាច់ស្រយាលជាប្រជាជនគោលដៅ ក្នុងការជួយសម្រាលការចំណាយថ្លៃអគ្គិសនីរបស់ពួកគេ។
Olam Agri ជំរុញការបណ្តុះបណ្តាលកសិករលើផលិតកម្មស្រូវ ដើម្បីជួយពួកគេបង្កើនប្រាក់ចំណូល
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 23/04/2024
Olam ផ្តល់កម្មវិធីបណ្តុះបណ្តាលដ៏ទូលំទូលាយសម្រាប់ដល់កសិករជាដៃគូដែលផ្តោតទៅលើលក្ខខណ្ឌ និងគោលដៅរបស់កសិករជាមូលដ្ឋាន ដើម្បីលើកកម្ពស់ជីវភាពរបស់ពួកគេ។
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
កម្ពុជាមានសហគ្រាសប្រកបអាជីវកម្មសេដ្ឋកិច្ចក្នុងប្រព័ន្ធ និងក្រៅប្រព័ន្ធជាង១លានសហគ្រាស
រាជរដ្ឋាភិបាលកម្ពុជា បង្កើតយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ (ឆ្នាំ២០២៣-ឆ្នាំ២០២៨)
Account
Security
Favourite Content